ನ್ಯಾಷನಲ್ ಕ್ರಶ್ ಪ್ರಿಯಾ ಪ್ರಕಾಶ್‍ಗೆ ಸೆಡ್ಡು ಹೊಡೆಯಲು ಇಂಟರ್ ನ್ಯಾಷನಲ್ ಕ್ರಶ್‍ರನ್ನು ಕರೆತರಲಿದ್ದಾರೆ ಪ್ರಥಮ್!

ಬೆಂಗಳೂರು: ಒಂದೇ ಒಂದು ಕಣ್ಣಸನ್ನೆಗೆ ಪ್ರಿಯಾ ಪ್ರಕಾಶ್ ನ್ಯಾಷನಲ್ ಕ್ರಶ್ ಆಗಿದ್ದು, ಇದೀಗ ಬಿಗ್ ಬಾಸ್ ವಿಜೇತ ಪ್ರಥಮ್ ಪ್ರಿಯಾ ಅವರಿಗೆ ಸೆಡ್ಡು ಹೊಡೆಯಲು ಇಂಟರ್ ನ್ಯಾಷನಲ್ ಕ್ರಶ್‍ರನ್ನು ಕರೆತರಲಿದ್ದಾರೆ.

ಒಂದು ಹಾಡಿನ ಮೂಲಕ ಖ್ಯಾತಿ ಪಡೆದ ಪ್ರಿಯಾ ಪ್ರಕಾಶ್ ಅವರನ್ನು ಕನ್ನಡಕ್ಕೆ ಕರೆತರಲು ಯೋಚಿಸುತ್ತಿದ್ದಾರೆ. ಹೀಗಿರುವಾಗ ಬಿಗ್ ಬಾಸ್ ವಿಜೇತ ಪ್ರಥಮ್ ತಮ್ಮ ಫೇಸ್ ಬುಕ್ ಅಕೌಂಟ್‍ ನಲ್ಲು ನ್ಯಾಶನಲ್ ಕ್ರಶ್ ಪ್ರಿಯಾ ಎಂದು ಬರೆದುಕೊಂಡು ಅದಕ್ಕೆ, “ನಮಸ್ಕಾರ. ನಾನು ನೋಡುತ್ತಾನೆ ಇದೀನಿ ಪ್ರಿಯಾ ಪ್ರಕಾಶ್ ವಾರಿಯರ್ ನ ನ್ಯಾಷನಲ್ ಕ್ರಶ್ ಎಂದು ಕೊಂಡಾಡಿದ್ದೇ ಕೊಂಡಾಡಿದ್ದು.. ಸ್ವಲ್ಪ ಕಾಯಿರಿ ನಾಳಿದ್ದು ನನ್ನ ಹುಟ್ಟುಹಬ್ಬ. ಅದಕ್ಕೆ ಇಂಟರ್ ನ್ಯಾಷನಲ್ ಕ್ರಶ್ ನ ಕರೆದುಕೊಂಡು ಬರುತ್ತೀನಿ. ಎಲ್ಲಾ ಹುಡುಗರು ಎದೆ ಹೊಡೆದುಕೊಂಡು ಸಾಯೋದು ಗ್ಯಾರಂಟಿ” ಎಂದು ಪ್ರಥಮ್ ತಿಳಿಸಿದ್ದಾರೆ.

ಈ ಹಿಂದೆ ಪ್ರಥಮ್ ಈ ರೀತಿ ಸಾಕಷ್ಟು ಬಾರಿ ಮಾಡಿದ್ದಾರೆ. ತನ್ನ ‘ಬಿಲ್ಡಪ್’ ಚಿತ್ರಕ್ಕೆ ದೇಶದ ಪ್ರಮುಖ ವ್ಯಕ್ತಿಯ ಹತ್ತಿರ ಸಿನಿಮಾ ಕ್ಲಾಪ್ ಮಾಡಿಸುತ್ತೇನೆ ಎಂದು ಹೇಳಿದ್ದರು. ನಂತರ ಹಾಗೆಯೇ ಮಾಡಿ ತೋರಿಸಿದ್ದಾರೆ. ಬಿಜೆಪಿ ಹಿರಿಯ ನಾಯಕ ಎಲ್.ಕೆ ಅಡ್ವಾಣಿ ಅವರ ಹತ್ತಿರ ಕ್ಲಾಪ್ ಮಾಡಿಸಿ, ಚಿತ್ರವನ್ನು ಶುಭಾರಂಭ ಮಾಡಿದ್ದರು. ಹೀಗಾಗಿ ಪ್ರಥಮ್ ಈ ಬಾರಿ ಯಾವ ಇಂಟರ್‍ ನ್ಯಾಷನಲ್ ಕ್ರಶ್ ಕರೆತಲಿದ್ದಾರೆಂದು ಕಾದು ನೋಡಬೇಕಿದೆ.