ಸ್ಯಾಂಡಲ್‍ವುಡ್ ಯುವರತ್ನನಿಗೆ ಹುಟ್ಟು ಹಬ್ಬದ ಸಂಭ್ರಮ

ಬೆಂಗಳೂರು: ಸ್ಯಾಂಡಲ್ ವುಡ್ ಯುವರತ್ನ ದೊಡ್ಮನೆ ಕುವರ ಪುನೀತ್ ರಾಜ್‍ಕುಮಾರ್ ಅವರಿಗೆ ಇಂದು ಹುಟ್ಟುಹಬ್ಬದ ಸಂಭ್ರಮ. 44 ನೇ ವಸಂತಕ್ಕೆ ಕಾಲಿಟ್ಟಿರೋ ಅಪ್ಪು ಅಭಿಮಾನಿಗಳ ಜೊತೆ ಬರ್ತ್ ಡೇ ಆಚರಿಸಿಕೊಳ್ಳಲಿದ್ದಾರೆ.

ಪ್ರತಿ ವರ್ಷದಂತೆ ಈ ವರ್ಷವೂ ಅಭಿಮಾನಿಗಳ ಮಹಾಪೂರವೇ ದೊಡ್ಮನೆ ಬಳಿ ನೆರದಿದೆ. ಅಪ್ಪು ಮಾತನ್ನು ಪಾಲಿಸಿರುವ ಅಭಿಮಾನಿ ವಲಯ, ಕೇಕ್, ಹಾರ, ಬ್ಯಾನರ್ ಅಂತ ದುಂದು ವೆಚ್ಚ ಮಾಡದೇ ಬರಿಗೈನಲ್ಲಿ ಬಂದು ಅಣ್ಣಾಬಾಂಡ್ ಗೆ ವಿಶ್ ಮಾಡೋಕೆ ಕಾತುರದಿಂದ ಕಾಯುತ್ತಿದ್ದಾರೆ.

ನನ್ನ ಹುಟ್ಟುಹಬ್ಬಕ್ಕೆ ಕೇಕ್, ಹಾರ ಮತ್ತು ಬ್ಯಾನರ್ ಅಂತ ದುಂದು ವೆಚ್ಚ ಮಾಡಬೇಡಿ. ಅದೇ ಹಣವನ್ನು ಕಷ್ಟದಲ್ಲಿರುವರಿಗಾಗಿ ಉಪಯೋಗಿಸಿ. ಮಾರ್ಚ್ 16ರ ರಾತ್ರಿ ನಾನು ಮನೆಯಲ್ಲಿರಲ್ಲ. 17ರಂದು ಮನೆಗೆ ಬರುತ್ತೇನೆ. ಹಾಗಾಗಿ ರಾತ್ರಿ ಮನೆಯ ಹತ್ತಿರ ಬರಬೇಡಿ. ಭಾನುವಾರ ಬೆಳಗ್ಗೆ ನಾನು ಬಂದು ಎಲ್ಲರನ್ನು ಭೇಟಿ ಆಗುತ್ತೇನೆ ಎಂದು ಪುನೀತ್ ರಾಜ್‍ಕುಮಾರ್ ಅಭಿಮಾನಿಗಳಲ್ಲಿ ಶುಕ್ರವಾರ ಮನವಿ ಮಾಡಿಕೊಂಡಿದ್ದರು.