ನವದೆಹಲಿ: ಪ್ರಸಿದ್ಧ ಡಿಸ್ಕವರಿ ಚಾನೆಲ್‍ನಲ್ಲಿ ಪ್ರಸಾರವಾಗುವ `ಮ್ಯಾನ್ ವರ್ಸಸ್ ವೈಡ್’ ಮಿತ್ ಬೈರ್ ಗ್ರಿಲ್ಸ್ ಒಂದು ಅಡ್ವೆನ್ಚರ್ ಕಾರ್ಯಕ್ರಮವಾಗಿದ್ದು, ಶೀಘ್ರದಲ್ಲೇ ಈ ಕಾರ್ಯಕ್ರಮದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಕಾಣಿಸಿಕೊಳ್ಳಲಿದ್ದಾರೆ.
ಹೌದು. ರಾಜಕೀಯವನ್ನು ಸ್ಪಲ್ಪ ಬದಿಗಿಟ್ಟು ಮೋದಿ ಅವರು ಅಡ್ವೆನಚರ್ ಮಾಡಿ ಥ್ರಿಲ್ ಪಡೆದಿದ್ದಾರೆ. ಆಗಸ್ಟ್ 12ರಂದು ಡಿಸ್ಕವರಿ ಚಾನೆಲ್‍ನಲ್ಲಿ ಪ್ರಸಾರವಾಗುವ ‘ಮ್ಯಾನ್ ವರ್ಸಸ್ ವೈಡ್’ ಕಾರ್ಯಕ್ರಮದಲ್ಲಿ ಮೋದಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಈ ಕಾರ್ಯಕ್ರಮದ ಹೋಸ್ಟ್ ಬೈರ್ ಗ್ರಿಲ್ಸ್ ಟ್ವೀಟ್ ಮಾಡಿದ್ದಾರೆ. ಉತ್ತರಾಖಂಡ್‍ನ ಜಿಮ್ ಕಾರ್ಬೆಟ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಮೋದಿ ಅವರು ಬೈರ್ ಗ್ರಿಲ್ಸ್ ಜೊತೆ ಆಗಸ್ಟ್ 12ರ ಸಂಚಿಕೆಯಲ್ಲಿ ಕಾಣಸಿಗಲಿದ್ದಾರೆ.
ಟ್ವೀಟ್‍ನಲ್ಲಿ ಏನಿದೆ?
ಜಗತ್ತಿನ ಸುಮಾರು 180 ದೇಶಗಳ ಜನರು ಯಾರಿಗೂ ತಿಳಿಯದ ಮೋದಿ ಅವರನ್ನು ಕಾಣಲಿದ್ದಾರೆ. ಭಾರತದ ವನ್ಯ ಜಗತ್ತು, ಪ್ರಾಣಿ ಸಂರಕ್ಷಣೆ ಮತ್ತು ಪರಿಸರದಲ್ಲಾಗುವ ಬದಲಾವಣೆ ಕುರಿತು ಜಾಗೃತಿ ಮೂಡಿಸಲಿದ್ದಾರೆ. ಆಗಸ್ಟ್ 12 ರಾತ್ರಿ 9ಕ್ಕೆ ಮ್ಯಾನ್ ವರ್ಸಸ್ ವೈಡ್ ವಿಥ್ ನರೇಂದ್ರ ಮೋದಿ ನೋಡಿ ಎಂದು ಬರೆದು #PMModionDiscovery ಹ್ಯಾಶ್‍ಟ್ಯಾಗ್ ಹಾಕಿ ವಿಡಿಯೋ ಜೊತೆ ಬೈರ್ ಗ್ರಿಲ್ಸ್ ಟ್ವೀಟ್ ಮಾಡಿದ್ದಾರೆ.
ಈ ಬಗ್ಗೆ ಮೋದಿ ಅವರು ಪ್ರತಿಕ್ರಿಯಿಸಿ, ವರ್ಷಾನುಗಟ್ಟಲೆ ನಾನು ಪ್ರಕೃತಿ, ಪರ್ವತ ಹಾಗೂ ಅರಣ್ಯದಲ್ಲಿ ಸಮಯ ಕಳೆದಿದ್ದೇನೆ. ಆ ಸಮಯ ನನ್ನ ಜೀವನಲ್ಲಿ ಪ್ರಭಾವ ಬೀರಿದೆ. ಆದ್ದರಿಂದ ರಾಜಕೀಯದಿಂದ ಹೊರಬಂದು ಕೊಂಚ ಸಮಯ ನಿಸರ್ಗದಲ್ಲಿ ಕಳೆಯಲು ಅವಕಾಶ ದೊರೆತಾಗ, ಕುತೂಹಲದಿಂದ ಭಾಗಿಯಾದೆ ಎಂದು ಖುಷಿಯನ್ನು ಹಂಚಿಕೊಂಡಿದ್ದಾರೆ.
ಈ ಕಾರ್ಯಕ್ರಮದಲ್ಲಿ ಭಾರತದ ಶ್ರೀಮಂತ ಪರಿಸರ ಪರಂಪರೆಯ ಬಗ್ಗೆ ತಿಳಿಸಲು, ಪರಿಸರ ಸಂರಕ್ಷಣೆಯ ಪ್ರಾಮುಖ್ಯತೆ ಹಾಗೂ ಪ್ರಕೃತಿಯಲ್ಲಿ ಸಾಮರಸ್ಯದಿಂದ ಬದುಕುವ ಕುರಿತು ತಿಳಿಸಲು ಅವಕಾಶ ಸಿಕ್ಕಿತು ಎಂದಿದ್ದಾರೆ.
ಸೋಮವಾರದಂದು ಮೋದಿ ಅವರು 2018ರ ಅಖಿಲ ಭಾರತ ಹುಲಿ ಅಂದಾಜು ವರದಿಯನ್ನು ಬಿಡುಗಡೆಗೊಳಿಸಿದರು. ಈ ವರದಿ ಪ್ರಕಾರ, ದೇಶದಲ್ಲಿ ಒಟ್ಟು 2,967 ಹುಲಿಗಳು ಇವೆ. ಈ ಹಿಂದಿನ 2014ರ ವರದಿ ಪ್ರಕಾರ ದೇಶದಲ್ಲಿ 2,226 ಹುಲಿಗಳು ಇದ್ದವು. 2010ರ ವರದಿಯಲ್ಲಿ 1,706 ಹುಲಿಗಳು ದೇಶದಲ್ಲಿದೆ ಎಂದು ಉಲ್ಲೇಖಿಸಲಾಗಿತ್ತು.
ವರದಿ ಬಗ್ಗೆ ಮಾತನಾಡಿ, ಇಂದು ಸುಮಾರು 3,000 ಹುಲಿಗಳನ್ನು ಹೊಂದಿರುವ ಭಾರತವು ವಿಶ್ವದ ಅತಿದೊಡ್ಡ ಮತ್ತು ಸುರಕ್ಷಿತ ಆವಾಸಸ್ಥಾನಗಳಲ್ಲಿ ಒಂದಾಗಿದೆ ಎಂದು ಮೋದಿ ಹೆಮ್ಮೆಯಿಂದ ಹೇಳಿದರು.
People across 180 countries will get to see the unknown side of PM @narendramodi as he ventures into Indian wilderness to create awareness about animal conservation & environmental change. Catch Man Vs Wild with PM Modi @DiscoveryIN on August 12 @ 9 pm. #PMModionDiscovery pic.twitter.com/MW2E6aMleE
— Bear Grylls (@BearGrylls) July 29, 2019
