– 750 ಗ್ರಾಂ ಬಂಗಾರ ವಶ
ರಾಯಚೂರು: ಆಟೋ ಚಾಲಕರು ಅಂದ್ರೆ ಎಷ್ಟೋ ಪ್ರಕರಣಗಳಲ್ಲಿ ಪ್ರಾಮಾಣಿಕತೆಯನ್ನು ಮೆರೆದು ಮಾದರಿಯಾದವರಿದ್ದಾರೆ. ಆದರೆ ರಾಯಚೂರಿನ ಖದೀಮನೊಬ್ಬ ವೃತ್ತಿಯಲ್ಲಿ ಆಟೋಚಾಲಕನಾಗಿದ್ದರೂ ರಾತ್ರಿ ವೇಳೆ ಮನೆಬೀಗ ಹೊಡೆದು ಕಳ್ಳತನ ಮಾಡುತ್ತಿದ್ದ.
ಎರಡು ಕಳ್ಳತನ ಪ್ರಕರಣದಲ್ಲಿ ಭಾಗಿಯಾಗಿದ್ದ ಆರೋಪಿ ಸುರೇಶ್‍ನನ್ನು ಪೊಲೀರು ಬಂಧಿಸಿದ್ದಾರೆ. ಆರೋಪಿಯಿಂದ 3 ಲಕ್ಷ ರೂ. ಮೌಲ್ಯದ ಒಟ್ಟು 750 ಗ್ರಾಂ ಬಂಗಾರವನ್ನು ವಶಪಡಿಸಿಕೊಂಡಿದ್ದಾರೆ.
ಸುರೇಶ್ ವಿರುದ್ಧ ಹೋಟೆಲ್‍ವೊಂದರಲ್ಲಿ ಬ್ಯಾಗ್ ಕದ್ದಿರುವ ಹಾಗೂ ರಾತ್ರಿ ವೇಳೆ ಮನೆಯ ಬಾಗಿಲು ಮುರಿದು ಕಳ್ಳತನ ಮಾಡಿರುವ ಪ್ರಕರಣವು ರಾಯಚೂರಿನ ನೇತಾಜಿ ಠಾಣೆ ದಾಖಲಾಗಿದ್ದವು. ಈ ಕುರಿತು ವಿಚಾರಣೆ ಆರಂಭಿಸಿದ ಪೊಲೀಸರು ಗುರುವಾರ ಆರೋಪಿಯನ್ನು ಬಂಧಿಸಿದ್ದಾರೆ.
