ಬೆಂಗಳೂರು: ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ, ಟೀಂ ಇಂಡಿಯಾದ ಅಂಡರ್ 19 ಕೋಚ್ ಆಗಿರುವ ರಾಹುಲ್ ದ್ರಾವಿಡ್ ಅವರು ದುಬಾರಿ ಮರ್ಸಿಡೀಸ್ ಬೆಂಝ್ ಜಿಎಲ್ಇ ಕಾರನ್ನು ಖರೀದಿಸಿದ್ದಾರೆ.
ರಾಹುಲ್ ದ್ರಾವಿಡ್ ಅವರು ಕಪ್ಪು ಬಣ್ಣದ ಮರ್ಸಿಡೀಸ್ ಕಾರು ಖರೀದಿಸಿದ್ದು, ಈ ಕಾರಿನ ಮುಂದೆ ನಿಂತು ಪೋಸ್ ನೀಡಿದ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಅಲ್ಲದೆ ರಾಹುಲ್ ಅವರು ಕಾರಿನೊಳಗೆ ಕುಳಿತು ಕೇಕ್ ಕೂಡ ಕಟ್ ಮಾಡಿದ್ದಾರೆ.
ಮರ್ಸಿಡೀಸ್ ಬೆಂಝ್ ಜಿಎಲ್ಇ ಬೇಸ್ ವೆರಿಯೆಂಟ್ 250ಡಿರ ಆರಂಭಿಕ ಬೆಲೆ 61.75 ಲಕ್ಷ ರೂ. ಆಗಿದ್ದು, ಟಾಪ್ ಎಂಡ್ 350ಜಿ ವೆರಿಯೆಂಟ್ಗೆ 77.82 ಲಕ್ಷ ರೂ. ಇದೆ. ಇದು ರಾಹುಲ್ ಅವರ ಮೊದಲ ಕಾರು ಅಲ್ಲ. ಈ ಮೊದಲು ಅವರು ಮ್ಯಾನ್ ಆಫ್ ದಿ ಮ್ಯಾಚ್ ಗೆದ್ದಾಗ ಹುಂಡೈ ಟಕ್ಸನ್ ಪ್ರಶಸ್ತಿಯನ್ನಾಗಿ ಪಡೆದಿದ್ದಾರೆ.
ಇದಲ್ಲದೇ ರಾಹುಲ್ ಅವರ ಬಳಿ ಆಡಿ ಕೂ5, ಬಿಎಂಡಬ್ಲೂ 5 ಸೀರಿಸ್ ಕಾರುಗಳಿದ್ದು, ಈಗ ಅವರು ಮೊದಲ ಬಾರಿಗೆ ಮರ್ಸಿಡೀಸ್ ಬೆಂಝ್ ಕಾರಿಗೆ ಒಡೆಯರಾಗಿದ್ದಾರೆ. ಇತ್ತೀಚೆಗೆ ಬಾಲಿವುಡ್ ನಟಿ ಕಂಗನಾ ರಣಾವತ್ ಕೂಡ ಮರ್ಸಿಡೀಸ್ ಬೆಂಝ್ ಜಿಎಲ್ಇ ಕಾರನ್ನು ಖರೀದಿಸಿದ್ದರು.
