ಬೆಂಗ್ಳೂರಲ್ಲಿ ಹೆಲ್ಮೆಟ್ ಹಾಕದ ಬೈಕ್ ಸವಾರರಿಗೆ ಶೂ ಬಾಣ- ವಿಡಿಯೋ ವೈರಲ್

ಬೆಂಗಳೂರು: ವಾಹನ ಸವಾರರು ತಪ್ಪು ಮಾಡಿದರೆ ದಂಡ ಹಾಕೋದನ್ನು ಹಾಗೂ ಡಿಎಲ್ ರದ್ದು ಮಾಡೋದನ್ನ ನೋಡಿದ್ದೀವಿ. ಆದರೆ ಇದೀಗ ಟ್ರಾಫಿಕ್ ಪೊಲೀಸರು ಬೂಟಿನೇಟು ಕೊಟ್ಟಿದ್ದಾರೆ.

ಈ ಘಟನೆ ನಗರದ ಎಂ.ಎಸ್ ಪೆಟ್ರೋಲ್ ಬಂಕ್ ಸಮೀಪ ನಡೆದಿದೆ. ಹೆಲ್ಮೆಟ್ ಧರಿಸದೇ ಬೈಕಿನಲ್ಲಿ ಇಬ್ಬರು ಯುವಕರು ಗೊರಗುಂಟೆಪಾಳ್ಯದ ಕಡೆಯಿಂದ ಹೆಬ್ಬಾಳದ ಕಡೆಗೆ ಹೋಗುತ್ತಿದ್ದರು. ಈ ವೇಳೆ ಪೆಟ್ರೋಲ್ ಬಂಕ್ ಸಮೀಪ ನಿಂತಿದ್ದ ಟ್ರಾಫಿಕ್ ಪೇದೆಯೊಬ್ಬರು ಇದನ್ನು ಗಮನಿಸಿದ್ದಾರೆ.

ಟ್ರಾಫಿಕ್ ಪೊಲೀಸ್ ಇಬ್ಬರು ಯುವಕರು ಹೆಲ್ಮೆಟ್ ಧರಿಸಿಲ್ಲ ಎಂದು ಕೋಪಗೊಂಡು ಕಾಲಿನಿಂದ ಶೂ ತೆಗೆದು ಅವರಿಗೆ ಎಸೆದಿದ್ದಾರೆ. ಈ ದೃಶ್ಯ ಅದೇ ಮಾರ್ಗದಲ್ಲಿ ಹೋಗುತ್ತಿದ್ದ ಕಾರಿನಲ್ಲಿ ಅಳವಡಿಸಲಾಗಿರುವ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

https://www.youtube.com/watch?v=zKafHFQwvi8&feature=youtu.be