ರೇಸ್-3 ಸಿನಿಮಾದ ಸಲ್ಮಾನ್ ಆ್ಯಕ್ಷನ್ ಸೀನ್ ಲೀಕ್- ನೋಡಿದ್ರೆ ನೀವೂ ‘ವಾವ್’ ಅನ್ತೀರಿ

ಮುಂಬೈ: ಬಾಲಿವುಡ್ ನಟ ಸಲ್ಮಾನ್ ಖಾನ್ ಪ್ರತಿಬಾರಿಯೂ ತಮ್ಮ ಸಿನಿಮಾಗಳಲ್ಲಿ ಹೊಸ ಪ್ರಯತ್ನಕ್ಕೆ ಮುಂದಾಗುತ್ತಾರೆ. ಸಲ್ಮಾನ್ ಸಿನಿಮಾ ಬಂದ್ರೆ ಸಾಕು ಅಭಿಮಾನಿಗಳೆಲ್ಲ ಚಿತ್ರಮಂದಿರಗಳತ್ತ ಸೇರಿಕೊಳ್ಳುತ್ತಾರೆ. `ಟೈಗರ್ ಜಿಂದಾ ಹೈ’ ಸಿನಿಮಾದಲ್ಲಿ ಆ್ಯಕ್ಷನ್ ಸೀನ್ ಗಳಲ್ಲಿ ಕಾಣಿಸಿಕೊಂಡಿದ್ದ ಸಲ್ಮಾನ್ ಅಭಿಮಾನಿಗಳಿಗೆ ಭರಪೂರ ಮನರಂಜನೆ ನೀಡಿದ್ದರು.

ಸದ್ಯ ಸಲ್ಮಾನ್ ಥ್ರಿಲ್ಲರ್ ಆ್ಯಂಡ್ ಸಸ್ಪೆನ್ಸ್ ಕಥಾ ಹಂದರವುಳ್ಳ ರೇಸ್-3 ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಮೊದಲೆರಡು ರೇಸ್ ಸಿನಿಮಾಗಿಂತ ಮೂರನೇ ಚಿತ್ರ ಕೊಂಚ ವಿಭಿನ್ನವಾಗಿದೆ ಅಂತಾ ಹೇಳಲಾಗಿದೆ. ಈ ಹಿಂದೆ ಹಣಕ್ಕಾಗಿ ನಡೆಯುವ ವೈರತ್ವದ ಕಥೆಯನ್ನು ಎರಡು ಸಿನಿಮಾಗಳು ಹೊಂದಿದ್ದವು. ಅದೇ ರೀತಿಯ ವಿಭಿನ್ನ ಕಥೆಯನ್ನು ರೇಸ್-3 ಹೊಂದಿದೆ. ಇದನ್ನೂ ಓದಿ: ಬಾಲಿವುಡ್ ಭಾಯಿಜಾನ್ ಸಲ್ಮಾನ್ ಖಾನ್‍ಗೆ ಬಿಗ್ ರಿಲೀಫ್

ಇತ್ತೀಚೆಗೆ ರೇಸ್-3 ಸಿನಿಮಾದಲ್ಲಿನ ಸಲ್ಮಾನ್ ಆ್ಯಕ್ಷನ್ ಸೀನ್ ಒಂದು ಲೀಕ್ ಆಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಬೈಕ್ ಓಡಿಸಿಕೊಂಡು ಬರುವ ಸಲ್ಮಾನ್ ಬೀಳುವ ಮರದಿಂದ ಅಚ್ಚರಿಯ ರೀತಿಯಲ್ಲಿ ಪಾರಾಗುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ. ಕೇವಲ 4 ಸೆಕೆಂಡ್‍ನ ವಿಡಿಯೋ ಮಾತ್ರ ಚಿತ್ರದ ಬಗ್ಗೆ ಮತ್ತಷ್ಟು ನಿರೀಕ್ಷೆಗಳು ಹೆಚ್ಚಾಗುವಂತೆ ಮಾಡಿವೆ.

ರೆಮೋ ಡಿಸೋಜಾ ನಿರ್ದೇಶನದಲ್ಲಿ ರೇಸ್-3 ಚಿತ್ರ ಮೂಡಿ ಬರುತ್ತಿದ್ದು, ರಮೇಶ್ ಎಸ್.ತೌರಾನಿ ಮತ್ತು ಸಲ್ಮಾನ್ ಖಾನ್ ಬಂಡವಾಳ ವಿನಿಯೋಗಿಸಿದ್ದಾರೆ. ಸಲ್ಮಾನ್ ಖಾನ್, ಅನಿಲ್ ಕಪೂರ್, ಸನ್ನಿ ಡಿಯೋಲ್, ಜಾಕ್ವೇಲಿನ್ ಫರ್ನಾಂಡೀಸ್, ಡೈಸಿ ಶಾ ಮತ್ತು ಸಖೀಬ್ ಸಲೀಂ ಸೇರಿದಂತೆ ದೊಡ್ಡ ತಾರಾಗಣವನ್ನು ಚಿತ್ರ ಹೊಂದಿದೆ. ಸಿನಿಮಾ ಈ ಬಾರಿ ಈದ್ ಗೆ ರಿಲೀಸ್ ಆಗಲಿದೆ.

Race 3 Standing seance pic.twitter.com/x19zlE0Zmo

— Sumit Singh Sandy (@kumarsumitsin08) April 3, 2018