ಪತಿ ರಣ್‍ವೀರ್ ಮಾತನ್ನು ಕೇಳಿ ಕಾರ್ಯಕ್ರಮದಲ್ಲಿ ಅತ್ತ ದೀಪಿಕಾ: ವಿಡಿಯೋ

ಮುಂಬೈ: ರಣ್‍ವೀರ್ ಮಾತುಗಳನ್ನು ಕೇಳಿ ದೀಪಿಕಾ ಪಡುಕೋಣೆ ವಾಹಿನಿಯೊಂದರ ಕಾರ್ಯಕ್ರಮದಲ್ಲಿ ಭಾವುಕರಾದರು.

ಭಾನುವಾರ ರಣ್‍ವೀರ್ ಹಾಗೂ ದೀಪಿಕಾ ಮುಂಬೈನಲ್ಲಿ ನಡೆದ ಸ್ಟಾರ್ ಸ್ಕ್ರೀನ್ ಅವಾರ್ಡ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. ರೆಡ್ ಕಾರ್ಪೆಟ್ ಮೇಲೆ ರಣ್‍ವೀರ್ ಹಾಗೂ ದೀಪಿಕಾ ಕಪ್ಪು ಬಣ್ಣದ ಉಡುಪನ್ನು ಧರಿಸಿ ಮಿಂಚಿದರು.

ಈ ಅವಾರ್ಡ್ ಕಾರ್ಯಕ್ರಮದಲ್ಲಿ ರಣ್‍ವೀರ್ ‘ಪದ್ಮಾವತ್’ ಚಿತ್ರಕ್ಕೆ ಅತ್ಯುತ್ತಮ ನಾಯಕ ಪ್ರಶಸ್ತಿಯನ್ನು ಪಡೆದರು. ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ಮಾಡಿದ್ದ ಈ ಚಿತ್ರದಲ್ಲಿ ಅಲ್ಲಾವುದ್ದೀನ್ ಖಿಲ್ಜಿ ಪಾತ್ರದಲ್ಲಿ ನಟಿಸಿ ರಣವೀರ್ ಸಿಂಗ್ ಎಲ್ಲರ ಗಮನ ಸೆಳೆದಿದ್ದರು.

#DeepikaPadukone gets emotional as husband #RanveerSingh wins an award for best actor at the Star Screen Awards.Moshqil waqt mein sath dainai wali aur khushiyon mein khush honai wali.Humsafar hoo toh aaissi ❤❤…
lucky one : @RanveerOfficial#CoupleGoals pic.twitter.com/vEn8aDhzU3

— Jerry ???? (@xcxwii) December 16, 2018

ರಣ್‍ವೀರ್ ವೇದಿಕೆ ಮೇಲೆ ಹೋಗಿ ಅವಾರ್ಡ್ ಪಡೆದು ಭಾವನಾತ್ಮಕವಾಗಿ ಮಾತನಾಡಿದರು. “ನನಗೆ ಚಿತ್ರದಲ್ಲಿ ರಾಣಿ ಸಿಗದೇ ಇದ್ದರೂ ನಿಜ ಜೀವನದಲ್ಲಿ ನನಗೆ ನನ್ನ ರಾಣಿ ಸಿಕ್ಕಿದ್ದಾಳೆ. ಈ 6 ವರ್ಷದಲ್ಲಿ ನಾನು ಏನೂ ಸಾಧನೆ ಮಾಡಿದ್ದೇನೋ ಅದಕ್ಕೆ ದೀಪಿಕಾ ಕಾರಣ. ಲವ್ ಯೂ ದೀಪಿಕಾ” ಎಂದು ಪತ್ನಿಗೆ ಧನ್ಯವಾದ ತಿಳಿಸಿದರು. ರಣವೀರ್ ಮಾತನ್ನು ಹೇಳುತ್ತಿದ್ದಾಗ ದೀಪಿಕಾ ಪಡುಕೋಣೆ ಭಾವುಕರಾಗಿ ಪತಿಯನ್ನೇ ನೋಡುತ್ತಿದ್ದರು.

Best Actor in a Leading Role for Padmaavat ????#starscreenawards2018
Thank you all for your love ❤️???????? pic.twitter.com/6E17JDAsxD

— Ranveer Singh (@RanveerOfficial) December 16, 2018

ದೀಪಿಕಾ ಅವರಿಗೆ ಧನ್ಯವಾದ ಹೇಳಿದ ನಂತರ ರಣ್‍ವೀರ್ ಚಿತ್ರದ ನಿರ್ದೇಶಕ ಸಂಜಯ್ ಲೀಲಾ ಬನ್ಸಾಲಿ, ತನ್ನ ತಂದೆ, ತಾಯಿ ಹಾಗೂ ಸಹೋದರಿಗೆ ಧನ್ಯವಾದ ತಿಳಿಸಿದರು. ಬಳಿಕ ಈ ವರ್ಷದಲ್ಲಿ ನಿಧನರಾದ ತನ್ನ ಅಜ್ಜಿಗೆ ರಣ್‍ವೀರ್ ಈ ಅವಾರ್ಡ್ ಅನ್ನು ಡೆಡಿಕೇಟ್ ಮಾಡಿದರು.

ರಣ್‍ವೀರ್ ಸಿಂಗ್ ಹಾಗೂ ದೀಪಿಕಾ ಪಡುಕೋಣೆ ಇಟಲಿಯ ಲೇಕ್ ಕೋಮೋದಲ್ಲಿ ನವೆಂಬರ್ 14 ಹಾಗೂ ನವೆಂಬರ್ 15ರಂದು ಕೊಂಕಣಿ ಮತ್ತು ಸಿಖ್ ಸಂಪ್ರದಾಯದಂತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟರು. ಇಟಲಿಯಿಂದ ಬಂದ ನಂತರ ಈ ಜೋಡಿ ಬೆಂಗಳೂರಿನಲ್ಲಿ ಹಾಗೂ ಮುಂಬೈನಲ್ಲಿ ಅದ್ಧೂರಿಯಾಗಿ ಆರತಕ್ಷತೆ ಕಾರ್ಯಕ್ರಮವನ್ನು ಮಾಡಿಕೊಂಡಿತು.

https://twitter.com/RanveerSinghtbt/status/1074354641926848513

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv