ಕಿರುತೆರೆಯ ಹೆಸರಾಂತ ನಟ, ಗಟ್ಟಿಮೇಳ ಖ್ಯಾತಿಯ ರಕ್ಷ್ ರಾಮ್ (Raksh Ram) ಅವರ ಹೊಸ ಸಿನಿಮಾಗೆ ಇಂದು ಬೆಂಗಳೂರಿನಲ್ಲಿ ಮುಹೂರ್ತ ನೆರವೇರಲಿದೆ. ಈ ಚಿತ್ರಕ್ಕೆ ಪುನೀತ್ ರಾಜ್ ಕುಮಾರ್ ನಟನೆಯ ಕೊನೆಯ ಸಿನಿಮಾ ಜೇಮ್ಸ್ ಚಿತ್ರದ ನಿರ್ದೇಶಕ ಚೇತನ್ ಕುಮಾರ್ ಆಕ್ಷನ್ ಕಟ್ ಹೇಳಲಿದ್ದಾರೆ.
Advertisement
ಜೇಮ್ಸ್ ನಂತರ ನಿರ್ದೇಶಕ ಚೇತನ್ ಕುಮಾರ್ (Chetan Kumar) ಯಾವ ಸಿನಿಮಾ ಮಾಡಲಿದ್ದಾರೆ ಎನ್ನುವ ಕುತೂಹಲ ಸಹಜವಾಗಿಯೇ ಅವರ ಅಭಿಮಾನಿಗಳಲ್ಲಿ ಇತ್ತು. ಅದಕ್ಕೀಗ ಉತ್ತರ ಸಿಕ್ಕಿದೆ. ಆಗಸ್ಟ್ 25ರಂದು ವರಮಹಾಲಕ್ಷ್ಮಿ ಹಬ್ಬದ ದಿನದಂದು ಹೊಸ ಸಿನಿಮಾ (New Movie) ಘೋಷಣೆ ಮಾಡಿದ್ದಾರೆ ಚೇತನ್. ಆದರೆ, ಯಾವ ವಿವರಗಳನ್ನೂ ಅವರು ಬಿಟ್ಟುಕೊಟ್ಟಿರಲಿಲ್ಲ. ಇಂದು ಒಂದಷ್ಟು ಮಾಹಿತಿ ಹೊರಬರಹುದು. ಇದನ್ನೂ ಓದಿ:ಚಿತ್ರರಂಗಕ್ಕೆ ಎಂಟ್ರಿ ಕೊಡಲಿದ್ದಾರೆ ದುನಿಯಾ ವಿಜಯ್ ಪುತ್ರಿಯರು
Advertisement
Advertisement
ಈ ಹಿಂದೆ ಹೊಸ ಸಿನಿಮಾದ ಕುರಿತಂತೆ ಪೋಸ್ಟರ್ ವೊಂದನ್ನು ರಿಲೀಸ್ ಮಾಡಿದ್ದರು ಚೇತನ್, ‘ಹೊಸ ಸಿನಿಮಾವನ್ನು ವರಮಹಾಲಕ್ಷ್ಮೀ ಹಬ್ಬದ ಶುಭ ದಿನದಂದು ಬೆಳಗ್ಗೆ 11.11ಕ್ಕೆ ಘೋಷಣೆ ಮಾಡುತ್ತಿದ್ದೇನೆ. ಆ ಸಿನಿಮಾ ಕುರಿತು ಹೆಚ್ಚಿನ ಮಾಹಿತಿಯನ್ನು ಅಂದು ನೀಡುತ್ತೇನೆ’ ಎಂದು ಹೇಳಿಕೊಂಡಿದ್ದರು.
Advertisement
ಬಹದ್ದೂರ್(Bahaddar) , ಭರ್ಜರಿ, ಭರಾಟೆ ಸಿನಿಮಾಗಳನ್ನು ನಿರ್ದೇಶನ ಮಾಡಿ ಸೈ ಅನಿಸಿಕೊಂಡವರು ಚೇತನ್. ಹಲವು ಸಿನಿಮಾಗಳಿಗೆ ಹಾಡು, ಡೈಲಾಗ್ ಕೂಡ ಬರೆದವರು. ಅಪ್ಪು ನಟನೆಯ ಕೊನೆಯ ಚಿತ್ರಕ್ಕೆ ಇವರದ್ದೇ ನಿರ್ದೇಶನವಿತ್ತು. ಆ ಸಿನಿಮಾ ನಂತರ ಇದೀಗ ಹೊಸ ಸಿನಿಮಾಗೆ ಕೈ ಹಾಕಿದ್ದಾರೆ. ಹಾಗಾಗಿ ಸಿನಿಮಾದ ಅಪ್ ಡೇಟ್ ತಿಳಿದುಕೊಳ್ಳಲು ಅಭಿಮಾನಿಗಳು ಕಾತುರರಾಗಿದ್ದಾರೆ.
Web Stories
