ಜೈಪುರ್: ಟೋಲ್ ಗೇಟ್ ಕೌಂಟರ್ ಬಳಿಯ ರೋಡ್ ಡಿವೈಡರ್ ಗೆ ಟ್ರಕ್‍ವೊಂದು ಡಿಕ್ಕಿ ಹೊಡೆದ ಪರಿಣಾಮ ಅದರಲ್ಲಿದ್ದ ಬಿಯರ್ ಬಾಟಲ್‍ಗಳು ರಾಶಿ ರಾಶಿಯಾಗಿ ಕೆಳಗೆ ಬಿದ್ದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ರಾಜಸ್ಥಾನದ ಜೈಪುರ್-ಅಜ್ಮಿರ್ ರಾಷ್ಟ್ರೀಯ ಹೆದ್ದಾರಿಯ ಕಿಶನ್‍ಗಂಜ್ ಟೋಲ್ ಗೇಟ್‍ನಲ್ಲಿ ಶುಕ್ರವಾರ ಘಟನೆ ನಡೆದಿದೆ. ಬಿಯರ್ ಬಾಟಲ್‍ಗಳು ಬಿದ್ದ ಪರಿಣಾಮ ವ್ಯಕ್ತಿಯೊಬ್ಬರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಈ ಎಲ್ಲ ದೃಶ್ಯ ಸ್ಥಳದಲ್ಲಿಯೇ ಇದ್ದ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ವಿಡಿಯೋದಲ್ಲಿ ಏನಿದೆ?
ವೇಗವಾಗಿ ಬಂದ ಟ್ರಕ್ ಕಿಶನ್‍ಗಂಜ್ ಟೋಲ್ ಗೇಟ್ ಕೌಂಟರ್ ಸಮೀಪದ ರೋಡ್ ಡಿವೈಡರ್ ಗೆ ಡಿಕ್ಕಿ ಹೊಡೆದಿದ್ದು, ರಭಸಕ್ಕೆ ಟ್ರಕ್‍ನಲ್ಲಿದ್ದ ಬಿಯರ್ ಬಾಟಲ್‍ಗಳು ಮುಂದೆ ಇದ್ದ ಕೌಂಟರ್, ಕಾರು ಸೇರಿದಂತೆ ಕೆಲ ವಾಹಗಳ ಮೇಲೆ ಬಿದ್ದಿವೆ. ಬಾಟಲ್‍ಗಳು ಗೋಡೆ ಹಾಗೂ ವಾಹಗಳಿಗೆ ತಾಕಿ ಒಡೆದಿದ್ದು, ಬಿಯರ್ ಹೊಳೆಯೇ ಹರಿದಿದೆ. ಟ್ರಕ್ ಮುಂದಿದ್ದ ಕಾರು ಹಾಗೂ ಜೀಪ್‍ಗಳ ಗಾಜು ಒಡೆದಿವೆ. ಕಾರಿನಲ್ಲಿದ್ದ ಅದರಲ್ಲಿದ್ದ ಚಾಲಕನಿಗೆ ಗಾಜಿನ ಚೂರುಗಳು ಚುಚ್ಚಿ ಗಂಭೀರವಾಗಿ ಗಾಯಗೊಂಡಿದ್ದಾನೆ.
ವೇಗವಾಗಿ ರೋಡ್ ಡಿವೈಡರ್ ಗೆ ಡಿಕ್ಕಿ ಹೊಡೆದಿದ್ದ ಟ್ರಕ್ ಕೂಡಾ ಜಖಂಗೊಂಡಿದ್ದು, ರಸ್ತೆ ಹಾಗೂ ಟೋಲ್ ಗೇಟ್ ಹಣ ಪಡೆಯುವ ಕೌಂಟರ್ ನಲ್ಲಿ ಬೀಯಲ್ ಹೊಳೆ ಹರೆದಿದೆ. ಮಾಹಿತಿ ಪಡೆಯುತ್ತಿದ್ದಂತೆ ಸ್ಥಳಕ್ಕೆ ಬಂದ ಪೊಲೀಸರು, ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ ಎಂದು ವರದಿಯಾಗಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv
#WATCH A truck rams into toll plaza in Rajasthan's Kishangarh; One person was injured in the incident (21.09.2018) (Source: CCTV footage) pic.twitter.com/GcG8v3dIly
— ANI (@ANI) September 22, 2018
