ರೇಣುಕಾಸ್ವಾಮಿ ಕೊಲೆ ಆರೋಪಿ ಪವಿತ್ರಾ ಗೌಡ (Pavithra Gowda) ಇದೇ ಮಂಗಳವಾರ (ಜುಲೈ 22) ಸುಪ್ರೀಂ ಕೋರ್ಟ್‌ನಿಂದ ಹೊರಬೀಳಲಿರುವ ಬೇಲ್ ಕ್ಯಾನ್ಸಲ್ ಕುರಿತ ಆದೇಶದ ನಿರೀಕ್ಷೆಯಲ್ಲಿದ್ದಾರೆ. ಆದರೆ ಈ ನಡುವೆಯೇ ಪವಿತ್ರಾ ಇನ್ಸ್ಟಾಗ್ರಾಂನಲ್ಲಿ (Instagram) ಪ್ರೊಫೈಲ್ ಪಿಕ್ (Profile Photo) ಬದಲಾಯಿಸೋದ್ರಲ್ಲಿ ಬ್ಯುಸಿಯಾಗಿದ್ದಾರೆ. ಬಹುದಿನಗಳ ಬಳಿಕ ಪವಿತ್ರಾ ಇದೀಗ ಪ್ರೊಫೈಲ್ ಪಿಕ್ ಬದಲಾಯಿಸಿದ್ದಾರೆ. ಇದರ ಮರ್ಮ ಏನೆಂಬುದೇ ತಿಳಿಯದಾಗಿದೆ. ಕಾರಣ ಬೇಲ್ ರದ್ದಾಗುವ ಆತಂಕವೂ ಇಲ್ಲದೆ ಆದೇಶದ ಮೇಲೆ ಅಷ್ಟೊಂದು ಕಾನ್ಫಿಡೆಂಟ್ ಆಗಿದ್ದಾರಾ ಅನ್ನೋದೇ ಚರ್ಚೆಯ ವಿಷಯವಾಗುತ್ತಿದೆ.
ರೆಡ್‌ಕಾರ್ಪೆಟ್ ಒಡತಿ ಪವಿತ್ರಾ ಇಷ್ಟು ದಿನ ಬೇರೆಯದ್ದೇ ಪ್ರೊಫೈಲ್ ಪಿಕ್ ಹೊಂದಿದ್ದರು. ಇದೇ ಇನ್ಸ್ಟಾಗ್ರಾಂನಲ್ಲಿ ಫೋಟೋ, ವೀಡಿಯೋಗಳನ್ನ ಪೋಸ್ಟ್ ಮಾಡಿದ್ದಾಗ ಬಂದ ಕಾಮೆಂಟ್ಸ್, ಮೆಸೇಜ್‌ಗಳಿಂದಲೇ ಜೀವನದಲ್ಲಿ ಅವಾಂತರ ಸೃಷ್ಟಿಸಿಕೊಂಡ ಪವಿತ್ರಾ ಇದೀಗ ದೊಡ್ಡದೊಂದು ಸವಾಲು ಎದುರಾಗುವ ಮುನ್ನಾದಿನವೇ ಇನ್ಸ್ಟಾಗ್ರಾಂನಲ್ಲಿ ಫೋಟೋ ಬದಲಿಸಿರುವುದು ಆಶ್ಚರ್ಯಕ್ಕೀಡುಮಾಡುತ್ತಿದೆ.
ಪವಿತ್ರಾ ಸಿಂಪಲ್ ಲುಕ್‌ಗೆ ಲೈಕ್ಸ್, ಕಾಮೆಂಟ್ಸ್‌ಗಳು ಭರ್ಜರಿಯಾಗೇ ಬರ್ತಿದೆ. ಇನ್ನು, ನಾಳೆ ದರ್ಶನ್, ಪವಿತ್ರಾ ಗೌಡ ಹಾಗೂ 7 ಆರೋಪಿಗಳ ಜಾಮೀನು ಮುಂದುವರೆಯುತ್ತಾ ಇಲ್ವಾ ಅನ್ನೋದ್ರ ಕುರಿತಾದ ಭವಿಷ್ಯ ಗೊತ್ತಾಗುತ್ತೆ.
