ಬೆಂಗಳೂರು: ಆರ್ಸಿಬಿ ತಂಡದ ಮಾಜಿ ನಾಯಕ ವಿರಾಟ್ ಕೊಹ್ಲಿ ಟಗರು ಲುಕ್‍ನಲ್ಲಿ ಕಾಣಿಸಿಕೊಂಡಿರುವ ಪೋಸ್ಟ್ ಒಂದು ವೈರಲ್ ಆಗುತ್ತಿದೆ.
ಖಡಕ್ ಲುಕ್‍ನಲ್ಲಿರುವ ಟಗರಿನ ಮುಂದೆ ವಿರಾಟ್ ಕೊಹ್ಲಿ ನಿಂತಿರುವ ಪೋಸ್ಟ್‌ನ್ನು ಆರ್ಸಿಬಿ ಫ್ರಾಂಚೈಸ್ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದೆ. ಈ ಪೋಸ್ಟ್‌ನಲ್ಲಿ ಟಗರು ಕಣ್ಣನ್ನು ಕೆಂಪಾಗಿಸಿ ಕೊಹ್ಲಿಯನ್ನು ನೋಡುತ್ತಿದ್ದು, ಕೊಹ್ಲಿ ಕೂಡ ಕಣ್ಣು ಕೆಂಪಗೆ ಮಾಡಿಕೊಂಡು ಟಗರಿನ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಇದನ್ನೂ ಓದಿ: ಆರ್ಸಿಬಿಯಲ್ಲಿ K.G.F ಸ್ಟಾರ್ಸ್
ಟಗರಿನ ಮುಂದೆ ಕೊಹ್ಲಿಯ ಫೋಟೋ ಕಂಡು ಆರ್ಸಿಬಿ ಅಭಿಮಾನಿಗಳು ಖುಷಿಯಾಗಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಎಲ್ಲೆಡೆ ಕೊಹ್ಲಿಯ ಟಗರು ಲುಕ್ ವೈರಲ್ ಆಗುತ್ತಿದೆ. ಇದನ್ನೂ ಓದಿ: ಮೈದಾನದಲ್ಲಿ ಸಹ ಆಟಗಾರನಿಗೆ ಕಪಾಳಮೋಕ್ಷ ಮಾಡಿ ತಬ್ಬಿಕೊಂಡ ಹ್ಯಾರಿಸ್ ರೌಫ್ – ವೀಡಿಯೋ ವೈರಲ್
#ViratKohli????. Enough said. #PlayBold #WeAreChallengers pic.twitter.com/UMN4WiNOCg
— Royal Challengers Bangalore (@RCBTweets) February 23, 2022
ಕೆಲದಿನಗಳ ಹಿಂದೆ ಕನ್ನಡದ ಚಿತ್ರ ಕೆಜಿಎಫ್ ಹೊಸ ಕ್ರೇಜ್ ಹುಟ್ಟುಹಾಕಿರುವಂತೆ ಆರ್ಸಿಬಿ ತಂಡದಲ್ಲಿರುವ ಮೂವರು ಬ್ಯಾಟ್ಸ್‌ಮ್ಯಾನ್‌ಗಳಿಗೆ ಕೆಜಿಎಫ್ ಟೈಟಲ್ ನೀಡಲಾಗಿತ್ತು. ಆರ್ಸಿಬಿ ತಂಡದಲ್ಲಿರುವ ಕೆ.ಜಿ.ಎಫ್‍ನ ಸ್ಟಾರ್‌ಗಳಾಗಿ K – ಕೊಹ್ಲಿ, G – ಗ್ಲೇನ್ ಮ್ಯಾಕ್ಸ್‌ವೆಲ್, F – ಫಾಫ್ ಡು ಪ್ಲೆಸಿಸ್ ಕಾಣಿಸಿಕೊಂಡಿದ್ದಾರೆ. ಈ ಪೋಸ್ಟ್‌ನ್ನು ಆರ್ಸಿಬಿ ಫ್ರಾಂಚೈಸ್ ಪೋಸ್ಟ್ ಮಾಡಿತ್ತು. ಅಭಿಮಾನಿಗಳು ಕೂಡ ಈ ಕೆಜಿಎಫ್ ಸ್ಟಾರ್‌ಗಳನ್ನು ಮೆಚ್ಚಿಕೊಂಡಿದ್ದರು.
