ಮರಿ ಶ್ವಾನ ಬದುಕಿನ ನೊಗಕ್ಕೆ ಹೆಗಲು ಕೊಡುತ್ತಿದೆ ಹಂದಿ

ಯಾದಗಿರಿ: ತಾಯಿಯನ್ನು ಕಳೆದು ಕೊಂಡ ನಾಯಿ ಮರಿಯೊಂದು ಬದುಕಲು ಪರದಾಟ ನಡೆಸಿದ್ದ ವೇಳೆ ಹಂದಿಯೊಂದು ಹಾಲು ಉಣಿಸಿ ತಾಯಿ ವಾತ್ಸಲ್ಯ ತೋರುತ್ತಿರುವ ಘಟನೆ ಜಿಲ್ಲೆಯ ಶಹಾಪುರ ಪಟ್ಟಣದ ಆಶ್ರಯ ಕಾಲೋನಿ ಘಟನೆ ನಡೆದಿದೆ.

ಸುಮಾರು ಒಂದು ತಿಂಗಳಿಂದ ನಾಯಿ ಮರಿಗೆ ಹಂದಿ ನಿತ್ಯವು ಹಾಲು ಉಣಿಸುತ್ತಿದ್ದು, ಮಾತೃ ಹೃದಯ ನೋಡುಗರನ್ನು ನಿಬ್ಬೆರಗಾಗಿ ನೋಡುವಂತೆ ಮಾಡಿದೆ. ನಾಯಿ ತನ್ನ ಮರಿಗೆ ಜನ್ಮ ನೀಡಿದ ಬಳಿಕ ಅಪಘಾತದಲ್ಲಿ ಸಾವನಪ್ಪಿದೆ. ಹೀಗಾಗಿ ತಬ್ಬಲಿಯಾದ ನಾಯಿ ಮರಿಗೆ ಹಂದಿ ತಾಯಿ ಮಮಕಾರ ತೋರಿಸಿ ಹಾಲುಣಿಸುತ್ತಿದೆ.

ಸಾಮಾನ್ಯವಾಗಿ ನಾಯಿ ಹಾಗೂ ಹಂದಿ ಮಧ್ಯೆ ಹೆಚ್ಚು ಕಿತ್ತಾಟ ನಡೆಯುತ್ತಿರುತ್ತದೆ. ಆದರೆ ಇಲ್ಲಿ ಹಂದಿ ನಾಯಿಗೆ ಹಾಲುಣಿಸುವ ಮೂಲಕ ಮಾನವೀಯತೆ ಮೆರೆದಿದೆ. ಸಮಾಜದಲ್ಲಿ ಪ್ರೀತಿ ಪ್ರೇಮ ವಿಶ್ವಾಸದಿಂದ ಬದುಕು ಸಾಧಿಸಬಹುದು ಎಂದು ಪ್ರಾಣಿಗಳು ತೋರಿಸಿಕೊಟ್ಟಿದೆ. ಎಂಥಾ ಕಷ್ಟವನ್ನು ಬಂದರು ಬದುಕಬೇಕು ಎನ್ನುವುದು ಕೇವಲ ಮಾನವನಿಗೆ ಮಾತ್ರ ಸೀಮಿತವಲ್ಲ ಪ್ರಾಣಿ ಪಕ್ಷಿಗಳಿಗೂ ಅನ್ವಯವಾಗುತ್ತೆ ಎನ್ನುವುದಕ್ಕೆ ಈ ದೃಶ್ಯವೇ ಸಾಕ್ಷಿಯಾಗಿದೆ.