ಬೆಂಗಳೂರು: ಚುನಾವಣೆ ನಿಲ್ಲೋಕೆ ಟಿಕೆಟ್, ಕ್ಷೇತ್ರಕ್ಕಿಂತಲೂ ಈ ಬಾರಿ ರಾಜಕೀಯ ನಾಯಕರ ತಲೆಕೆಡಿಸಿರೋದು ಈ ಇಂಟರ್ ನೆಟ್ ದುನಿಯಾ. ಬುಧವಾರ ಬಿಜೆಪಿ ನಾಯಕರು ಸಾಮಾಜಿಕ ಜಾಲತಾಣದಲ್ಲಿ ಉದ್ದೇಶಪೂರ್ವಕವಾಗಿ ಟ್ರೋಲ್ ಮಾಡಲಾಗುತ್ತಿದೆ ಅಂತಾ ದೂರು ಕೊಟ್ಟಿದ್ದಾರೆ. ದೂರು ನೀಡಿದ ಬೆನ್ನಲ್ಲೆ ಸೈಬರ್ ಸಂಸ್ಥೆ ರಾಜಕೀಯ ನಾಯಕರ ಕೈ-ಕಾಲು ಎಳೆಯೋ ನೆಟ್ ಲೋಕದ ಸ್ಪೋಟಕ ಮಾಹಿತಿ ಯನ್ನು ಹೊರಹಾಕಿದೆ.
ಚುನಾವಣೆ ಹತ್ತಿರ ಬರುತ್ತಿದ್ದಂತೆ ವಾಕ್ಸಮರ, ಆರೋಪ ಪ್ರತ್ಯಾರೋಪದ ಹಣಾಹಣಿ ನಡೆಯುತ್ತದೆ. ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯ ಪ್ರಬಲ ಅಸ್ತ್ರವಾಗಿದ್ದ ಸಾಮಾಜಿಕ ಜಾಲತಾಣವೇ ಈಗ ಅದರ ಕೆಂಗಣ್ಣಿಗೆ ಗುರಿಯಾಗಿದೆ.
ಸಾಮಾಜಿಕ ಜಾಲತಾಣಗಳಲ್ಲಿ ಹೇಗೆ ಟ್ರೋಲ್ ಮಾಡಲಾಗುತ್ತದೆ. ಇಲ್ಲಿದೆ ಮಾಹಿತಿ
* ರಾಜಕಾರಣಿಗಳ ಹೆಸರಲ್ಲಿ ಫೇಕ್ ಆಕೌಂಟ್ ಕ್ರಿಯೇಟ್ ಮಾಡಲಾಗುತ್ತದೆ. ಆ ಖಾತೆಗಳಲ್ಲಿ ವಿರೋಧಿಗಳ ಇಮೇಜ್‍ಗೆ ಧಕ್ಕೆಯಾಗುವ ಸುದ್ದಿಗಳನ್ನೆಲ್ಲಾ ಶೇರ್ ಮಾಡಲಾಗುತ್ತದೆ.
* ಫೋಟೋಶಾಪ್ ಮೂಲಕ ವಿರೋಧಿ ನಾಯಕರ ಇಮೇಜ್‍ಗೆ ಧಕ್ಕೆ ತರಲಾಗುತ್ತದೆ
* ಹಳೆ ಸುದ್ದಿಗಳನ್ನು ಅಥವಾ ಸುದ್ದಿಗಳನ್ನು ಸೃಷ್ಟಿಸಿ ವಾಟ್ಸಾಪ್, ಫೇಸ್‍ಬುಕ್‍ನಲ್ಲಿ ಹರಿಯಬಿಡಲಾಗುತ್ತಿದೆ. ಇದರಿಂದ ವಿರೋಧಿಗಳ ತೇಜೋವಧೆ ನಡೆಸಲಾಗುತ್ತದೆ.
* ವಾಟ್ಸಪ್ , ಫೇಸ್‍ಬುಕ್, ಟ್ವಿಟರ್‍ನಲ್ಲಿ ಬಂದಿದ್ದೇ ಪರಮಸತ್ಯ ಎಂದು ನಂಬುವ ಜನರ ಮನಸ್ಥಿತಿಯನ್ನೇ ಲಾಭ ಮಾಡಿಕೊಳ್ಳುವ ಹುನ್ನಾರ.
* ಬಹುತೇಕ ರಾಜಕೀಯ ನಾಯಕರಿಗೆ ಟ್ವಿಟರ್, ಫೇಸ್‍ಬುಕ್ ಹ್ಯಾಂಡಲ್ ಮಾಡೋದು ಗೊತ್ತಿಲ್ಲ. ಕಂಡವರ ಕೈಗೆ ಸಾಮಾಜಿಕ ಜಾಲತಾಣದ ನಿರ್ವಹಣೆ ಕೊಟ್ಟು ಕೈಸುಟ್ಟುಕೊಂಡು ದೂರು ಕೊಡುತ್ತಿದ್ದಾರೆ.
ಡಿಜಿಟಲ್ ಯುಗದಲ್ಲಿ ಸಾಮಾಜಿಕ ಜಾಲತಾಣಗಳು ರಾಜಕೀಯ ನಾಯಕರ ನಿದ್ದೆ ಕೆಡಿಸಿದೆ. ಯಾವಾಗ ಹೇಗೆ ಟ್ರೋಲ್ ಆಗ್ತಾರೆ ಅಂತ ಅವರಿಗೇ ಗೊತ್ತಿರಲ್ಲ.
