ಧಾರವಾಡ: ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಅವರಿಗೆ ಎಲ್ಲೆಲ್ಲೋ ಕಣ್ಣು ಹೊಡೆಯುವ ಅಭ್ಯಾಸವಾಗಿದೆ ಎಂದು ಸಂಸದ ಪ್ರಹ್ಲಾದ್ ಜೋಶಿ ವ್ಯಂಗ್ಯವಾಡಿದ್ದಾರೆ.
ಸಿನಿಮಾ ನಟಿ ಕಣ್ಣು ಹೊಡೆಯುವಾಗ ರಾಹುಲ್ ಗಾಂಧಿ ಕಣ್ಸನ್ನೆ ಮಾಡಿದ್ದಾರೆ. ಲೋಕಸಭೆಯಲ್ಲಿ ರಾಹುಲ್ ಗಾಂಧಿ ಕಣ್ಣು ಹೊಡೆದಿದ್ದು ಒಂದು ದುರಂತ. ಅದ್ಯಾರಿಗೆ ಕಣ್ಣು ಹೊಡೆದ್ರೋ ಒಮ್ಮೆ ಅವರನ್ನೇ ಕೇಳಬೇಕು ಎಂದು ಟೀಕಿಸಿದರು.
ಜಿಲ್ಲೆಗೊಬ್ಬರು ಸಚಿವರನ್ನು ನೇಮಿಸಲಾಗದ ಸ್ಥಿತಿಯಲ್ಲಿ ಸಿಎಂ ಕುಮಾರಸ್ವಾಮಿ ಇದ್ದಾರೆ. ನಮ್ಮ ರಾಜ್ಯದಲ್ಲಿ ಜಿಲ್ಲಾ ಉಸ್ತವಾರಿಗಳನ್ನು ನೇಮಿಸಲಾಗದ ಸರ್ಕಾರ ನಮ್ಮಲಿದೆ. ರಸ್ತೆಯಲ್ಲಿ ಬಿದ್ದಿರೋ ಗುಂಡಿಗಳನ್ನು ಮುಚ್ಚಿ ಹೇಳೋಕೆ ಜಿಲ್ಲಾಮಟ್ಟದಲ್ಲಿ ಸರ್ಕಾರದ ಓರ್ವ ನಾಯಕನಿಲ್ಲ. ನಾಮಾಕವಸ್ಥೆ ಸರ್ಕಾರ ರಾಜ್ಯದಲ್ಲಿದೆ ಎಂದು ಸಿಎಂ ವಿರುದ್ಧ ಗುಡುಗಿದರು.
