ನವದೆಹಲಿ: ವಿಶ್ವದ ಪ್ರಶಿದ್ಧ ತಂಪುಪಾನೀಯ ಪೆಪ್ಸಿ ಕಂಪೆನಿಯ ಸಿಇಒ ಆಗಿ 12 ವರ್ಷಗಳ ಕಾಲ ಕಾರ್ಯನಿರ್ವಹಿಸಿದ್ದ ಇಂದಿರಾ ನೂಯಿ ತಮ್ಮ ಸ್ಥಾನದಿಂದ ಕೆಳಗಿಳಿಯಲಿದ್ದಾರೆ ಎಂದು ಸಂಸ್ಥೆ ತಿಳಿಸಿದೆ.
ಇಂದಿರಾ ಅವರ ಅಧಿಕಾರದ ಅವಧಿ ಅಕ್ಟೋಬರ್ 3 ರಂದು ಪೂರ್ಣಗೊಳ್ಳಲಿದ್ದು, ಈ ಸ್ಥಾನಕ್ಕೆ ರಾಮನ್ ಲಗುವರ್ಟಾ ಅವರನ್ನು ನೇಮಕ ಮಾಡಲಾಗಿದೆ ಎಂದು ಕಂಪೆನಿ ತನ್ನ ಟ್ವಿಟ್ಟರ್ ನಲ್ಲಿ ತಿಳಿಸಿದೆ.
https://twitter.com/IndraNooyi/status/1026431769300672514
ಅಂದಹಾಗೇ ತಮಿಳುನಾಡು ಮೂಲದ 62 ವರ್ಷದ ಇಂದಿರಾ ನೂಯಿ ಅವರು 1994 ರಲ್ಲಿ ಪೆಪ್ಸಿ ಕಂಪೆನಿಗೆ ಹಿರಿಯ ಉಪಾಧ್ಯಕ್ಷರಾಗಿ ಸೇರಿದ್ದರು. ಬಳಿಕ 2006 ರಲ್ಲಿ ಕಂಪೆನಿಯ ಸಿಒಇ ಹುದ್ದೆಗೆ ನೇಮಕಗೊಂಡಿದ್ದರು. ಸತತ 24 ವರ್ಷಗಳ ಕಾಲ ಕಂಪೆನಿಯಲ್ಲಿ ಕಾರ್ಯನಿರ್ವಹಿಸಿದ ಅನುಭವ ಹೊಂದಿದ್ದಾರೆ.
ಈ ಕುರಿತು ಪ್ರತಿಕ್ರಿಯೆ ನೀಡಿದ ಅವರು, ಕಂಪೆನಿಯಲ್ಲಿ ಇಷ್ಟು ವರ್ಷ ಕಾರ್ಯನಿರ್ವಹಿಸುವುದು ನನ್ನ ಜೀವಿತಾವಧಿಯ ಗೌರವ ಹಾಗೂ ಹೆಮ್ಮೆ ತಂದಿದೆ. ಸಂಸ್ಥೆಯ ಷೇರುದಾರರು ಮಾತ್ರವಲ್ಲದೇ ನಾವು ಕಾರ್ಯನಿರ್ವಹಿಸಿದ ಸಮುದಾಯಗಳಲ್ಲಿಯೂ ಉತ್ತಮವಾಗಿ ಸಾಧನೆ ಮಾಡಿದ್ದೇವೆ ಎಂದು ಹೇಳಿದ್ದಾರೆ.
ಕೇವಲ ಇಂದಿರಾ ಅವರು ಪೆಪ್ಸಿ ಕಂಪೆನಿಯಲ್ಲಿ ಮಾತ್ರ ಸಾಧನೆಯನ್ನು ಮಾಡದೆ ಇತರೇ ಸಮುದಾಯದ ಕಾರ್ಯಗಳಲ್ಲೂ ಗಮನಾರ್ಹ ಸಾಧನೆ ಮಾಡಿದ್ದಾರೆ. ಇದರ ಭಾಗವಾಗಿ ನೂಯಿ ಅವರು 2018 ರಲ್ಲಿ ಅಂತರಾಷ್ಟ್ರೀಯ ಕ್ರಿಕೆಟ್ ಕಮಿಟಿ (ಐಸಿಸಿ)ಗೆ ಮೊದಲ ಮಹಿಳಾ ಸ್ವತಂತ್ರ್ಯ ಅಭ್ಯರ್ಥಿಯಾಗಿ ಆಯ್ಕೆ ಆಗಿದ್ದರು. ಅಲ್ಲದೇ ಭಾರತದಲ್ಲಿ ಸ್ಯಾನಿಟರಿ ನ್ಯಾಪ್ಕಿನ್ ಪರಿಚಯಿಸಿದ ಹೆಗ್ಗಳಿಕೆಯನ್ನು ನೂಯಿ ಹೊಂದಿದ್ದಾರೆ.
ನೂಯಿ ಅವರ ಸೇವೆಯನ್ನು ಗುರುತಿಸಿದ ಸರ್ಕಾರ ಕೇಂದ್ರ ಸರ್ಕಾರ 2017 ರಲ್ಲಿ ಪದ್ಮಭೂಷಣ ಪ್ರಶಸ್ತಿ ನೀಡಿ ಗೌರವಿಸಿತ್ತು.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictvnews
After 12 years as CEO, Indra K. Nooyi will step down Oct 3, 2018. Her leadership and vision propelled our performance, transformed our company and embedded sustainability into everything we do. Thank you, @IndraNooyi! https://t.co/gq2LwrwI0Q pic.twitter.com/uhEIeRaWfv
— PepsiCo (@PepsiCo) August 6, 2018
Ramon Laguarta has been unanimously elected by the board of directors to succeed @IndraNooyi as CEO, on Oct 3, 2018. Ramon is a strong and proven PepsiCo executive who will help lead our company into the future. https://t.co/gq2LwrwI0Q pic.twitter.com/39lxlswiTg
— PepsiCo (@PepsiCo) August 6, 2018
