ದಾವಣಗೆರೆ: ಹೈವೇ ರಸ್ತೆಯಲ್ಲಿ ಕೆಎಸ್ಆರ್‌ಟಿಸಿ ಬಸ್ಸುಗಳೆರಡು ಪೈಪೋಟಿಯಲ್ಲಿ ರೇಸ್ ಮಾಡಿದ ಘಟನೆ ಜಿಲ್ಲೆಯ ಪಿಬಿ ರಸ್ತೆಯಲ್ಲಿ ನಡೆದಿದೆ.
ದಾವಣಗೆರೆಯಿಂದ ಹರಿಹರಕ್ಕೆ ಸಂಚರಿಸುವ ಕೆಎಸ್ಆರ್‌ಟಿಸಿ ಬಸ್‍ಗಳು ರೇಸ್‍ಗೆ ಇಳಿದಿದ್ದು, ಈ ಬಸ್ ಗಳ ಜೊತೆ ಹೋಗುತ್ತಿದ್ದ ಬೈಕ್ ಚಾಲಕರು ಹಾಗೂ ಮತ್ತಿತರ ವಾಹನ ಸವಾರರು ದಂಗಾಗಿ ಹೋಗಿದ್ದಾರೆ. ಈ ಎರಡು ಕೆಎಸ್ಆರ್‌ಟಿಸಿ ಬಸ್‍ಗಳು ದಾವಣಗೆರೆ ಡಿಪೋಗೆ ಸೇರಿದ್ದಾಗಿವೆ.
ಚಾಲಕರಿಬ್ಬರು ಕೆಎಸ್ಆರ್‌ಟಿಸಿ ಬಸ್ ರೇಸ್ ಮಾಡುತ್ತಿರುವುದನ್ನು ನೋಡಿದ ಯುವಕರು ಚಾಲಕರಿಗೆ ಸರಿಯಾಗಿ ಕ್ಲಾಸ್ ತೆಗೆದುಕೊಂಡಿದ್ದಾರೆ. ನಗರ ಸಾರಿಗೆ ಬಸ್ ಚಾಲಕರು ಹಿಂದೆ ಮುಂದೆ ನೋಡದೆ ರೇಸ್ ನಲ್ಲಿ ತೊಡಗುತ್ತಿದ್ದು, ಈ ಯಮರೂಪಿ ಬಸ್‍ಗಳಿಗೆ ಅಮಾಯಕ ಜೀವಗಳು ಬಲಿಯಾಗುತ್ತಿವೆ.
ಚಾಲಕರಿಗೆ ಕ್ಲಾಸ್ ತೆಗೆದುಕೊಂಡ ಗಿರೀಶ್ ಹಾಗೂ ಪ್ರಸನ್ನ ಎಂಬಿಬ್ಬರು ಯುವಕರು ರ‍್ಯಾಶ್ ಆಗಿ ಡ್ರೈವಿಂಗ್ ಮಾಡುವವರ ವಿರುದ್ಧ ಕೆಎಸ್ಆರ್‌ಟಿಸಿ ಡಿಸಿಯವರಿಗೆ ದೂರು ನೀಡಲು ಮುಂದಾಗಿದ್ದಾರೆ.
https://www.youtube.com/watch?v=CbPyd2pBUOU
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
