ಬಾಯಲ್ಲಿ ನೀರು ಬರಿಸುವ ‘ಮಾವಿನಕಾಯಿ ಸಿಹಿ ಪಚಡಿ’ ಮಾಡಿ ಸವಿಯಿರಿ

ಮಾವಿನಕಾಯಿ ಹೆಸರು ಹೇಳಿದ್ರೆ ಬಾಯಲ್ಲಿ ನೀರು ಬರುತ್ತೆ. ಮಾವಿನಿಂದ ಮಾಡುವ ಎಲ್ಲ ತಿನಿಸು, ಜ್ಯೂಸ್ ಎಂದರೆ ಎಲ್ಲರಿಗೂ ಇಷ್ಟ. ಭಿನ್ನ ಮತ್ತು ಟೇಸ್ಟಿ ರೆಸಿಪಿ ‘ಮಾವಿನಕಾಯಿ ಸಿಹಿ ಪಚಡಿ’ ಮಾಡುವ ವಿಧಾನ ಇಲ್ಲಿದೆ ನೋಡಿ.

ಬೇಕಾಗಿರುವ ಸಾಮಗ್ರಿ:
* ಮಾವಿನಕಾಯಿ- 2
* ಪುಡಿ ಬೆಲ್ಲ – 200 ಗ್ರಾಂ
* ಹಸಿರು ಮೆಣಸಿನಕಾಯಿ – 2
* ಅರಿಶಿನ ಪುಡಿ – 1 ಟೀಸ್ಪೂನ್

* ಸಾಸಿವೆ – 1 ಟೀಸ್ಪೂನ್
* ಕರಿಬೇವು – 1 ಕಡ್ಡಿ
* ಕೆಂಪು ಮೆಣಸಿನಕಾಯಿ – 2
* ರುಚಿಗೆ ತಕ್ಕಷ್ಟು ಉಪ್ಪು
* ಎಣ್ಣೆ – 2 ಟೀಸ್ಪೂನ್

ಮಾಡುವ ವಿಧಾನ:
* ಮಾವಿನಕಾಯಿ ತೊಳೆದು, ಸಿಪ್ಪೆ ತೆಗೆದು ಕ್ಯೂಬ್ ಗಳಾಗಿ ಕತ್ತರಿಸಿಕೊಳ್ಳಿ.
* ಹಸಿರು ಮೆಣಸಿನಕಾಯಿ, ಕೆಂಪು ಮೆಣಸಿನಕಾಯಿಯನ್ನು ಕಟ್ ಮಾಡಿಕೊಳ್ಳಿ.
* ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ. ಅದಕ್ಕೆ ಸಾಸಿವೆ, ಹಸಿರು ಮೆಣಸಿನಕಾಯಿ, ಕೆಂಪು ಮಣಸಿನಕಾಯಿ ಮತ್ತು ಕರಿಬೇವಿನ ಸೊಪ್ಪು ಸೇರಿಸಿ ಒಗ್ಗರಣೆ ಮಾಡಿ.
* ಈ ಮಿಶ್ರಣಕ್ಕೆ ಸ್ವಲ್ಪ ನೀರು ಹಾಕಿ, ನೀರು ಕುದಿಯಲು ಆರಂಭವಾಗುತ್ತಿದ್ದಂತೆಯೇ, ಮಾವಿನ ಕ್ಯೂಬ್‍ಗಳನ್ನು ಹಾಕಿ ಅದಕ್ಕೆ ಅರಿಶಿನ ಪುಡಿ, ಬೆಲ್ಲ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ.

– ಮಾವಿನಕಾಯಿ ಬೆಂದ ನಂತರ, ಎರಡು ಚಿಟಿಕೆ ಉಪ್ಪು ಸೇರಿಸಿ, ಚೆನ್ನಾಗಿ ಬೆರೆಸಿ. ಈಗ ಮಾವಿನಕಾಯಿ ಸಿಹಿ ಪಚಡಿ ಸವಿಯಲು ಸಿದ್ಧ.

Live Tv