-ಜಾಗತಿಕ ಮಟ್ಟದಲ್ಲಿ ಪಾಕ್ ಮಾನ ಹರಾಜು
ನವದೆಹಲಿ: ಫೆಬ್ರವರಿ 27ರಂದು ನಮ್ಮ ಮಿಗ್ 21 ಬೈಸನ್ ಪಾಕಿಸ್ತಾನದ ಎಫ್-16 ಜೆಟ್ ಹೊಡೆದುರುಳಿಸಿತ್ತು. ಆದರೆ ಪಾಕಿಸ್ತಾನ ಮಾತ್ರ ಇದನ್ನು ಒಪ್ಪಿಕೊಳ್ಳದೆ ನಮ್ಮ ವಿಮಾನವಲ್ಲ ಎಂದು ವಾದ ಮಾಡುತ್ತಿತ್ತು. ಆದರೆ ಈಗ ಈ ಘಟನೆಯ ಮಾಹಿತಿಯನ್ನು ಸಾರ್ವಜನಿಕವಾಗಿ ನಮ್ಮ ಸೇನೆ ಹಂಚಿಕೊಂಡಿದೆ. ಈ ಮೂಲಕ ಜಾಗತಿಕ ಮಟ್ಟದಲ್ಲಿ ಪಾಕ್ ಮಾನ ಹರಾಜಾಗುವುದು ಖಚಿತವಾಗಿದೆ.
ಹೌದು. ಪಾಕಿಸ್ತಾನ ನೌಟಂಕಿ, ಕಪಟಿಯ ಕುಟಿಲೋಪಾಯವನ್ನು ಏರ್ ಫೋರ್ಸ್ ಇಂಚಿಂಚು ಬಿಚ್ಚಿಟ್ಟಿದೆ. ಎಫ್-16 ಫೈಟರ್ ಜೆಟ್‍ನ ಫೋಟೋ ಸಮೇತ ಪಾಕಿಸ್ತಾನದ ಮಾನವನ್ನು ಇಂಡಿಯನ್ ಏರ್ ಫೋರ್ಸ್ ಹರಾಜಾಕಿದೆ. ಇದನ್ನೂ ಓದಿ: ಈಗ ಅಧಿಕೃತ, ಭಾರತದ ಹೊಡೆತಕ್ಕೆ ಬಿತ್ತು ಎಫ್ 16 ವಿಮಾನ
Advertisement
Advertisement
ಅಂದು ಏನಾಯ್ತು?
ಫೆಬ್ರವರಿ 27ರ ಮುಂಜಾನೆ ಭಾರತದ ಗಡಿಯತ್ತ ಪಾಕ್ ಜೆಟ್ ನುಗ್ಗುತ್ತಿತ್ತು. ಆಗ ಪಾಕ್ ಜೆಟ್ ಎಫ್-16 ಅನ್ನು ರೇಡಾರ್ ಪತ್ತೆ ಹಚ್ಚಿದೆ. ಆ ಪಾಕ್ ಜೆಟ್ ರಜೌರಿಯ ಸುಂದರಬನಿ ಪ್ರದೇಶದಲ್ಲಿ ಗಡಿ ಉಲ್ಲಂಘಿಸಿದೆ. ಎಫ್-16 ಹಿಮ್ಮೆಟ್ಟಲು ಮಿಗ್-21 ಬೈಸನ್, ಸುಖೋಯ್-30 ಎಂಕೆಐ ಹಾಗೂ ಮಿರಾಜ್-2000 ಫೈಟರ್ ಜೆಟ್‍ಗಳನ್ನು ನೇಮಕ ಮಾಡಲಾಗಿತ್ತು.
Advertisement
ಪಾಕ್ ಜೆಟ್ ಭಾರತದ ಸೇನಾ ಶಿಬಿರಗಳನ್ನು ಟಾರ್ಗೆಟ್ ಮಾಡಿತ್ತು. ಈ ವೇಳೆ ನಮ್ಮ ಏರ್ ಫೋರ್ಸ್ ತಂಡ ಪಾಕ್ ಜೆಟ್ ಎಫ್-16 ಅನ್ನು ಬೆನ್ನಟ್ಟಿದೆ. ಈ ವೇಳೆ ಭೀತಿಯಿಂದ ಪಾಕ್ ಜೆಟ್ ಗಡಿಯಲ್ಲಿ ಬಾಂಬ್ ಡ್ರಾಪ್ ಮಾಡಿ ಹೋಗಲು ಯತ್ನಿಸಿದೆ. ಆದ್ರೆ ವೈಮಾನಿಕ ದಾಳಿಯಲ್ಲಿ ಪಾಕಿಸ್ತಾನದ ಜೆಟ್ ಎಫ್-16 ಅನ್ನು ಮಿಗ್-21 ಬೈಸನ್ ಹೊಡೆದುರುಳಿಸಿದೆ.
Advertisement
ಪಿಒಕೆ(ಪಾಕ್ ಆಕ್ರಮಿತ ಕಾಶ್ಮೀರ) ದಲ್ಲಿ ಪಾಕಿಸ್ತಾನದ ಜೆಟ್ ಎಫ್-16 ಅವಶೇಷಗಳು ಬಿದ್ದಿದೆ. ಈ ವೈಮಾನಿಕ ಕಾದಾಟದಲ್ಲಿ ಮಿಗ್-21 ವಿಮಾನವನ್ನು ಕಳೆದುಕೊಳ್ಳಬೇಕಾಯಿತು. ಮಿಗ್-21 ಬೈಸನ್ ಜೆಟ್‍ನಲ್ಲಿದ್ದ ಅಭಿನಂದನ್ ಇಜೆಕ್ಟ್ ಆದರು. ಆದರೆ ಪ್ಯಾರಾಚೂಟ್‍ನಲ್ಲಿ ಹೋದ ಪೈಲಟ್ ಅಭಿನಂದನ್ ಪಾಕ್ ಗಡಿಯಲ್ಲಿ ಇಳಿದರು. ಅವರನ್ನು ಸುಳ್ಳು ಹೇಳಿ ಪಾಕಿಸ್ತಾನ ಸೇನೆ ಸೆರೆಹಿಡಿದುಕೊಂಡಿತು ಇದು ನಡೆದ ಘಟನೆಯಾಗಿದೆ. ಇದನ್ನು ನಮ್ಮ ವಾಯುಸೇನೆ ಸಾಕ್ಷಿ ಸಮೇತ ಸಾಬೀತು ಮಾಡಿದೆ.
ವೈಮಾನಿಕ ದಾಳಿ ಬಳಿಕ ಪಾಕ್ ಗೊಂದಲಕಾರಿ ಹೇಳಿಕೆ ಕೊಟ್ಟಿತ್ತು. ನಮ್ಮ ಬಳಿ ಭಾರತದ ಒಬ್ಬರೇ ಪೈಲಟ್ ಇರುವುದಾಗಿ ಹೇಳಿತ್ತು. ಅಲ್ಲದೆ ಉದ್ದೇಶ ಪೂರ್ವಕವಾಗಿಯೇ ಖಾಲಿ ಪ್ರದೇಶದಲ್ಲಿ ಬಾಂಬ್ ಹಾಕಿದ್ದಾಗಿ ಒಪ್ಪಿಕೊಂಡಿತ್ತು. ಜೊತೆಗೆ ಎಫ್-16 ಯುದ್ದ ವಿಮಾನವನ್ನು ಬಳಸಿರಲಿಲ್ಲ ಅಂತ ಹೇಳಿತ್ತು. ಆದರೆ ಎಫ್-16ನಲ್ಲಿ ಬಳಸಲಾದ ಆಮರಾಮ್‍ನ ಅವಶೇಷಗಳು ಪೂರ್ವ ರಜೌರಿಯಲ್ಲಿ ಪತ್ತೆಯಾಗಿವೆ.
ಪಾಕ್‍ನ ಎಫ್-16 ಅನ್ನು ನಮ್ಮ ಮಿಗ್ 21 ಬೈಸನ್ ಹೊಡೆದುರುಳಿಸಿತ್ತು. ಈಗ ನಮ್ಮ ವಿಂಗ್ ಕಮಾಂಡರ್ ಅಭಿನಂದನ್ ಅವರನ್ನು ಶುಕ್ರವಾರ ಸುರಕ್ಷಿತವಾಗಿ ಹಿಂಪಡೆದಿದ್ದೇವೆ.
https://www.youtube.com/watch?v=ArvRnqPs81s
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
