ಬೆಂಗಳೂರು: ಭಾರೀ ನಿರೀಕ್ಷೆ ಹುಟ್ಟು ಹಾಕಿರುವ ರಾಜಹಂಸ ಚಿತ್ರದ ರಿಲೀಸ್ ಡೇಟ್ ಪಕ್ಕಾ ಆಗಿದೆ. ಸೆಪ್ಟೆಂಬರ್ 8ರಂದು ಚಿತ್ರ ತೆರೆ ಕಾಣಲಿದೆ.
ಚಿತ್ರದ ನಾಯಕನಿಗೆ ವಿಶೇಷವಾಗಿ ಯಾರಾದರೂ ಕಂಡರೆ ಸಾಕು ಅವರ ಜೊತೆ ಕಾಫಿ ಕುಡಿದು ಸೆಲ್ಫೀ ತೆಗೆದುಕೊಳ್ತಾನೆ. ಪ್ರಪಂಚದಲ್ಲಿ ನಾನೇ ಎಲ್ಲಾ ಆಗಲು ಸಾಧ್ಯವಿಲ್ಲ ಎಂದು ಸಾಧಕರ ಜೊತೆ ಕೂತು ಕಾಫಿ ಹೀರುತ್ತಾ ಸೆಲ್ಫೀ ತೆಗೆದುಕೊಂಡರೆ ಕಿಕ್ ಜಾಸ್ತಿ ಎಂದುಕೊಂಡು ಹೀರೋ ಸೆಲ್ಫೀ ತಗೋತಾ ಇರುತ್ತಾನೆ.
ಧಾರಾವಾಹಿ ಮೂಲಕ ಕನ್ನಡಿಗರ ಮನೆ ಮಾತಾಗಿರುವ ಪುಟ್ಟ ಗೌರಿ (ರಜಿನಿ ರಾಘವನ್) ಮೊದಲ ಬಾರಿಗೆ ಬೆಳ್ಳಿ ಪರದೆಯಲ್ಲಿ ಮಿಂಚಲಿದ್ದಾರೆ. ಇನ್ನೂ ಸಿನಿಮಾದಲ್ಲಿ ರಜಿನಿ (ಹಂಸಾಕ್ಷಿ)ಗೆ ಜೊತೆಯಾಗಿ ಗೌರಿಶಿಕರ್ ನಾಯಕರಾಗಿ ಬಣ್ಣ ಹಚ್ಚಿದ್ದಾರೆ. ಚಿತ್ರದಲ್ಲಿ ಶ್ರೀಧರ್, ಬಿ.ಸಿ.ಪಾಟೀಲ್, ಯಮುನಾ, ತಬಲಾ ನಾಣಿ, ವಿಜಯ್ ಚಂಡೂರ್, ಬುಲೆಟ್ ಪ್ರಕಾಶ್ ಸೇರಿದಂತೆ 70ಕ್ಕೂ ಹೆಚ್ಚು ಕಲಾವಿದರು ನಟಿಸಿದ್ದಾರೆ. ನಾಯಕನ ತಂದೆಯಾಗಿ ನಟ ಶ್ರೀಧರ್ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಂಡು ಗಮನ ಸೆಳೆದಿದ್ದಾರೆ.
ಸಿನಿಮಾದಲ್ಲಿ ಒಟ್ಟು 6 ಹಾಡುಗಳಿವೆ. ಜನಗಣ ಮನ ದೇಶ ಹಾಡನ್ನು ಉತ್ತರ ಭಾರತದ ಜೈಪುರ, ಹರ್ಯಾಣ, ದೆಹಲಿ, ಉತ್ತರಪ್ರದೇಶ, ಹರಿದ್ವಾರ, ಹೃಷಿಕೇಶ, ಕಾಶಿ ಸೇರಿ ಒಟ್ಟು 10 ರಾಜ್ಯಗಳಲ್ಲಿ ಶೂಟ್ ಮಾಡಿದ್ದಾರೆ. ಚಿತ್ರದ ಹಾಡುಗಳು ಈಗಾಗಲೇ ಯೂಟ್ಯೂಬ್ ಹಾಗೂ ಗಾನಾದಲ್ಲಿ ಟ್ರೆಂಡ್ ಆಗಿದೆ. ರಘು ದೀಕ್ಷಿತ್ ಹಾಡಿರುವ ಹಾಡನ್ನು ಉತ್ತರ ಭಾರತದ ಒಟ್ಟು 8 ಸ್ಥಳಗಳಲ್ಲಿ ಚಿತ್ರೀಕರಣ ಮಾಡಲಾಗಿದೆ. ಇನ್ನೂ ಬಾರಮ್ಮ ಬಾರಮ್ಮ ಹಾಡು ರ್ಯಾಪ್ ಸ್ಟಾರ್ ಚಂದನ್ ಶೆಟ್ಟಿ ಧ್ವನಿಯಲ್ಲಿ ಮೂಡಿಬಂದಿದೆ.
Much anticipated movie of di season #Rajahamsa Grand Release on #Sept8
Audio nd Trailer is already a #SuperHit
>>> https://t.co/xljWfYtG06 pic.twitter.com/Jylv9ljYfQ
— Alpha Digitech (@AlphaDigitech) September 1, 2017
