ಮಂಡ್ಯ: ಬರದಿಂದ ತತ್ತರಿಸಿರುವ ಮಂಡ್ಯ ಜಿಲ್ಲೆಯಲ್ಲಿ ಮಳೆಗಾಗಿ ಪ್ರಾರ್ಥಿಸಿ ವಿಚಿತ್ರ ಆಚರಣೆಗಳು ನಡೆಯುತ್ತಿದ್ದು, ಇದೀಗ ಅಪ್ರಾಪ್ತ ಮಕ್ಕಳಿಬ್ಬರಿಗೆ ಅಣುಕು ಮದುವೆ ಮಾಡಿರೋದು ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ.
ಕೆ.ಆರ್.ಪೇಟೆ ತಾಲೂಕಿನ ಗ್ರಾಮವೊಂದ್ರಲ್ಲಿ ಈ ರೀತಿಯ ಆಚರಣೆ ನಡೆದಿದ್ದು, ಗ್ರಾಮಸ್ಥರೇ ಸೇರಿಕೊಂಡು ಮಾಡಿರುವ ಆಚರಣೆಗೆ ಚಂದಮಾಮನ ಮದುವೆ ಅಂತಾ ಕರೆಯಲಾಗುತ್ತೆ. ಸತತವಾಗಿ ಮಳೆಯಾಗದೇ ಇರೋದ್ರಿಂದ ಬೇಸತ್ತಿದ್ದ ಜನರು ಈ ರೀತಿಯ ಪದ್ಧತಿ ಅನುಸರಿಸಿದ್ದಾರೆ.
ಕಳೆದೊಂದು ವಾರದಿಂದ ಈ ಅಣುಕು ಮದುವೆಗೆ ಸಿದ್ಧತೆ ಮಾಡಿಕೊಳ್ಳಲಾಗಿತ್ತು. ಮಂಗಳವಾರ ರಾತ್ರಿ ಮಾಮೂಲಿ ಮದುವೆಯಲ್ಲಿ ಮಾಡುವಂತೆ ಸಂಪ್ರದಾಯದಂತೆ ಈ ಅಣುಕು ಮದುವೆ ಮಾಡಲಾಗಿದೆ. ವಿವಿಧ ಶಾಸ್ತ್ರ, ಹಾರ ಬದಲಾವಣೆ, ಕನ್ಯಾದಾನ, ಆರತಿ ಪೂಜೆ, ರೊಟ್ಟಿಯಲ್ಲಿ ಚಿತ್ರ ಬರೆಯೋದು ಸೇರಿದಂತೆ ಅನೇಕ ಆಚರಣೆ ಮಾಡಲಾಗಿದೆ.
ಈ ಅಣುಕು ಮದುವೆ ನಂತರ ಕಾಕತಾಳೀಯವಾಗಿ ಗ್ರಾಮದಲ್ಲಿ ಮಳೆ ಬಂದಿರೋದ್ರಿಂದ ಜನರ ನಂಬಿಕೆಗೆ ಮತ್ತಷ್ಟು ಪುಷ್ಠಿ ಸಿಕ್ಕಂತಾಗಿದೆ.
