ಇಸ್ಲಾಮಬಾದ್: ಕಾರ್ಯಕ್ರಮದಲ್ಲಿ ಹಾಡು ಹೇಳುತ್ತಿದ್ದ ಗಾಯಕಿ ನಿಂತು ಕೊಂಡಿಲ್ಲವೆಂಬ ಕ್ಷುಲ್ಲಕ ಕಾರಣಕ್ಕೆ ಆಕೆಯನ್ನು ಗುಂಡಿಟ್ಟು ಹತ್ಯೆ ಮಾಡಿರುವ ಘಟನೆ ಪಾಕಿಸ್ತಾನದ ಸಿಂಧ್ ಪ್ರಾಂತ್ಯದ ಲರ್ಖಾನಾ ಜಿಲ್ಲೆಯಲ್ಲಿ ನಡೆದಿದೆ.
ಕಂಗ ಗ್ರಾಮದಲ್ಲಿ ಸಂಗೀತ ಕಾರ್ಯಕ್ರಮ ನಡೆಯುತ್ತಿದ್ದ ವೇಳೆ ಈ ಕೃತ್ಯ ನಡೆದಿದ್ದು, 24 ವರ್ಷದ ಗಾಯಕಿ ಸಮೀನಾ ಸಿಂಧು ಮೃತ ದುರ್ದೈವಿ. ಆರೋಪಿ ತಾರೀಕ್ ಅಹ್ಮದ್ ಕುಳಿತುಕೊಂಡೇ ಹಾಡು ಹೇಳುತ್ತಿದ್ದಕ್ಕೆ ಶೂಟ್ ಮಾಡಿ ಹತ್ಯೆ ಮಾಡಿದ್ದಾನೆ.
ಸಮೀನಾ ಸಿಂಧು ಗಾಯನ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದರು. ಆ ವೇಳೆ ಎದ್ದು ನಿಂತು ಹಾಡುವಂತೆ ಪ್ರೇಕ್ಷಕನೊಬ್ಬ ಕೇಳಿಕೊಂಡಿದ್ದಾನೆ. ಆದರೆ ತಾನು ಗರ್ಭವತಿಯಾಗಿದ್ದ ಕಾರಣ ನಿಂತು ಹಾಡಲು ಸಾಧ್ಯವಿಲ್ಲ ಎಂದು ಆಕೆ ನಿರಾಕರಿಸಿದ್ದಾರೆ.
ಇದರಿಂದ ಆಕ್ರೋಶಗೊಂಡ ಆತ ಗಾಯಕಿಯ ಮೇಲೆ ಗುಂಡು ಹಾರಿಸಿ ಹತ್ಯೆ ಮಾಡಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ. ಗುಂಡಿನ ದಾಳಿಯಾದ ತಕ್ಷಣ ತೀವ್ರವಾಗಿ ಗಾಯಗೊಂಡ ಸಮೀನಾಳನ್ನು ಕೂಡಲೇ ಸಮೀಪದ ಚಂದ್ಕಾ ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆದರೆ ಅಷ್ಟರಲ್ಲೇ ಸಮೀನಾ ಮೃತಪಟ್ಟಿದ್ದಾರೆ.
ತನ್ನ ಪತ್ನಿ 6 ತಿಂಗಳ ಗರ್ಭಿಣಿಯಾಗಿದ್ದು, ಜೊತೆ ಹುಟ್ಟಲಿರುವ ಮಗುವೂ ಸಾವನ್ನಪ್ಪಿರುವುದರಿಂದ ಆರೋಪಿ ವಿರುದ್ಧ ಎರಡು ಹತ್ಯೆ ಪ್ರಕರಣಗಳನ್ನು ದಾಖಲಿಸಬೇಕೆಂದು ಸಮೀನಾ ಪತಿ ಆಗ್ರಹಿಸಿದ್ದಾರೆ.
ಈ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ಮುಖ್ಯ ಆರೋಪಿ ತಾರಿಕ್ ನನ್ನು ಬಂಧಿಸಿದ್ದಾರೆ.
Samina Sindhu, a 6-month pregnant Sindhi singer, was shot dead in Larkana by Tariq Jatoi. He asked her for stand-up performance. On refusal, he threatened her. Later when she stood up, Jatoi fired bullets in her body. Now, Jatois are pressurising her husband to withdraw from case pic.twitter.com/Frey8w79lw
— Kapil Dev کپل دیو (@KDSindhi) April 11, 2018
