ಶೂಟಿಂಗ್ ಸೆಟ್‍ನಲ್ಲಿಯೇ ಪುಶ್ ಅಪ್ ವಿಡಿಯೋ ಮಾಡಿದ ಪುನೀತ್- ವಿಡಿಯೋ ನೋಡಿ

Public TV
1 Min Read
Puneeth Rajkumar 1

ಬೆಂಗಳೂರು: ದೇಶಾದ್ಯಂತ ಫಿಟ್ನಿಸ್ ಚಾಲೆಂಜ್ ಸದ್ದು ಜೋರಾಗಿಯೇ ಇದೆ. ಕನ್ನಡ ನಟರು ಕೂಡ ಫಿಟ್ನಿಸ್ ಚಾಲೆಂಜ್‍ನಿಂದ ಹೊರತಾಗಿಲ್ಲ. ಈಗಾಗಲೇ ನಟ ಸುದೀಪ್, ಯಶ್ ಫಿಟ್ನಿಸ್ ಬಗ್ಗೆ ಅಭಿಮಾನಿಗಳಲ್ಲಿ ಚಾಲೆಂಜ್ ಹಾಕಿ ಆಸಕ್ತಿ ಹುಟ್ಟಿಸಿದ್ದಾರೆ.

ಇದೀಗ ಕನ್ನಡದ ಮತ್ತೊರ್ವ ನಟ ಪುನೀತ್ ರಾಜ್‍ಕುಮಾರ್ ಅವರಿಗೆ ಬಿಜೆಪಿ ಶಾಸಕ ಡಾ. ಅಶ್ವಥ್ ನಾರಾಯಣ್ ಹಾಗೂ ಹೇಮಂತ್ ಮುದ್ದಪ್ಪ ಫಿಟ್ನೆಸ್ ಚಾಲೆಂಜ್ ನೀಡಿದ್ದರು. ಇಬ್ಬರ ಚಾಲೆಂಜ್ ಸ್ವೀಕರಿಸಿದ ಪುನೀತ್ ತನ್ನ ನಟಸಾರ್ವಭೌಮ ಚಿತ್ರದ ತಂಡದ ಜೊತೆ ಫಿಟ್ನೆಸ್ ಚಾಲೆಂಜ್ ಪೂರ್ಣಗೊಳಿಸಿದ್ದಾರೆ. ಅಲ್ಲದೇ ತಮ್ಮ ತಂಡದ ಜೊತೆ ಮಾಡಿದ ಫಿಟ್ನೆಸ್ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

ಪುನೀತ್ ರಾಜ್‍ಕುಮಾರ್ ಚಿತ್ರದ ಶೂಟಿಂಗ್ ಸೆಟ್‍ನಿಂದಲ್ಲೇ ತಮ್ಮ ಚಿತ್ರತಂಡದ ಜೊತೆ ಪುಶ್ ಅಪ್ ಮಾಡಿ ಅದನ್ನು ವಿಡಿಯೋ ಮಾಡಿದ್ದಾರೆ. ಅಲ್ಲದೇ ನಾವು ಆರೋಗ್ಯವಾಗಿರುವುದು ತುಂಬಾನೇ ಮುಖ್ಯ ಎಂದು ಹೇಳಿ ಈ ಚಾಲೆಂಜ್ ಪೂರ್ಣಗೊಳಿಸಿದ್ದಾರೆ.

PUNEETH RAJKUMAR 4

 

ಈ ಫಿಟ್ನೆಸ್ ಚಾಲೆಂಜ್ ಪೂರ್ಣಗೊಳಿಸಿದ ಮೇಲೆ ಪುನೀತ್ ಸ್ಯಾಂಡಲ್‍ವುಡ್ ನಟರಾದ ರಕ್ಷಿತ್ ಶೆಟ್ಟಿ, ಧೃವ ಸರ್ಜಾ, ಶ್ರೀಮುರಳಿ ಹಾಗೂ ನಿರೂಪಕರಾದ ದಾನೀಶ್ ಸೇಠ್ ಅವರಿಗೆ ಫಿಟ್ನೆಸ್ ಚಾಲೆಂಜ್ ನೀಡಿದ್ದಾರೆ.

ಈಗಾಗಲೇ ಸ್ಯಾಂಡಲ್‍ವುಡ್‍ನಲ್ಲಿ ನಟ ಕಿಚ್ಚ ಸುದೀಪ್, ರಾಕಿಂಗ್ ಸ್ಟಾರ್ ಯಶ್, ಪವನ್ ಕುಮಾರ್, ಸಂಯುಕ್ತ ಹೊರನಾಡು ಮುಂತಾದ ಕಲಾವಿದರು ಈ ಫಿಟ್ನೆಸ್ ಚಾಲೆಂಜ್ ಮಾಡಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *