ಬೀದರ್: ಸಚಿವ ಕೆ. ವೆಂಕಟೇಶ್ (K Venkatesh) ಮೆಂಟಲ್ ಆಗಿದ್ದಾರೆ. ಹೀಗಾಗಿ ಅವರನ್ನು ಮೆಂಟಲ್ ಆಸ್ಪತ್ರೆ (Mental Hospital) ದಾಖಲು ಮಾಡಿ ಚೆಕ್ ಮಾಡಿಸಬೇಕು. ಇಲ್ಲಾ ಅವರು ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡಬೇಕು ಎಂದು ಏಕವಚನದಲ್ಲಿಯೇ ಮಾಜಿ ಪಶುಸಂಗೋಪನಾ ಸಚಿವ ಪ್ರಭು ಚವ್ಹಾಣ್ (Prabhu Chauhan) ವಾಗ್ದಾಳಿ ನಡೆಸಿದರು.
Advertisement
ಇತ್ತೀಚೆಗೆ ಎಮ್ಮೆ, ಕೋಣ ಕಡಿಯುತ್ತಾರೆ. ಹಾಗಾದರೆ ಗೋವುಗಳನ್ನು ಯಾಕೆ ಕಡಿಯಬಾರದು ಎಂಬ ಸಚಿವ ವೆಂಕಟೇಶ್ ನೀಡಿರುವ ವಿವಾದಾತ್ಮಕ ಹೇಳಿಕೆ ಕಾಂಗ್ರೆಸ್-ಬಿಜೆಪಿ ಜಟಾಪಟಿಗೆ ಕಾರಣವಾಗಿದೆ. ಈ ಹೇಳಿಕೆಗೆ ಪ್ರಭು ಚವ್ಹಾಣ್ ಕೆಂಡಾ ಮಂಡಲವಾಗಿದ್ದಾರೆ. ಮುಸ್ಲಿಂ ಓಲೈಕೆಗಾಗಿ ಈ ರೀತಿ ಹೇಳಿಕೆ ನೀಡುತ್ತಿದ್ದು, ಗೋ ಹತ್ಯೆ ಕಾಯಿದೆ ರದ್ದು ಮಾಡಿದೆ. ರೈತರ ಜೊತೆಗೆ ಬೀದಿಗೆ ಬಂದು ಬಿಜೆಪಿ (BJP) ಉಗ್ರವಾದ ಆಂದೋಲನ ಮಾಡುತ್ತೆ ಎಂದು ಕಾಂಗ್ರೆಸ್ (Congress) ಸರ್ಕಾರಕ್ಕೆ ಚವ್ಹಾಣ್ ಎಚ್ಚರಿಕೆ ನೀಡಿದ್ದಾರೆ.
Advertisement
ಈ ಹೇಳಿಕೆ ವಿರೋಧಿಸಿ ಸ್ವಾಮೀಜಿಗಳು ನನಗೆ ಫೋನ್ ಮಾಡುತ್ತಿದ್ದಾರೆ. ನೀವು ಕಸಾಯಿಖಾನೆಗೆ ಹೋಗಿ ನೋಡಿ ಗೋವಿಗೆ ಯಾವ ರೀತಿ ಅನ್ಯಾಯವಾಗುತ್ತಿದೆ ಎಂದು ಗೊತ್ತಾಗುತ್ತೆ ಎಂದು ಮಾಜಿ ಪಶುಸಂಗೋಪನಾ ಸಚಿವರು ಹಾಲಿ ಸಚಿವರ ವಿರುದ್ಧ ಕಿಡಿ ಕಾರಿದ್ದಾರೆ. ಇದನ್ನೂ ಓದಿ: ಹಳಿ ತಪ್ಪಿದ್ದು ರೈಲಲ್ಲ, ಸರಕಾರ: ಮತ್ತೆ ಕೇಂದ್ರದ ವಿರುದ್ಧ ಗುಡುಗಿದ ನಟ ಕಿಶೋರ್
Advertisement
Advertisement
