ನವದೆಹಲಿ: ಸತತ 15ನೇ ದಿನವೂ ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ದುಬಾರಿಯಾಗಿದೆ. ಇಂದು ಲೀಟರ್ ಪೆಟ್ರೋಲ್ ಬೆಲೆ 82 ಪೈಸೆ ಏರಿಕೆಯಾದರೆ ಡೀಸೆಲ್ ಬೆಲೆ 77 ಪೈಸೆ ಏರಿಕೆಯಾಗಿದೆ.
ಸೋಮವಾರ ಬೆಂಗಳೂರಿನಲ್ಲಿ 1 ಲೀ. ಪೆಟ್ರೋಲ್ ಬೆಲೆ 109.43 ರೂ. ಇದ್ದರೆ ಡೀಸೆಲ್ 93.24 ರೂ. ಇತ್ತು. ಇಂದು 1 ಲೀ. ಪೆಟ್ರೋಲ್ ದರ 110.25 ರೂ., ಡೀಸೆಲ್ 94.01 ರೂ.ಗೆ ಏರಿಕೆಯಾಗಿದೆ. ಇದನ್ನೂ ಓದಿ: ಕಾಂಗ್ರೆಸ್ ಕಾರ್ಯಕರ್ತರ ಮಧ್ಯೆ ಮಾರಾಮಾರಿ – ಮೂವರು ಆಸ್ಪತ್ರೆಗೆ ದಾಖಲು
ಕಳೆದ 15 ದಿನದಲ್ಲಿ ಪೆಟ್ರೋಲ್ ದರ 9.67 ರೂ. ಡೀಸೆಲ್ 9 ರೂ. ಏರಿಕೆಯಾಗಿದೆ. ಮಾರ್ಚ್ 22 ರಂದು 1 ಲೀ. ಪೆಟ್ರೋಲ್‍ಗೆ 100.58 ಇತ್ತು. ಆದರೆ ಈಗ 110 ರೂ.ಗೆ ಏರಿಕೆಯಾಗಿದೆ. 85.01 ರೂ. ಇದ್ದ ಡೀಸೆಲ್ ದರ ಈಗ 94.01 ರೂ.ಗೆ ಏರಿಕೆಯಾಗಿದೆ.
