ಚಿಟ್ಟೂರ್ (ಪಾಲಕ್ಕಾಡ್): ಅತಿವೇಗದ ಚಾಲನೆಯಿಂದ ನಿಯಂತ್ರಣ ತಪ್ಪಿದ ಕಾರು (Car) ಬೈಕ್‍ಗೆ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರನ ರುಂಡ ಬೇರ್ಪಟ್ಟು ಸಾವನ್ನಪ್ಪಿದ್ದಾನೆ. ಈ ಅಪಘಾತದ (Accident) ತೀವ್ರತೆ ಎಷ್ಟಿತ್ತೆಂದರೆ ಬೈಕ್ (Bike) ಸವಾರನ ರುಂಡ ಬೇರ್ಪಟ್ಟಿದ್ದಲ್ಲದೆ ದೇಹ ಪೀಸ್ ಪೀಸ್ ಆಗಿದೆ. ಘಟನೆ ನಡೆದು ಸುಮಾರು ಮೂರುವರೆ ಗಂಟೆಗಳ ಶೋಧದ ಬಳಿಕ ತಲೆ ಪತ್ತೆಯಾಗಿದೆ.
ನಲ್ಲೆಪ್ಪಿಳ್ಳಿ ಮಾಟ್ಟುಮಂದ ಮರುದಂಪಳ್ಳಿ ನಿವಾಸಿ ಮಣಿಕಂಠನ್ (43) ಮೃತ ವ್ಯಕ್ತಿ. ಶನಿವಾರ ಮುಂಜಾನೆ 3 ಗಂಟೆಯ ವೇಳೆ ಅಂಬಾಟ್ಟುಪಾಳಯಂ ಬಾಯ್ಸ್ ಹೈಯರ್ ಸೆಕೆಂಡರಿ ಶಾಲೆಯ ಸಮೀಪ ಈ ದುರ್ಘಟನೆ ನಡೆದಿದೆ. ಮೀನು ವ್ಯಾಪಾರಿಯಾಗಿದ್ದ ಮಣಿಕಂಠನ್ ಮೀನು ತೆಗೆದುಕೊಂಡು ಚಿಟ್ಟೂರಿಗೆ ಹೊರಟಿದ್ದರು. ಈ ವೇಳೆ ಚಿಟ್ಟೂರು ಭಾಗದಿಂದ ಅತಿ ವೇಗದಿಂದ ಆಗಮಿಸಿದ ಕಾರು ಮಣಿಕಂಠನ್ ಚಲಾಯಿಸುತ್ತಿದ್ದ ದ್ವಿಚಕ್ರವಾಹನಕ್ಕೆ ಡಿಕ್ಕಿ ಹೊಡೆದಿದೆ. ಈ ರಭಸಕ್ಕೆ ದ್ವಿಚಕ್ರ ವಾಹನ 35 ಮೀಟರ್ ದೂರಕ್ಕೆ ಬಿದ್ದಿದೆ. ಅಲ್ಲದೇ ದ್ವಿಚಕ್ರ ವಾಹನಕ್ಕೆ ಬೆಂಕಿ ತಗುಲಿ ಸುಟ್ಟು ಭಸ್ಮವಾಗಿದೆ. ಇದನ್ನೂ ಓದಿ: ಹೇಮಾವತಿ ಹಿನ್ನೀರಿನಲ್ಲಿ ಮುಳುಗಿ ಯುವತಿ ಸಾವು- ಮೃತದೇಹಕ್ಕಾಗಿ ಶೋಧ
Advertisement
Advertisement
ವಿಳಯೋಡಿ ಮೆಡಿಕಲ್ ಕಾಲೇಜು ವಿದ್ಯಾರ್ಥಿಗಳು (Students) ಕಾರಿನಲ್ಲಿ ಸಂಚರಿಸುತ್ತಿದ್ದರು ಎಂದು ತಿಳಿದು ಬಂದಿದೆ. ಸ್ಥಳೀಯ ಪೊಲೀಸ್ (Police) ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು, ತನಿಖೆ ಮುಂದುವರಿಯುತ್ತಿದೆ. ಇದನ್ನೂ ಓದಿ: ಚಾರಣಕ್ಕೆ ತೆರಳಿದ್ದ ಯುವಕ ಬೆಟ್ಟದಲ್ಲೇ ಕುಸಿದು ಬಿದ್ದು ದುರ್ಮರಣ
Advertisement
Advertisement
