ಜನಪ್ರಿಯ ಶೋಗಳ ನಿರೂಪಣೆ ಮಾಡುವ ಮೂಲಕ ಹೆಸರಾದವರು ನಿರೂಪಕಿ ಭಾರತಿ ಸಿಂಗ್. ಈಕೆ ಇದೀಗ ತುಂಬು ಗರ್ಭಿಣಿಯಾಗಿದ್ದರೂ ಹೆರಿಗೆ ಆಗುವವರೆಗೂ ತಾವು ಆ್ಯಕ್ಟಿವ್ ಆಗಿರಲು ಕೆಲಸದಲ್ಲಿ ತೊಡಗಿ ಕೊಂಡಿದ್ದಾರೆ. ಮೊದಲ ಬಾರಿ ತಮ್ಮ ಮಗು ಕುರಿತಾಗಿ ಮಾಧ್ಯಮದೊಂದಿಗೆ ಭಾವನೆಗಳನ್ನು ಹಂಚಿಕೊಂಡಿದ್ದಾರೆ.
ಭಾರತಿ ಸಿಂಗ್ ಈಗ ಎಂಟು ತಿಂಗಳ ಗರ್ಭಿಣಿಯಾಗಿದ್ದು, ಏಪ್ರಿಲ್‌ನಲ್ಲಿ ಅವರಿಗೆ ಹೆರಿಗೆ ಆಗಲಿದೆಯಂತೆ. ಹೆರಿಗೆ ಆಗುವವರೆಗೂ ಕೆಲಸ ಮಾಡಲು ನಿರ್ಧರಿಸಿರುವ ಭಾರತಿ ಸಿಂಗ್ ಸದ್ಯ ‘ದಿ ಖತ್ರಾ ಖತ್ರಾ’ ಶೋ ಮತ್ತು ‘ಹುನರ್ಬಾಝ್’ ಕಾರ್ಯಕ್ರಮಗಳಲ್ಲಿ ತೊಡಗಿಕೊಂಡಿದ್ದಾರೆ.
ನನ್ನ ಮಗು ಹೊಟ್ಟೆಯಲ್ಲಿ ತುಂಬಾ ಎಂಜಾಯ್ ಮಾಡುತ್ತಿದೆ. ದಿ ಖತ್ರಾ ಖತ್ರಾ ಶೋ ಹಾಗೂ ಹುನಾರ್ಬಾಝ್ ಶೋ ನಡೆಸಿಕೊಡುತ್ತಿದ್ದೇನೆ. ಮಗು ಸೂಪರ್ ಟ್ಯಾಲೆಂಟೆಡ್ ಆಗಿರಲಿದೆ ಅನ್ನೋದರಲ್ಲಿ ಅನುಮಾನವೇ ಇಲ್ಲ. ಶೋಗೆ ಸಚಿನ್ ತೆಂಡುಲ್ಕರ್, ಧೋನಿ ಬರಬೇಕು ಅಂತ ನನಗೆ ತುಂಬಾ ಆಸೆ ಇದೆ ಅಂತಲೂ ಭಾರತಿ ಸಿಂಗ್ ಹೇಳಿದ್ದಾರೆ.
ಭಾರತಿ ಸಿಂಗ್ ಪ್ರೆಗ್ನೆನ್ಸಿಯ ದಿನದ ವಿಶೇಷ ಕ್ಷಣವನ್ನು ಕವರ್ ಮಾಡಲು ಭಾರತಿ ಸಿಂಗ್ ಫೋಟೋಶೂಟ್ ಮಾಡಿಸಿದ್ದರು. ಈ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದವು.
