ಮದ್ದೂರಿನ ದರ್ಗಾದ ಗೋರಿಯಲ್ಲಿ ಉಸಿರಾಟದ ಕಂಪನ – ಕುತೂಹಲ ವೀಕ್ಷಣೆಗೆ ಮುಗಿಬಿದ್ದ ಜನ

Public TV
1 Min Read
MND DARGA 1

ಮಂಡ್ಯ: ಮುಸ್ಲಿಂ ದರ್ಗಾದ ಗೋರಿಯೊಂದರಲ್ಲಿ ವಿಚಿತ್ರ ವಿಸ್ಮಯಕಾರಿ ಅನುಭವವಾಗ್ತಿದೆ. ದರ್ಗಾದಲ್ಲಿ ಒಟ್ಟು ಮೂರು ಗೋರಿಗಳಿವೆ. ಅದರಲ್ಲಿ ಎರಡು ಗೋರಿಗಳಲ್ಲಿ ಉಸಿರಾಟದ ಅನುಭವವಾಗ್ತಿದೆ ಎಂದು ಹೇಳಲಾಗುತ್ತಿದೆ. ಗೋರಿಯ ಮೇಲೆ ಹೊದಿಸಿರುವ ಚಾದರ್ ಅಲೆಯ ರೀತಿ ಮೇಲೆ ಕೆಳಗೆ ಅಲುಗಾಡುತ್ತಿದೆ.

MND DARGA 1

ಮಂಡ್ಯ ಜಿಲ್ಲೆಯ ಮದ್ದೂರು ಪಟ್ಟಣದ ಹೊಳೆ ಬೀದಿಯಲ್ಲಿರುವ ಹಜರತ್ ಶಮನ್ ಷಾ ಇದೀಗ ವಿಸ್ಮಯಕ್ಕೆ ಕಾರಣವಾಗಿದೆ. ಗೋರಿಯ ಮೇಲೆ ಹೊದಿಸಿರುವ ಚಾದರದಲ್ಲಿ ಚಲನೆ ಕಂಡು ಬಂದಿದ್ದು ಸಮುದ್ರದಲ್ಲಿ ಬರುವ ಅಲೆಯ ರೀತಿ ಚಾದರ್ ಮೇಲೆ-ಕೆಳಗೆ ಚಲಿಸುತ್ತಿದೆ. ಕಳೆದ ಮೂರು ದಿನಗಳಿಂದ ಈ ರೀತಿಯ ಅನುಭವವಾಗಿದ್ರೂ ಇಂದು ಚಾದರ್ ಹೆಚ್ಚಿನ ಪ್ರಮಾಣದಲ್ಲಿ ಮೇಲೆ ಕೆಳಗೆ ಚಲಿಸಲಾರಂಭಿಸಿದೆ.

MND DARGA 2

ಈ ವಿಷಯ ಕ್ಷಣಮಾತ್ರದಲ್ಲಿ ಮದ್ದೂರು ಪಟ್ಟಣಾದ್ಯಂತ ಪಸರಿಸಿದ್ದು, ಜನರು ದರ್ಗಾದಲ್ಲಿ ನಡೆಯುತ್ತಿರುವ ಪವಾಡ ನೋಡಲು ಬರುತ್ತಿದ್ದಾರೆ. ಹಜರತ್ ಶಮನ್ ಷಾ ದರ್ಗಾಕ್ಕೆ ನೂರಾರು ವರ್ಷಗಳ ಇತಿಹಾಸವಿದ್ದು, ಇದೇ ಮೊದಲ ಬಾರಿಗೆ ಈ ರೀತಿಯ ವಿಸ್ಮಯ ನಡೆದಿದೆ ಎಂದು ಸ್ಥಳೀಯರು ಹೇಳುತ್ತಾರೆ.

MND DARGA 3

ದರ್ಗಾದಲ್ಲಿರುವ ಗೋರಿಯ ಮೇಲಿನ ಚಾದರ್ ಅಲುಗಾಡುತ್ತಿರುವುದು ಎಲ್ಲರ ಕುತೂಹಲ ಕೆರಳಿಸಿ ಜನಸಾಗರವೇ ಹರಿದು ಬರುವಂತೆ ಮಾಡಿದೆ. ಆದರೆ ಚಾದರ್ ಅಲುಗಾಟದ ಹಿಂದೆ ಏನಾದರೂ ವೈಜ್ಞಾನಿಕ ಕಾರಣ ಇದೆಯಾ ಎಂಬುದು ತಿಳಿಯಬೇಕಿದೆ.

 

Share This Article
Leave a Comment

Leave a Reply

Your email address will not be published. Required fields are marked *