ಮುಂಬೈ: ರೂಮಿನಲ್ಲಿ ಸ್ಪೀಕರ್ ಇಟ್ಟು ನೀಲಿ ಚಿತ್ರಗಳನ್ನು ನೋಡುತ್ತಿದ್ದ ವ್ಯಕ್ತಿಯನ್ನು ಮಹಾರಾಷ್ಟ್ರ ಪೊಲೀಸರು ಸೋಮವಾರ ಬಂಧಿಸಿದ್ದಾರೆ.
ಪಾಲ್ಗರ್ ಜಿಲ್ಲೆಯ ವಸಾಯಿ ಪಶ್ಚಿಮದ ವರ್ಷಾ ಅಪಾರ್ಟಮೆಂಟ್ ನಿವಾಸಿ ಮನೋಜ್ ಗುಪ್ತಾ (29) ಬಂಧಿತ ಆರೋಪಿ. ಈ ಕುರಿತು ಮಾಣಿಕ್‍ಪುರ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ಮನೋಜ್‍ನನ್ನು ಪೊಲೀಸರು ವಿಚಾರಣೆಗೆ ಒಳಪಡಿಸಿದ್ದಾರೆ.
Advertisement
ಏನಿದು ಪ್ರಕರಣ?:
ವಸಾಯಿ ಪಶ್ಚಿಮದ ವರ್ಷಾ ಅಪಾರ್ಟ್‍ಮೆಂಟ್‍ನಲ್ಲಿ ಪತ್ನಿ, ಮಕ್ಕಳ ಜೊತೆಗೆ ಮನೋಜ್ ಗುಪ್ತಾ ಅಜ್ಜನ ಮನೆಯಲ್ಲಿ ವಾಸವಾಗಿದ್ದ. ಆದರೆ ಮನೋಜ್ ತನ್ನ ನೆರೆಹೊರೆಯವರ ಜೊತೆಗೆ ಕಳೆದ ಕೆಲವು ತಿಂಗಳಿಂದ ಅಸಭ್ಯವಾಗಿ ವರ್ತಿಸಲು ಆರಂಭಿಸಿದ್ದಾನೆ. ಅದೇ ಅಪಾರ್ಟಮೆಂಟ್‍ನ 30 ವರ್ಷದ ಮಹಿಳೆ ಜೊತೆಗೂ ಅನುಚಿತವಾಗಿ ವರ್ತಿಸಿದ್ದಾನೆ.
Advertisement
Advertisement
ತನ್ನ ಮುಂದೆ ಹಾದು ಹೋಗುತ್ತಿದ್ದ ಮಹಿಳೆಯರನ್ನು ಅವಾಚ್ಯ ಪದಗಳಿಂದ ಗುಪ್ತಾ ನಿಂದಿಸುತ್ತಿದ್ದ. ಅಷ್ಟೇ ಅಲ್ಲದೆ ಅವರನ್ನು ಅಸಭ್ಯವಾಗಿ ಸನ್ನೆ ಮಾಡಿ, ನೋಡುತ್ತಿದ್ದ. ಕೆಲವು ಬಾರಿ ರಾತ್ರಿಯ ವೇಳೆ ಪಟಾಕಿ ಸಿಡಿ ಅಪಾರ್ಟಮೆಂಟ್ ನಿವಾಸಿಗಳಿಗೆ ಭಯ ಹುಟ್ಟಿಸುತ್ತಿದ್ದ. ತನ್ನ ಮನೆಯಲ್ಲಿ ಟಿವಿ ಇಲ್ಲವೇ ಮೊಬೈಲ್ ಮೂಲಕ ಸ್ಪೀಕರ್ ಗಳಿಗೆ ಸಂಪರ್ಕ ನೀಡಿ ಫುಲ್ ಸೌಂಡ್ ಕೊಟ್ಟು ನೀಲಿ ಚಿತ್ರಗಳನ್ನು ನೋಡುತ್ತಿದ್ದ.
Advertisement
ಮನೋಜ್ ಅಸಭ್ಯ ವರ್ತನೆಯ ದೃಶ್ಯವನ್ನು 30 ವರ್ಷದ ಮಹಿಳೆಯೊಬ್ಬರು ಸೆರೆಹಿಡಿದು, ಮಾಣಿಕ್‍ಪುರ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಳು. ಮನೋಜ್‍ನ ವಿಡಿಯೋ ನೋಡಿದ ಪೊಲೀಸರು ಬಂಧಿಸಿ ವಿಚಾರಣೆ ನಡೆಸಿದ್ದರು.
ಮನೋಜ್‍ನಿಂದ ಕಳೆದ 4 ತಿಂಗಳುಗಳಿಂದ ಇಂತಹ ಸಮಸ್ಯೆಯನ್ನು ನಾವು ಎದುರಿಸುತ್ತಿದ್ದೇವೆ. ಮಹಿಳೆಯರು ಕಂಡರೆ ಸಾಕು ಅವಾಚ್ಯ ಪದಗಳಿಂದ ನಿಂದಿಸುತ್ತಾನೆ. ಮನೆಯಿಂದ ಹೊರಗೆ ಹೋಗಲು ಹಿಂದೇಟು ಹಾಕುವ ಪರಿಸ್ಥಿತಿ ಎದುರಾಗಿದೆ ಎಂದು ವರ್ಷಾ ಅಪಾರ್ಟ್ ಮೆಂಟ್ ನಿವಾಸಿಗಳು ದೂರಿದ್ದಾರೆ.
ಆರೋಪಿ ಮನೋಜ್ ವಿರುದ್ಧ ಐಪಿಸಿ ಸೆಕ್ಷನ್ 504 (ಶಾಂತಿ ಭಂಗ), 506 (ಬೆದರಿಕೆ) ಮತ್ತು 509 (ಮಹಿಳೆಯನ್ನು ಅವಾಚ್ಯ ಪದಗಳಿಂದ ನಿಂದನೆ) ಅಡಿ ಪ್ರಕರಣ ದಾಖಲಾಗಿದೆ. ಆರೋಪಿಯನ್ನು ನ್ಯಾಯಾಲಯಕ್ಕೆ ಹಾಜರು ಪಡಿಸಲಾಗಿದ್ದು, ಕೋರ್ಟ್ ನ್ಯಾಯಾಂಗ ಬಂಧನ ವಿಧಿಸಿ ಆದೇಶ ಪ್ರಕಟಿಸಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv ಮತ್ತು Live ವೀಕ್ಷಿಸಲು ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
