ಬಾಲಿವುಡ್‌ಗೆ ರಾಮ್ ಚರಣ್: ಸಲ್ಮಾನ್ ಖಾನ್ ಜೊತೆ ಜ್ಯೂ.ಮೆಗಾಸ್ಟಾರ್

`ಆರ್‌ಆರ್‌ಆರ್’ ಸೂಪರ್ ಸಕ್ಸಸ್ ನಂತರ ಪ್ಯಾನ್ ಇಂಡಿಯಾ ಸ್ಟಾರ್ ಆಗಿ ಮಿಂಚ್ತಿರುವ ರಾಮ್ ಚರಣ್ ತೇಜ ಈಗ ಬಾಲಿವುಡ್‌ನಲ್ಲಿ ಮಿಂಚಲು ಸಜ್ಜಾಗಿದ್ದಾರೆ. ಬಿಟೌನ್‌ನ ಸೂಪರ್ ಸ್ಟಾರ್ ಜತೆ ತೆರೆ ಹಂಚಿಕೊಳ್ಳಲು ರೆಡಿಯಾಗಿದ್ದಾರೆ.

ರಾಜಮೌಳಿ ನಿರ್ದೇಶನದ `ಆರ್‌ಆರ್‌ಆರ್’ ಚಿತ್ರದಲ್ಲಿ ನಟಿಸಿದ ಮೇಲೆ ರಾಮ್ ಚರಣ್ ಡಿಮ್ಯಾಂಡ್ ಗಗನಕ್ಕೇರಿದೆ. ಈ ಚಿತ್ರದ ಸಕ್ಸಸ್ ನಂತರ ಪಾತ್ರಗಳ ಆಯ್ಕೆನಲ್ಲಿಯೂ ಸಖತ್ ಚ್ಯೂಸಿ ಆಗಿದ್ದಾರೆ. ಹೀಗಿರುವಾಗ ಜ್ಯೂನಿಯರ್ ಮೆಗಾಸ್ಟಾರ್‌ಗೆ ಬಾಲಿವುಡ್‌ನಲ್ಲಿ ನಟಿಸಲು ಬುಲಾವ್ ಬಂದಿದೆ. ಬಾಲಿವುಡ್‌ನ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ಚಿತ್ರದಲ್ಲಿ ರಾಮ್ ಚರಣ್ ನಟಿಸಲಿದ್ದಾರೆ. ಇದನ್ನೂ ಓದಿ: ಪಾಕ್ ಹೋಟೆಲ್‌ನಲ್ಲಿ ಆಲಿಯಾ ಭಟ್: ನೆಟ್ಟಿಗರು ಗರಂ

ಈ ಹಿಂದೆಯೇ ಬಾಲಿವುಡ್‌ನ `ಜಂಜೀರ್’ ಚಿತ್ರದಲ್ಲಿ ರಾಮ್ ಚರಣ್ ನಟಿಸಿದ್ದರು. ಪ್ರಿಯಾಂಕಾ ಚೋಪ್ರಾ ನಾಯಕಿಯಾಗಿ ಸಾಥ್ ನೀಡಿದ್ದರು. ಆದರೆ ಗಲ್ಲಾಪೆಟ್ಟಿಗೆಯಲ್ಲಿ ಹೀನಾಯವಾಗಿ ಈ ಚಿತ್ರ ಸೋತಿತ್ತು. ದಶಕಗಳ ನಂತರ ರಾಮ್ ಚರಣ್, ಸಲ್ಮಾನ್ ಖಾನ್ ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರೆ.

`ಕಭಿ ಈದ್ ಕಭಿ ದಿವಾಲಿ’ ಚಿತ್ರದಲ್ಲಿ ಅತಿಥಿ ಪಾತ್ರಕ್ಕೆ ರಾಮ್ ಚರಣ್ ಓಕೆ ಅಂದಿದ್ದಾರೆ. ಅತಿಥಿ ಪಾತ್ರವಾಗಿದ್ದರು ರಾಮ್ ಚರಣ್ ರೋಲ್‌ಗೆ ಪ್ರಾಮುಖ್ಯತೆಯಿದೆ. ರಿಲೀಸ್ ಬಳಿಕ ಈ ಸೂಪರ್ ಸ್ಟಾರ್‌ಗಳ ಜೋಡಿ ಹೇಗೆಲ್ಲಾ ಕಮಾಲ್ ಮಾಡಬಹುದು ಕಾದುನೋಡಬೇಕಿದೆ.

Live Tv