ನವದೆಹಲಿ: ಕಾಂಗ್ರೆಸ್ ನಾಯಕ ಶಶಿ ತರೂರ್ ಆರೋಪಕ್ಕೆ ಮಾಹಿತಿ ಮತ್ತು ಪ್ರಸಾರ ಸಚಿವ ರಾಜವರ್ಧನ್ ಸಿಂಗ್ ರಾಥೋರ್ ಪ್ರತಿಕ್ರಿಯಿಸಿ ಪ್ರಧಾನಿ ಅವರ ಫಿಟ್ನೆಸ್ ಚಾಲೆಂಜ್ ವಿಡಿಯೋ ಮಾಡಲು ಯಾವುದೇ ಹಣ ಖರ್ಚು ಮಾಡಿಲ್ಲ, ವಿಡಿಯೋವನ್ನು ಪ್ರಧಾನಿ ಕಚೇರಿಯ ವಿಡಿಯೋಗ್ರಾಫರ್ ಚಿತ್ರಿಸಿರುವುದು ಎಂದು ತಿರುಗೇಟು ನೀಡಿದ್ದಾರೆ.
ಶಶಿ ತರೂರ್ ಅವರು, ಪ್ರಧಾನಿ ಮೋದಿ ಅವರ ಫಿಟ್ನೆಸ್ ಚಾಲೆಂಜ್ ವಿಡಿಯೋ ತಯಾರಿಸಲು ಸುಮಾರು 35 ಕೋಟಿ ರೂ. ಗಳನ್ನು ಖರ್ಚು ಮಾಡಲಾಗಿದೆ ಎಂದು ಟ್ವೀಟ್ ಮಾಡಿದ್ದರು. ಅವರ ಟ್ವೀಟ್ಗೆ ಪ್ರತಿಕ್ರಿಯಿಸಿದ ಸಚಿವ ರಾಥೋರ್ ಅವರು, ಶಶಿ ತರೂರ್ ಅವರೆ ನಿಮ್ಮ ಮಾತಿಗೆ ಆಶ್ಚರ್ಯವಾಗಿಲ್ಲ, ಸುಳ್ಳುತನ ನಿಮ್ಮ ಸತ್ಯದ ಬದಲಿ ಮುಖ. ಪ್ರಧಾನಿ ಅವರ ಫಿಟ್ನೆಸ್ ವಿಡಿಯೋಗೆ ಯಾವುದೇ ಹಣ ಖರ್ಚು ಮಾಡಿಲ್ಲ, ಅದನ್ನು ಪ್ರಧಾನಿ ಕಚೇರಿಯ ವಿಡಿಯೋಗ್ರಾಫರ್ ಚಿತ್ರಿಸಿದ್ದಾರೆ ಎಂದು ಬರೆದು ತಿರುಗೇಟು ನೀಡಿದ್ದಾರೆ.
ಮೊದಲು ಕೇಂದ್ರ ಸರ್ಕಾರವು ಅಂತಾರಾಷ್ಟ್ರೀಯ ಯೋಗ ದಿನಾಚರಣೆಯ ಜಾಹಿರಾತಿಗೆ ಸುಮಾರು 20 ಕೋಟಿ ರೂ. ಖರ್ಚು ಮಾಡಿತ್ತು ಎಂದು ಟ್ವೀಟ್ ಮಾಡಿ ಆರೋಪಿಸಿದ್ದರು. ನಂತರ ಮೋದಿ ವಿಡಿಯೋಗೆ 35 ಲಕ್ಷ ಖರ್ಚು ಮಾಡಲಾಗಿದೆ ಎಂದು ಆರೋಪಿಸಿ ವೆಬ್ಸೈಟ್ ಒಂದರಲ್ಲಿ ಬಂದಿದ್ದ ಸುದ್ದಿಯನ್ನು ಹಾಕಿ ಟ್ವೀಟ್ ಮಾಡಿದ್ದರು.
ಜೂನ್ 12 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಯೋಗ ಹಾಗೂ ವ್ಯಾಯಾಮ ಮಾಡುತ್ತಿರುವ ವಿಡಿಯೋವನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದ್ದರು. ಮರುದಿನ ಮೋದಿಯವರು ಕರ್ನಾಟಕ ಸಿಎಂ ಎಚ್.ಡಿ ಕುಮಾರಸ್ವಾಮಿ ಅವರಿಗೆ ಫಿಟ್ನೆಸ್ ಚಾಲೆಂಜ್ ಹಾಕಿದ್ದರು. ಪ್ರಧಾನಿಯವರ ಫಿಟ್ನೆಸ್ ವಿಡಿಯೋ ಬಂದು ಬಹಳ ದಿನಗಳಾದ ಮೇಲೆ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಅವರ ಫಿಟ್ನೆಸ್ ಚಾಲೆಂಜ್ನನ್ನು ಮೋದಿಯವರು ಟ್ವಿಟ್ಟರ್ ನಲ್ಲಿ ಸ್ವೀಕರಿಸಿದ್ದರು.
Not surprised Mr @ShashiTharoor, falsehoods is ur substitute 4 facts
No money ws spent 4 PM’s fitness vid. It ws recorded by PMO videographer. This article is based on 'solid proof' of hearsay
And I assure you sir,not a single 'lamb' was sacrificed for the vid, let alone 35! 😃 https://t.co/xiC52ak7iw
— Col Rajyavardhan Rathore (@Ra_THORe) July 2, 2018
20 crore rupees in ads for #YogaDay, 35 lambs for @PMOIndia's fitness video! Disgraceful. This government is all about smoke & mirrors. Hype is their substitute for hope — the hopes they have destroyed.https://t.co/vmYZINkRD2
— Shashi Tharoor (@ShashiTharoor) July 2, 2018
