ನಟಿ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಮದುವೆ ಇದೇ ಫೆಬ್ರವರಿ 26ಕ್ಕೆ ನಿಶ್ಚಯವಾಗಿರುವ ವಿಚಾರ ಗುಟ್ಟಾಗಿ ಉಳಿದಿಲ್ಲ. ಈ ನಡುವೆ ಫೆ.2ರಂದೇ ರಶ್ಮಿಕಾ ಮದುವೆ ಎಂಬ ವದಂತಿ ಹಬ್ಬಿತ್ತು. ರಾಜಸ್ಥಾನದಿಂದ ಸೋಶಿಯಲ್ ಮೀಡಿಯಾ ಇನ್ಫು÷್ಲಯೆನ್ಸರ್ ಇಬ್ಬರು ಯುವತಿಯರು ಅರಮನೆಯಲ್ಲಿ ಮದುವೆಯ ತಯಾರಿಯ ಸೆಟ್ ತೋರಿಸಿ ಫೆ.2ಕ್ಕೆ ಮದುವೆ ಎಂದೇ ಹೇಳಿದ್ದರು. ಈ ವೀಡಿಯೋ ವೈರಲ್ ಆದ ಬಳಿಕ ರಶ್ಮಿಕಾ ವಿಜಯ್ ಮದುವೆ ಫೆ.2ಕ್ಕೆ ಎಂಬ ವದಂತಿ ಹಬ್ಬಿತ್ತು. ಆದರೆ ಅಪೂರ್ಣ ಮಾಹಿತಿಯೊಂದಿಗೆ ಇನ್ಫು÷್ಲಯೆನ್ಸರ್ಗಳು ಮಾಡಿದ ಅಚಾತುರ್ಯಕ್ಕೆ ಎಷ್ಟೋ ಕಡೆ ಫೆ.2ರಂದೇ ವಿವಾಹ ಎಂಬ ಸುಳ್ಳು ವದಂತಿ ಸೃಷ್ಟಿಯಾಗಿದೆ.
ರಶ್ಮಿಕಾ ವಿಜಯ್ ದೇವರಕೊಂಡ ಕಲ್ಯಾಣ ಇದೇ ತಿಂಗಳು ನಡೆಯುತ್ತಿದೆ. ಆದರೆ ಫೆ.26ಕ್ಕೆ ಈ ಕುರಿತ ತಯಾರಿ ನಡೆದಿದ್ದು, ಇದುವರೆಗೂ ಯಾರಿಗೂ ಆಮಂತ್ರಣ ಹೋಗಿಲ್ಲ. ರಾಜಸ್ಥಾನದ ಉದಯಪುರದ ಅರಮನೆಯಲ್ಲಿ ರಶ್ಮಿಕಾ ವಿಜಯ್ ಅದ್ದೂರಿ ಕಲ್ಯಾಣಕ್ಕೆ ಈಗಾಗ್ಲೇ ಸೆಟ್ ಹಾಕಲಾಗುತ್ತಿದೆ. ಆಮಂತ್ರಣ ಪತ್ರಿಕೆಯೂ ಸಿದ್ಧವಾಗಿದ್ದು, ಅತಿಥಿಗಳನ್ನ ತಲುಪುವ ಕಾರ್ಯ ಈ ಸೋಮವಾರದಿಂದಲೇ ಶುರುವಾಗುತ್ತಿದೆ.
ಸೀಮಿತ ಗಣ್ಯರಿಗಷ್ಟೇ ಆಹ್ವಾನ ನೀಡಲಾಗುತ್ತಿದ್ದು ಕೊಡವ-ತೆಲುಗು ಸಂಪ್ರದಾಯದ ಮಿಶ್ರಣದಲ್ಲಿ ಮದುವೆ ನಡೆಯುವ ಸಾಧ್ಯತೆಯನ್ನ ಆಪ್ತೇಷ್ಟರು ಹೇಳಿಕೊಂಡಿದ್ದಾರೆ. ಒಟ್ಟಿನಲ್ಲಿ ಏನಿಲ್ಲ ಏನಿಲ್ಲ ಎನ್ನುತ್ತಲೇ ರಶ್ಮಿಕಾ ವಿಜಯ್ ಮದುವೆಗೆ ಸಿದ್ಧರಾಗುತ್ತಿದ್ದಾರೆ.
