ಬೆಂಗಳೂರು: ಅಕ್ಷಯ ತೃತೀಯ ಹತ್ತಿರ ಬರುತ್ತಿದೆ. ಈ ಬಾರಿ ಮಹಿಳಾ ಮತದಾರರನ್ನು ಸೆಳೆಯಲು ರಾಜಕೀಯ ನಾಯಕರಿಗೆ ಹೊಸ ಅಸ್ತ್ರ ಸಿಕ್ಕಿದಂತಾಗಿದೆ.
ಬಂಗಾರದ ಹಬ್ಬಕ್ಕೆ ಚಿನ್ನ ಮನೆಗೆ ಬಂದ್ರೆ ಮಹಿಳೆಯರನ್ನು ಹಿಡಿಯೋಕ್ಕೆ ಆಗುತ್ತಾ? ಇದನ್ನೇ ಎನ್ಕ್ಯಾಶ್ ಮಾಡಿಕೊಂಡು ಈ ಬಾರಿ ಅಕ್ಷಯ ತೃತೀಯಗೆ ಮಹಿಳಾ ಮತದಾರರಿಗಾಗಿ ಬಂಗಾರದ ಗಿಫ್ಟ್ ಗಳನ್ನು ಕೆಲ ರಾಜಕೀಯ ನಾಯಕರು ಮಾಡಿಕೊಂಡಿದ್ದಾರಂತೆ.
ಏಪ್ರಿಲ್ 18 ರಂದು ಅಕ್ಷಯ ತೃತೀಯವಾಗಿದ್ದು, ಚಿನ್ನದ ವ್ಯಾಪಾರಿಗಳ ನಿರೀಕ್ಷೆಗೂ ಮೀರಿ ಈ ಬಾರಿ ವ್ಯಾಪಾರ ವೃದ್ಧಿಯಾಗುವ ಲಕ್ಷಣ ಕಾಣುತ್ತಿದೆ. ಈಗಾಗಲೇ ಬಂಗಾರದ ಬುಕ್ಕಿಂಗ್ ಜೋರಾಗಿದ್ಯಯಂತೆ. ಹಾಗೆ ನೋಡಿದ್ರೇ ಕಳೆದ ವರ್ಷಕ್ಕಿಂತ ಈ ಬಾರಿ ಚಿನ್ನದ ದರ ಏರಿಕೆ ಕಂಡಿದೆ. ಆದ್ರೇ ವ್ಯಾಪಾರಕ್ಕೆ ನೋ ಪ್ರಾಬ್ಲಂ, ರಾಜಕೀಯ ನಾಯಕರು, ಅವರ ಬೆಂಬಲಿಗರೇ ಹೆಚ್ಚಾಗಿ ಚಿನ್ನದ ಖರೀದಿಯಲ್ಲಿ ತೊಡಗಿದ್ದಾರೆ ಅನ್ನೋದು ಚಿನ್ನದಂಗಡಿ ಮಾಲೀಕರು ಪಬ್ಲಿಕ್ ಟಿವಿ ಜೊತೆ ಮಾತನಾಡುತ್ತಾ ತಿಳಿಸಿದ್ದಾರೆ.
