ಮುಂಬೈ: ಇತ್ತೀಚಿಗಷ್ಟೇ ಬಾಲಿವುಡ್ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ತಮ್ಮ 37ನೇ ವರ್ಷದ ಹುಟ್ಟುಹಬ್ಬವನ್ನು ಆಚರಿಕೊಂಡಿದ್ದಾರೆ. ಈ ಬಾರಿ ಹುಟ್ಟುಹಬ್ಬಕ್ಕೆ ಅವರು ಕತ್ತರಿಸಿದ ಕೇಕ್ ಬೆಲೆ ಬರೋಬ್ಬರಿ 3.5 ಲಕ್ಷ ರೂ. ಎಂಬುದು ತಿಳಿದುಬಂದಿದೆ.
ಒಂದು ಕೇಕ್ ಬೆಲೆ ಇಷ್ಟೊಂದು ದುಬಾರಿನಾ ಎಂದು ಅಚ್ಚರಿ ಆಗೋದು ಸಹಜ. ಜುಲೈ 18ರಂದು ಮಿಯಾಮಿಯಲ್ಲಿ ಯಾಚ್ ನಲ್ಲಿ ಪ್ರಿಯಾಂಕಾ ಅವರು ಪತಿ ನಿಕ್ ಹಾಗೂ ಕುಟುಂಬಸ್ಥರೊಮದಿಗೆ ಅದ್ಧೂರಿಯಾಗಿ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದರು. ನಿಕ್ ಜೋನಸ್‍ರನ್ನು ಮದುವೆಯಾದ ಬಳಿಕ ಇದು ಪ್ರಿಯಾಂಕಾ ಆಚರಿಸಿಕೊಂಡ ಮೊದಲ ಹುಟ್ಟುಹಬ್ಬವಾಗಿದೆ.
ಸದಾ ವೇಷ ಭೂಷಣ, ಫೋಟೋಶೂಟ್, ಪ್ರವಾಸ ಹೀಗೆ ತಮ್ಮ ಜೀವನಶೈಲಿಯಿಂದ ಪಿಗ್ಗಿ ಸುದ್ದಿಯಾಗುತ್ತಿದ್ದರು. ಆದರೆ ಈ ಬಾರಿ ಪ್ರಿಯಾಂಕಾ ಹುಟ್ಟುಹಬ್ಬದ ಕೇಕ್ ಬಾರಿ ಸದ್ದು ಮಾಡುತ್ತಿದೆ. ಹುಟ್ಟುಹಬ್ಬ ಸಂಭ್ರಮದಲ್ಲಿ ಕಡುಕೆಂಪು ಬಣ್ಣದ ಡ್ರೆಸ್‍ನಲ್ಲಿ ಪ್ರಿಯಾಂಕಾ ಮಿಂಚುತ್ತಿದ್ದರು. ಅವರಿಗೆ ಮ್ಯಾಚಿಂಗ್ ಎಂಬಂತೆ ಹುಟ್ಟುಹಬ್ಬದ ಕೇಕ್ ಕೂಡ ಗೋಲ್ಡ್ ಹಾಗೂ ಕೆಂಪು ಬಣ್ಣದ ಕಾಂಬಿನೇಷನ್‍ನಲ್ಲೇ ತಯಾರಿಸಲಾಗಿತ್ತು.
ಒಟ್ಟು ಐದು ಅಂತಸ್ತಿನ ಕೇಕನ್ನು ಪ್ರಿಯಾಂಕಾ ಕತ್ತರಿಸಿ ಖುಷಿಪಟ್ಟಿದ್ದು, ಇದರ ಬೆಲೆ ಬರೋಬ್ಬರಿ 3.45 ಲಕ್ಷ ರೂಪಾಯಿಯಾಗಿದೆ. ಈ ಬಗ್ಗೆ ಪಿಂಕ್ ವಿಲ್ಲಾ ವರದಿ ಮಾಡಿದ್ದು, ಮಿಯಾಮಿಯ ಡಿವೈನ್ ಡೆಲಿಕೆಸೀಸ್ ಈ ಕೇಕ್ ತಯಾರಿಸಿದ್ದಾರೆ. ಅಲ್ಲದೆ ಇದರೆ ಬೆಲೆ 5 ಸಾವಿರ ಯುಎಸ್ ಡಾಲರ್(ಅಂದಾಜು 3.45 ಲಕ್ಷ ರೂ.) ಎಂದು ತಿಳಿಸಿದೆ.
ಪ್ರೀತಿಯ ಪತ್ನಿಗಾಗಿ ಪತಿ ನಿಕ್ ಈ ಕೇಕ್ ಆರ್ಡರ್ ಮಾಡಿದ್ದು, ಅದನ್ನು ತಯಾರಿಸಲು ಸುಮಾರು 24 ಗಂಟೆಗಳು ತೆಗೆದುಕೊಳ್ಳಲಾಗಿದೆ ಎಂದು ಡಿವೈನ್ ಡೆಲಿಕೆಸಿಯ ಸಿಬ್ಬಂದಿ ತಿಳಿಸಿದ್ದಾರೆ. ಅಲ್ಲದೆ ಕೇಕ್ ಕೆಂಪು ಮತ್ತು ಗೋಲ್ಡನ್ ಕಾಂಬಿನೇಷನ್‍ನ್ನಲ್ಲೇ ತಯಾರಿಸುವಂತೆ ತಿಳಿಸಿದ್ದರು. ಏಕೆಂದರೆ ಹುಟ್ಟುಹಬ್ಬಕ್ಕೆ ಪ್ರಿಯಾಂಕಾ ಕೂಡ ಕೆಂಪು ಬಣ್ಣದ ಡ್ರೆಸ್ ಹಾಕುತ್ತಾರೆ. ಅವರಿಗೆ ಗೋಲ್ಡನ್ ಕಲರ್ ಡಿಟೇಲಿಂಗ್ ಅಂದರೆ ಇಷ್ಟವಾಗುತ್ತೆ ಎಂದು ಸಿಬ್ಬಂದಿಗೆ ನಿಕ್ ತಿಳಿಸಿದ್ದರು ಎಂದು ವರದಿಯಾಗಿದೆ.
ಈ ಪಾರ್ಟಿಯಲ್ಲಿ ಪ್ರಿಯಾಂಕಾ ಚೋಪ್ರಾ ಜತೆ ಪತಿ ನಿಕ್, ಅಮ್ಮ ಮಧು ಚೋಪ್ರಾ ಹಾಗೂ ಸಹೋದರಿ ಪರಿಣಿತಿ ಚೋಪ್ರಾ ಸಹ ಕಾಣಿಸಿಕೊಂಡಿದ್ದರು.
