ಪತಿ ರಿತೇಶ್‌ರಿಂದ ದೂರವಾದ ನಂತರ ರಾಖಿ ಸಾವಂತ್ ಇದೀಗ ಮತ್ತೊಬ್ಬ ಬಾಯ್‌ಫ್ರೆಂಡ್‌ ಅನ್ನು ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ಈ ಬಾರಿ ಅವರು ಕರ್ನಾಟಕ ಮೂಲದ ಹುಡುಗನ ಜೊತೆ ಸಪ್ತಪದಿ ತುಳಿಯಲು ಮುಂದಾಗಿದ್ದಾರೆ. ತಾವಿಬ್ಬರೂ ಪ್ರೀತಿಸುತ್ತಿರುವ ವಿಚಾರವನ್ನು ಒಪ್ಪಿಕೊಂಡಿರುವ ರಾಖಿ, ಆ ಹುಡುಗನ ಬಗ್ಗೆ ಹಲವು ಮಾತುಗಳನ್ನು ಆಡಿದ್ದಾರೆ. ಇದನ್ನೂ ಓದಿ : ಹೊಂಬಾಳೆ ಫಿಲ್ಮಸ್ ಬಘೀರನಿಗೆ ಮೇ 20ಕ್ಕೆ ಮುಹೂರ್ತ : ಶ್ರೀಮುರುಳಿ ನಾಯಕ
ಪತಿ ರಿತೇಶ್ ಅವರಿಂದ ದೂರವಾದ ನಂತರ ಸಂಪರ್ಕಕ್ಕೆ ಬಂದನಂತೆ ಮೈಸೂರು ಮೂಲದ ಹುಡುಗ ಆದಿಲ್ ಖಾನ್. ಪರಸ್ಪರ ಇಬ್ಬರೂ ಪರಿಚಯವಾದ ನಂತರ ಕೇವಲ ಒಂದೇ ಒಂದು ತಿಂಗಳಿಗೆ ರಿತೇಶ್ ಪ್ರೇಮ ನಿವೇದನೆ ಮಾಡಿಕೊಂಡಂತೆ. ಮೊದಲು ಪ್ರಪೋಸ್ ಮಾಡಿದ್ದು ಆದಿಲ್ ಎಂದು ರಾಖಿ ಹೇಳಿಕೊಂಡಿದ್ದಾರೆ. ಅವನು ಪ್ರೇಮ ನಿವೇದನೆ ಮಾಡಿಕೊಂಡಿದ್ದು ವಿಶೇಷವಾಗಿತ್ತು. ಹಾಗಾಗಿ ಒಪ್ಪಿಕೊಂಡೆ ಅಂದಿದ್ದಾರೆ. ಇದನ್ನೂ ಓದಿ : ಮನೆಗೆ ಕರೆಯಿಸಿಕೊಳ್ಳುವಂಥ ಅರ್ಹತೆ ಬಾಲಿವುಡ್ ನಲ್ಲಿ ಯಾರಿಗೂ ಇಲ್ಲ : ಕಂಗನಾ ರಣಾವತ್
ಆದಿಲ್ ಖಾನ್‌ಗೂ ಮತ್ತು ರಾಖಿ ಸಾವಂತ್ ಅವರಿಗೆ ವಯಸ್ಸಿನ ಅಂತರ ಆರು ವರ್ಷವಂತೆ. ಕೇವಲ ಆರು ವರ್ಷ ವಯಸ್ಸಿನ ಅಂತರದ ಹುಡುಗನ ಜೊತೆ ಪ್ರೀತಿ ಮಾಡುತ್ತಿರುವೆ. ಬಾಲಿವುಡ್‌ನಲ್ಲೂ ಹದಿನೈದು ಇಪ್ಪತ್ತು ವರ್ಷ ಅಂತರದ ಜೋಡಿಗಳು ಇದ್ದಾವೆ. ಹಾಗಾಗಿ ಪ್ರೀತಿಗೆ ವಯಸ್ಸಿಲ್ಲ ಎಂದು ಘೋಷಿಸಿದ್ದಾರೆ. ಅದು ಇವರಿಬ್ಬರ ಮಧ್ಯದ ಹೊಂದಾಣಿಕೆಗೆ ಯಾವುದೇ ತೊಡಕಾಗುವುದಿಲ್ಲ ಎಂದೂ ಅವರು ಹೇಳಿದ್ದಾರೆ. ಇದನ್ನೂ ಓದಿ : ಕಾನ್ ಫೆಸ್ಟಿವಲ್‌ನಲ್ಲಿ ತಾರೆಯರ ದಂಡು
ರಾಖಿ ಅವರಿಗೆ ಆದಿಲ್ ಸಿಕ್ಕಿದ್ದೇ ಒಂದು ರೋಚಕ ಕಥೆಯಂತೆ. ರಾಖಿ ಅವರ ಬಿಸ್ನೆಸ್ ಪಾರ್ಟ್ನರ್‌ ಶೈಲೆ ಅವರ ಸಹೋದರ ಆದಿಲ್. ಬಿಸ್ನೆಸ್ ಭೇಟಿಗಾಗಿ ಆಗಾಗ್ಗೆ ರಾಖಿ ಮತ್ತು ಶೈಲೆ ಸೇರುತ್ತಿದ್ದರಂತೆ. ಆಗ ತನ್ನ ಮೊಬೈಲ್ ನಂಬರ್ ಪಡೆದು ಆದಿಲ್ ಸ್ನೇಹ ಬಯಸಿದ ಎಂದು ರಾಖಿ ಹೇಳಿಕೊಂಡಿದ್ದಾರೆ. ಆದಿಲ್ ಮಾತಿಗೆ ಬೇಡ ಎನ್ನಲಾಗದೇ ಮೈಸೂರಿಗೆ ರಾಖಿ ಬಂದಿದ್ದರಂತೆ. ಹೋಟೆಲ್‌ನಲ್ಲಿ ಉಳಿದುಕೊಂಡಿದ್ದರಂತೆ. ಆಗ ಆದಿಲ್ ತೋರಿದ ಆತಿಥ್ಯಕ್ಕೆ ಫಿದಾ ಆದರಂತೆ ರಾಖಿ. ಇದನ್ನೂ ಓದಿ : ಇಂಡಸ್ಟ್ರಿಯಲ್ಲಿ ನಟಿಯರು ಎದುರಿಸುವ ಸವಾಲು ಬಿಚ್ಚಿಟ್ಟ ರಮ್ಯಾ
ಮದುವೆಗೆ ಮುನ್ನವೇ ಆದಿಲ್ ಕುಟುಂಬದ ಬಗ್ಗೆ ಬಾಂಬ್ ಸಿಡಿಸಿದ್ದಾರೆ ರಾಖಿ ಸಾವಂತ್. ತಾವು ಧರಿಸುವ ಬಟ್ಟೆಗಳು ಆದಿಲ್ ಕುಟುಂಬಕ್ಕೆ ಇಷ್ಟವಾಗುವುದಿಲ್ಲವಂತೆ. ಹಾಗಾಗಿ ಕಾಸ್ಟ್ಯೂಮ್‌ನಲ್ಲಿ ಬದಲಾವಣೆ ಮಾಡಿಕೊಳ್ಳುವುದಾಗಿಯೂ ಅವರು ತಿಳಿಸಿದ್ದಾರೆ.
