2 ಬಾಳೆ ಹಣ್ಣಿಗೆ 442 ರೂ. – ಬಿಲ್ ನೋಡಿ ದಂಗಾದ ಬಾಲಿವುಡ್ ನಟ

ಚಂಡೀಗಢ: ಪಂಚತಾರಾ ಹೋಟೆಲ್‍ಗೆ ತೆರಳಿದ್ದ ಬಾಲಿವುಡ್ ನಟ ರಾಹುಲ್ ಬೋಸ್ ಎರಡು ಬಾಳೆ ಹಣ್ಣಿಗೆ ಅರ್ಡರ್ ಮಾಡಿದ್ದು, ಇದರೊಂದಿಗೆ ಹೋಟೆಲ್ ಸಿಬ್ಬಂದಿ ನೀಡಿದ ಬಿಲ್ ನೋಡಿ ಶಾಕ್‍ಗೆ ಒಳಗಾಗಿದ್ದಾರೆ.

51 ವರ್ಷದ ನಟ ರಾಹುಲ್ ಬೋಸ್ ಈ ಕುರಿತು ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಟ್ವೀಟ್ ಮಾಡಿದ್ದು, ನೀವು ಇದನ್ನು ನೋಡಿ ನಂಬಲೇ ಬೇಕು. ಹಣ್ಣು ಆರೋಗ್ಯಕ್ಕೆ ಹಾನಿಕರವಲ್ಲವೆಂದು ಯಾರು ಹೇಳಿದ್ದು? ಎಂದು ಹೋಟೆಲನ್ನು ಟ್ಯಾಂಗ್ ಮಾಡಿ ವ್ಯಂಗ್ಯವಾಡಿದ್ದಾರೆ. ಅಂದಹಾಗೇ ರಾಹುಲ್ ಬೋಸ್ ತಮ್ಮ ಬೆಳಗಿನ ವ್ಯಾಯಾಮ ಮುಗಿಸಿ ಹೋಟೆಲ್‍ಗೆ ತೆರಳಿದ್ದು, ಈ ಸಂದರ್ಭದಲ್ಲಿ 2 ಬಾಳೆ ಹಣ್ಣು ಅರ್ಡರ್ ಮಾಡಿದ್ದಾರೆ. ಅವರಿಗೆ 445 ರೂ. ಗಳ ಬಿಲ್ ಅನ್ನು ಹೋಟೆಲ್ ಸಿಬ್ಬಂದಿ ನೀಡಿದ್ದಾರೆ.

You have to see this to believe it. Who said fruit wasn’t harmful to your existence? Ask the wonderful folks at @JWMarriottChd #goingbananas #howtogetfitandgobroke #potassiumforkings pic.twitter.com/SNJvecHvZB

— Rahul Bose (@RahulBose1) July 22, 2019

ರಾಹುಲ್ ಬೋಸ್ ಅವರ ಈ ಟ್ವೀಟ್‍ಗೆ ಹಲವು ಮಂದಿ ಪ್ರತಿಕ್ರಿಯೆ ನೀಡಿ ತಮ್ಮದೇ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಕೆಲವರು ಚಿನ್ನದ ಲೇಪಿತ ಬಾಳೆ ಹಣ್ಣು ನೀಡಿದ್ದಾರೆಯೇ ಎಂದು ನಟನಿಗೆ ಮರು ಪ್ರಶ್ನೆ ಮಾಡಿ, ಇದು ಹಗಲು ದರೋಡೆ ಎಂದು ಹೇಳಿದ್ದಾರೆ. ಪಂಚತಾರಾ ಹೋಟೆಲಿನಲ್ಲಿ 2 ಬಾಳೆ ಹಣ್ಣಿಗೆ ಮಾತ್ರ ಬಿಲ್ ನೀಡುವ ಸಿಸ್ಟಮ್ ಇಲ್ಲದ ಕಾರಣ ಅವರು ಸಂಪೂರ್ಣ ಹಣ್ಣಿನ ಬುಟ್ಟಿಗೆ ಬಿಲ್ ನೀಡಿದ್ದಾರೆ ಅಷ್ಟೇ ಎಂದು ಪ್ರತಿಕ್ರಿಯೆ ನೀಡಿದ್ದಾರೆ.

????
Basically they dont have a system to enter 2 bananas in their billing software.. so they charged you for an entire fruit platter..
Tho so many hotels have fruit basket in the room.

— shilpi tewari (@shilpitewari) July 22, 2019