ಮುಂಬೈ: ಬಾಲಿವುಡ್ ಬೆಡಗಿ ಸೋನಮ್ ಕಪೂರ್ ಮದುವೆಗೆ ಆಗಮಿಸಿದ ರಣ್‍ವೀರ್ ಸಿಂಗ್ ತನ್ನ ಪ್ರೇಯಸಿ ದೀಪಿಕಾ ಪಡುಕೋಣೆಯನ್ನು ನೆನೆಸಿಕೊಂಡು ಮೊಬೈಲ್ ಹಿಡಿದು ಮೂಲೆಯಲ್ಲಿ ಕುಳಿತಿರುವ ಫೋಟೋವೊಂದು ವೈರಲ್ ಆಗಿದೆ.
ಸೋನಮ್ ಮದುವೆಯಲ್ಲಿ ಬಾಲಿವುಡ್‍ನ ಎಲ್ಲ ತಾರೆಯರು ಭಾಗಿಯಾಗಿದ್ದರು. ರಣ್‍ವೀರ್ ಸಿಂಗ್ ಕೂಡ ಸೋನಮ್ ಆರತಕ್ಷತೆಗೆ ಆಗಮಿಸಿದ್ದರು. ಆದರೆ ಡಿಂಪಲ್ ಬೆಡಗಿ ದೀಪಿಕಾ ಪಡುಕೋಣೆ ಸೋನಮ್ ಮದುವೆಗೆ ಆಗಮಿಸಿರಲಿಲ್ಲ. ಆರತಕ್ಷತೆಯಲ್ಲಿ ದೀಪಿಕಾ ಅನುಪಸ್ಥಿತಿಯಿಂದ ರಣ್‍ವೀರ್ ಮೂಲೆಯಲ್ಲಿ ಕುಳಿತು ಮೊಬೈಲ್ ನೋಡುತ್ತಿದ್ದರು.
ಮೂಲೆಯಲ್ಲಿ ಕುಳಿತು ರಣ್‍ವೀರ್ ಯಾರೊಂದಿಗೋ ಚಾಟಿಂಗ್ ಮಾಡುತ್ತಿದ್ದರು ಎನ್ನಲಾಗಿದೆ. ಆದರೆ ಯಾರೊಂದಿಗೆ ಚಾಟಿಂಗ್ ಮಾಡುತ್ತಿರುವುದು ಎಂಬುದು ಸರಿಯಾಗಿ ತಿಳಿದಿಲ್ಲ. ಆದರೆ ರಣ್‍ವೀರ್ ತನ್ನ ಗೆಳತಿ ದೀಪಿಕಾ ಪಡುಕೋಣೆಯನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರು. ಹಾಗಾಗಿ ಅವರು ದೀಪಿಕಾ ಜೊತೆ ಚಾಟಿಂಗ್ ನಡೆಸುತ್ತಿದ್ದರು ಎಂದು ಬಿ-ಟೌನ್‍ನಲ್ಲಿ ಸುದ್ದಿಯಾಗಿದೆ.
ದೀಪಿಕಾ ಪಡುಕೋಣೆ ಮೆಟ್ ಗಾಲಾ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ಕಾರಣ ಸೋನಮ್ ಮದುವೆಗೆ ಆಗಮಿಸಲು ಸಾಧ್ಯವಾಗಲಿಲ್ಲ. ಹಾಗಾಗಿ ರಣ್‍ವೀರ್ ಸಿಂಗ್ ದೀಪಿಕಾರನ್ನು ಮಿಸ್ ಮಾಡಿಕೊಳ್ಳುತ್ತಿದ್ದರು. ಗೆಳತಿ ಜೊತೆಯಲ್ಲಿ ಇಲ್ಲದ ಕಾರಣ ರಣ್‍ವೀರ್ ಸ್ವಲ್ಪ ಬೇಜಾರಿನಲ್ಲಿ ಕಾರ್ಯಕ್ರಮದಿಂದ ಹೊರಬಂದು ದೀಪಿಕಾ ಜೊತೆ ಫೋನಿನಲ್ಲಿ ಮಾತನಾಡಿದ್ದರು ಎಂದು ಬಾಲಿವುಡ್‍ನಲ್ಲಿ ಸುದ್ದಿಯಾಗಿದೆ.
ಸದ್ಯ ರಣ್‍ವೀರ್ ಸಿಂಗ್ ಸೋನಮ್ ಮದುವೆಯಲ್ಲಿ ಮೂಲೆಯಲ್ಲಿ ಕುಳಿತಿರುವ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
