ಹುಡುಗಿಯರ ಹಿಂಭಾಗಕ್ಕೆ ಹೊಡೆದು ಹೋಗ್ತಿದ್ದ ಕಾಮುಕ ಅರೆಸ್ಟ್

ಬೆಂಗಳೂರು: ಬೈಕಿನಲ್ಲಿ ಹೆಲ್ಮೆಟ್ ಹಾಕಿಕೊಂಡು ಬಂದು ಹುಡುಗಿಯರ ಹಿಂಭಾಗಕ್ಕೆ ಹೊಡೆದು ಹೋಗುತ್ತಿದ್ದ ಕಾಮುಕನನ್ನು ಪೊಲೀಸರು ಬಂಧಿಸಿದ್ದಾರೆ.

ರಮೇಶ್ ಬಂಧಿತ ಆರೋಪಿ. ಈತ ಪಿಜಿ ಹುಡುಗಿಯರಿಗೆ ಕಾಟ ಕೊಡುತ್ತಿದ್ದನು. ಯಲಹಂಕ ನ್ಯೂ ಟೌನ್ ಪೊಲೀಸರು ಆರೋಪಿಯನ್ನು ಬಂಧಿಸಿದ್ದಾರೆ. ಬಂಧಿತ ಆರೋಪಿ ಯಲಹಂಕ, ಯಲಹಂಕ ನ್ಯೂಟೌನ್ ಮತ್ತು ವಿದ್ಯಾರಣ್ಯಪುರ ಸುತ್ತಮುತ್ತಾ ಕುಚೇಷ್ಟೆ ಮಾಡುತ್ತಿದ್ದನು.

ಪಿಜಿಯಲ್ಲಿ ವಾಸವಿರುವ ಉತ್ತರ ಭಾರತ ಮೂಲದ ಯುವತಿಯರನ್ನೆ ಟಾರ್ಗೆಟ್ ಮಾಡುತ್ತಿದ್ದ ರಮೇಶ್ ಬೈಕ್ ನಂಬರ್ ಪ್ಲೇಟ್ ಕಾಣದಂತೆ ನಂಬರ್ ಪ್ಲೇಟ್‍ಗೆ ಟವಲ್ ಸುತ್ತಿಕೊಂಡು ಬರುತ್ತಿದ್ದನು. ಬಳಿಕ ಯುವತಿಯನ್ನು ಹಿಂಬಾಲಿಸಿಕೊಂಡು ಹೋಗಿ ಅವರ ಹಿಂಭಾಗಕ್ಕೆ ಹೊಡೆದು ಹೋಗುತ್ತಿದ್ದನು.

ಮುಖವೂ ಕಾಣದೇ ಇರಲು ಹೆಲ್ಮೆಟ್ ಹಾಕಿಕೊಂಡು ಬರುತ್ತಿದ್ದನು. ಸಿಸಿಟಿವಿ ದೃಶ್ಯಾವಳಿ ಆಧರಿಸಿ ಯಲಹಂಕ ನ್ಯೂ ಟೌನ್ ಪೊಲೀಸರು ಆರೋಪಿಯನ್ನ ಬಂಧಿಸಿದ್ದಾರೆ. ಪೊಲೀಸರು ಆರೋಪಿ ರಮೇಶ್‍ನನ್ನು ಐಪಿಸಿ 354ಎ ಅಡಿಯಲ್ಲಿ ಪ್ರಕರಣ ದಾಖಲಿಸಿ ಜೈಲಿಗಟ್ಟಿದ್ದಾರೆ.