‘ಡಾಲಿ’ಗೆ ಒಲಿದ ವರಮಹಾಲಕ್ಷ್ಮಿ ಪೂಜೆ

Public TV
1 Min Read
Dolly 1

ಬೆಂಗಳೂರು: ಟಗರು ಸಿನಿಮಾ ನಟ ಧನಂಜಯ್‍ಗೆ ಅದೃಷ್ಟದ ಮೆಟ್ಟಿಲು ಎಂದ್ರೆ ತಪ್ಪಾಗಲಾರದು. ಸಿನಿಮಾದಲ್ಲಿಯ ತಮ್ಮ ಅಮೋಘ ನಟನೆಯ ಮೂಲಕ ಪಾತ್ರದ ಡಾಲಿ ಹೆಸರಿನಿಂದಲೇ ಇಂದು ಧನಂಜಯ್ ಗುರುತಿಸಿಕೊಳ್ಳುತ್ತಿದ್ದಾರೆ. ಒಂದು ಸಿನಿಮಾ ಬಿಗ್ ಹಿಟ್ ಆದ್ರೆ ಚಿತ್ರದ ಪಾತ್ರದ ಹೆಸರು, ಹಾಡಿನ ಮೊದಲ ಸಾಲುಗಳು ಚಿತ್ರದ ಟೈಟಲ್ ಗಳಾಗಿ ಬದಲಾಗುತ್ತವೆ. ಆ ಸಾಲಿಗೆ ಟಗರು ಸಿನಿಮಾದಲ್ಲಿ ಧನಂಜಯ್ ಜೀವ ತುಂಬಿದ್ದ ‘ಡಾಲಿ’ ಸೇರ್ಪಡೆಯಾಗಿದೆ. ವರಮಹಾಲಕ್ಷ್ಮಿ ಹಬ್ಬದಂತೆ ಚಿತ್ರಕ್ಕೆ ನಾಯಕಿಯ ಆಯ್ಕೆಯಾಗಿದೆ.

ಡಾಲಿಗೆ ನಟಿ ಡಿಂಪಲ್ ಕ್ವೀನ್ ರಚಿತಾ ರಾಮ್ ಜೊತೆಯಾಗಲಿದ್ದಾರೆ. ಶುಭ ಶುಕ್ರವಾರ ವರಮಹಾಲಕ್ಷ್ಮಿ ಹಬ್ಬದಂದು ಚಿತ್ರತಂಡ ರಚಿತಾ ರಾಮ್ ಸಿನಿಮಾದ ನಾಯಕಿ ಎಂದು ತಿಳಿಸಿದೆ. ಗಣಪ ಸಿನಿಮಾ ಖ್ಯಾತಿಯ ಪ್ರಭು ಶ್ರೀನಿವಾಸ್ ನಿರ್ದೇಶನದಲ್ಲಿ ಡಾಲಿ ಚಿತ್ರ ಮೂಡಿ ಬರುತ್ತಿದೆ. ಮತ್ತೊಮ್ಮೆ ಡಾಲಿ ಪಾತ್ರದಲ್ಲಿ ಧನಂಜಯ್ ಕಾಣಿಸಿಕೊಳ್ಳಲಿದ್ದು, ಚಿತ್ರದ ಪೋಸ್ಟರ್ ಗಾಂಧಿನಗರದಲ್ಲಿ ಸದ್ದು ಮಾಡುತ್ತಿದೆ. ಸಿನಿಮಾ ಭೂಗತ ಲೋಕದ ಕಥೆಯನ್ನು ಒಳಗೊಂಡಿದೆ ಎಂಬ ಸುಳಿವನ್ನು ಚಿತ್ರದ ಪೋಸ್ಟರ್ ರಿವೀಲ್ ಗೊಳಿಸಿವೆ.

Rachita Ram Dolly copy

ಮೊದಲಸಲಾ ಮತ್ತು ಎರಡನೇ ಸಲ ಖ್ಯಾತಿಯ ಯೋಗೇಶ್ ನಾರಾಯಣ್ ನಿರ್ಮಾಣದಲ್ಲಿ ಡಾಲಿ ಮೂಡಿ ಬರುತ್ತಿದೆ. ಪೋಸ್ಟರ್ ಮೂಲಕವೇ ನಿರೀಕ್ಷೆ ಹುಟ್ಟು ಹಾಕಿರುವ ಡಾಲಿಯಲ್ಲಿ ಧನಂಜಯ್ ಮತ್ತೊಮ್ಮೆ ನೆಗಟಿವ್ ಪಾತ್ರದಲ್ಲಿ ಕಾಣಿಸ್ತಾರ ಅಥವಾ ಇಲ್ಲಿ ನಾಯಕನಾಗಿ ಬರುತ್ತಾರ ಎಂಬುದರ ಮಾಹಿತಿಯನ್ನು ಚಿತ್ರತಂಡ ಬಿಟ್ಟುಕೊಟ್ಟಿಲ್ಲ.

Share This Article
Leave a Comment

Leave a Reply

Your email address will not be published. Required fields are marked *