ಮನರಂಜನೆಗೆ ಮತ್ತೊಂದು ಹೆಸರೇ ಬಿಗ್ ಬಾಸ್ (Bigg Boss Kannada 10) ರಿಯಾಲಿಟಿ ಶೋ. ಲವ್, ಫ್ರೆಂಡ್‌ಶಿಪ್, ಬ್ರೇಕಪ್ ಹೀಗೆ ನಾನಾ ರೀತಿಯ ಗಾಸಿಪ್ ಕಥೆಗಳನ್ನ ದೊಡ್ಮನೆಯಲ್ಲಿ ನೋಡಬಹುದು. ಇದೀಗ ಬುಲೆಟ್ ಪ್ರಕಾಶ್ ಪುತ್ರ ರಕ್ಷಕ್ ತನ್ನ ಮದುವೆ (Wedding) ಬಗ್ಗೆ ಬಾಯ್ಬಿಟ್ಟಿದ್ದಾರೆ. ತನ್ನ ಜಾತಕದಲ್ಲಿರೋ 5 ಮದುವೆ ಯೋಗದ ಬಗ್ಗೆ ರಕ್ಷಕ್ ಮಾತನಾಡಿದ್ದಾರೆ.
Advertisement
ದೊಡ್ಮನೆಯ ಆಟ 2ನೇ ವಾರಕ್ಕೆ ಕಾಲಿಟ್ಟಿದೆ. ತಣ್ಣಗೆ ಇದ್ದ ಮನೆ ಈಗ ರಣರಂಗವಾಗಿದೆ. ಇದೆಲ್ಲದರ ನಡುವೆ ಸ್ಪರ್ಧಿಗಳಾದ ಸಿರಿ, ಸ್ನೇಹಿತ್, ತನಿಷಾ, ರಕ್ಷಕ್ ತಮ್ಮ ವೈಯಕ್ತಿಕ ಬದುಕಿನ ವಿಚಾರಗಳ ಬಗ್ಗೆ ಮಾತುಕತೆ ನಡೆಸಿದ್ದಾರೆ. ಸ್ನೇಹಿತ್ ತನ್ನ ಬ್ರೇಕಪ್‌ಗಳ ಕತೆ ಹೇಳಿದ್ರೆ, ಹಿರಿಯ ನಟಿ ಸಿರಿ (Siri) ತಮಗೆ ಮದುವೆ ಬಗ್ಗೆ ಆಸಕ್ತಿ ಇಲ್ಲದೇ ಇರೋದರ ಬಗ್ಗೆ ಮಾತನಾಡಿದ್ದಾರೆ.
Advertisement
Advertisement
ಆಗ ರಕ್ಷಕ್ ತಮ್ಮ ಮದುವೆ ಬಗ್ಗೆ ಬಾಯ್ಬಿಟ್ಟಿದ್ದಾರೆ. ತಂದೆ ಬುಲೆಟ್ ಪ್ರಕಾಶ್ ಅವರಿದ್ದಾಗ ಒಮ್ಮೆ ರಕ್ಷಕ್ ಜಾತಕ ತೋರಿಸಿದ್ರಂತೆ, ಆಗ ಜ್ಯೋತಿಷಿ ರಕ್ಷಕ್‌ಗೆ 5 ಮದುವೆಯಾಗುವ ಯೋಗದ ಬಗ್ಗೆ ಹೇಳಿದ್ರಂತೆ. ಈ ವಿಚಾರ ಮನೆಮಂದಿ ಮುಂದೆ ರಕ್ಷಕ್ ಹೇಳುವಾಗ, ಸ್ನೇಹಿತ್ ಕಾಲೆಳೆದಿದ್ದಾರೆ. ಅದಕ್ಕೆ ನಾ ವೈಲ್ಡ್ ಕಾರ್ಡ್ ಎಂಟ್ರಿ ಬರಲಿ ಅಂತಾ ಹೇಳ್ತಾ ಇದ್ದಿದ್ದು ಅಂತ ತಮಾಷೆ ಮಾಡಿದ್ದಾರೆ. ರಕ್ಷಕ್-ಸ್ನೇಹಿತ್ ಮಾತಿಗೆ ಮನೆಮಂದಿ ನಕ್ಕಿದ್ದಾರೆ. ಇದನ್ನೂ ಓದಿ:ಬಿಗ್ ಬಾಸ್ ಅಂದ್ರೆ ಸುಮ್ನೆನಾ?: ಕ್ಯಾಪ್ಟನ್‌ಗೇ ಪನಿಶ್‌ಮೆಂಟ್
Advertisement
ಕಾಮಿಡಿ ಪಂಚ್ ಮೂಲಕ ಮನೆಮಾತಾದ ಖ್ಯಾತ ನಟ ಬುಲೆಟ್ ಪ್ರಕಾಶ್ (Bullet Prakash) ಪುತ್ರ ಈಗ ದೊಡ್ಮನೆಯಲ್ಲಿ ಕಮಾಲ್ ಮಾಡ್ತಿದ್ದಾರೆ. ‘ಗುರು ಶಿಷ್ಯರು’ ಚಿತ್ರದ ಸ್ಯಾಂಡಲ್‌ವುಡ್‌ಗೆ ಎಂಟ್ರಿ ಕೊಟ್ಟ ಯುವ ನಟ ಸಾಕಷ್ಟು ಟ್ರೋಲ್‌ಗಳ ಮೂಲಕ ಹೈಲೆಟ್ ಆಗಿದ್ದರು. ಈಗ ಬಿಗ್ ಬಾಸ್ ಮನೆಯಲ್ಲಿ ಖಡಕ್ ಡೈಲಾಗ್ ಹೇಳುವ ಮೂಲಕ ಮಿಂಚ್ತಿದ್ದಾರೆ.
