Connect with us

Latest

ನನ್ನ ಮದ್ವೆ ನಿಲ್ಲಿಸಲು ಸಹಾಯ ಮಾಡಿ: ಪೊಲೀಸ್ ಠಾಣೆಯ ಮೆಟ್ಟಿಲೇರಿದ 12ರ ಬಾಲೆ

Published

on

ಕೋಲ್ಕತ್ತ: 13 ವರ್ಷದ ಬಾಲಕಿಯೊಬ್ಬಳು ಶಾಲಾ ಉಡುಪಿನಲ್ಲೇ ನನ್ನ ಮದುವೆ ನಿಲ್ಲಿಸಲು ಸಹಾಯ ಮಾಡಿ, ನಾನಿನ್ನು ಓದಬೇಕು ಎಂದು ಪಶ್ಚಿಮ ಬಂಗಾಳದ ದಕ್ಷಿಣ 24 ಪರಗಣ ಜಿಲ್ಲೆಯ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದಾಳೆ.

ನನ್ನ ತಂದೆ ನನಗೆ ಮದುವೆ ಮಾಡಲು ಸಿದ್ಧತೆ ನಡೆಸಿದ್ದಾರೆ. ನನಗೆ ಈ ಮದುವೆ ಇಷ್ಟವಿಲ್ಲ. ನಾನು ಓದಬೇಕು ಎಂದು ಓಸಿ ಸುಭಾಷ್ ಚಂದ್ರ ಘೋಷ್ ಅವರ ಬಳಿ 6ನೇ ತರಗತಿ ಓದುತ್ತಿದ್ದ ಬಾಲಕಿ ಕಣ್ಣೀರು ಹಾಕಿದ್ದಾಳೆ. ಬಾಲಕಿಯ ಅಕ್ರಂದನವನ್ನು ಆಲಿಸಿದ ಪೊಲೀಸರು, ಈಗ ಮದುವೆ ಮಾಡುವುದು ಶಿಕ್ಷಾರ್ಹ ಅಪರಾಧ ಎಂದು ಪೋಷಕರಿಗೆ ಬುದ್ಧಿವಾದ ಹೇಳಿಸಿ ಮದುವೆಯನ್ನು ನಿಲ್ಲಿಸಿದ್ದಾರೆ.

ಏನಿದು ಘಟನೆ?
ಬಾಲಕಿಯ ತಂದೆ ಮದುವೆ ಮಾಡಲು 6 ತಿಂಗಳಿಂದ ವರನನ್ನು ಹುಡುಕುತ್ತಿದ್ದರು. ಕೊನೆಗೆ ಪೋಷಕರು ಬಾಂಗರ್ ನಲ್ಲಿದ್ದ ಚಂದ್ರನೇಶ್ವರ ಹಳ್ಳಿಯಲ್ಲಿ ವರನನ್ನು ಹುಡುಕಿ ಮದುವೆ ಮಾಡಲು ಸಿದ್ಧತೆ ನಡೆಸುತ್ತಿದ್ದರು. ಬಾಲಕಿ ನಾನು ಮದುವೆ ಆಗುವುದಿಲ್ಲ ಎಂದು ಎಷ್ಟೇ ಹಠ ಮಾಡಿದರೂ ತಂದೆ ಮದುವೆ ಮಾಡಿಸಿಯೇ ಸಿದ್ಧ ಎಂದು ಹೇಳುತ್ತಿದ್ದ.

ತನ್ನ ಕಷ್ಟವನ್ನು ಸ್ನೇಹಿತೆಯ ಜೊತೆ ಹೇಳಿ ಠಾಣೆಗೆ ಬರುವಂತೆ ಕೇಳಿಕೊಳ್ಳುತ್ತಾಳೆ. ಆದರೆ ಆ ಸ್ನೇಹಿತೆ ಭಯಗೊಂಡು ನಾನು ಠಾಣೆಗೆ ಬರುವುದಿಲ್ಲ ಎಂದು ಹೇಳುತ್ತಾಳೆ. ಕೊನೆಗೆ ಶನಿವಾರ ಧೈರ್ಯದಿಂದ ತಾನೊಬ್ಬಳೇ ಹೋಗುವುದಾಗಿ ನಿರ್ಧರಿಸಿ 2.5 ಕಿ.ಮೀ ನಡೆದುಕೊಂಡು ಪೊಲೀಸ್ ಠಾಣೆಗೆ ಬಂದು ಓಸಿ ಅವರನ್ನು ಭೇಟಿ ಮಾಡಿ ತನ್ನ ಸಮಸ್ಯೆಯನ್ನು ಹೇಳಿಕೊಂಡು ದಯಮಾಡಿ ಮದುವೆಯನ್ನು ನಿಲ್ಲಿಸಿ ಎಂದು ಬೇಡಿಕೊಂಡಿದ್ದಾಳೆ.

ಬಾಲಕಿಯ ಅಳಲನ್ನು ಕೇಳಿದ ಓಸಿ, ಮಕ್ಕಳ ಕಲ್ಯಾಣ ಇಲಾಖೆಯ ಸಿಬ್ಬಂದಿಯನ್ನು ಬಾಲಕಿಯ ಮನೆಗೆ ಕಳುಹಿಸಿದ್ದಾರೆ. ಸಿಬ್ಬಂದಿ ಮನೆಗೆ ಬಂದು ಮದುವೆ ನಿಲ್ಲಿಸಲು ಹೇಳಿದಾಗ ಬಾಲಕಿಯ ತಂದೆ ಒಪ್ಪಿಕೊಳ್ಳುವುದಿಲ್ಲ. ಈ ವೇಳೆ ಬಾಲಕಿಯನ್ನು ಮದುವೆ ಮಾಡಿದರೆ ನಿಮ್ಮ ಮೇಲೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಎಚ್ಚರಿಕೆ ನೀಡಿದ್ದಾರೆ. ನಂತರ ತಂದೆ 18 ವರ್ಷದವರೆಗೂ ನಾನು ಆಕೆಯನ್ನು ಮದುವೆ ಮಾಡಿ ಕೊಡುವುದಿಲ್ಲ ಎಂದು ಪತ್ರದಲ್ಲಿ ಬರೆದು ಸಹಿ ಹಾಕಿ ಕೊಟ್ಟಿದ್ದಾನೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv 

Click to comment

Leave a Reply

Your email address will not be published. Required fields are marked *