Bengaluru CityDistrictsKarnatakaLatestMain Post

ಓಮಿಕ್ರಾನ್ ತಡೆಗೆ ರಾಜ್ಯದಲ್ಲಿ ಕಟ್ಟೆಚ್ಚರ – ಇಂದು ಸುಧಾಕರ್ ನೇತೃತ್ವದಲ್ಲಿ ಸಭೆ

- ಮತ್ತಷ್ಟು ಹೊಸ ನಿಯಮ ಜಾರಿ ಸಾಧ್ಯತೆ

ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಹೊಸ ತಳಿ ಓಮಿಕ್ರಾನ್ ಭೀತಿ ಶುರುವಾಗಿರುವ ಹಿನ್ನೆಲೆ ಆರೋಗ್ಯ ಹಾಗೂ ವೈದ್ಯಕೀಯ ಶಿಕ್ಷಣ ಸಚಿವ  ಡಾ.ಕೆ.ಸುಧಾಕರ್ ಇಂದು ಆರೋಗ್ಯ ಇಲಾಖೆ ಅಧಿಕಾರಿಗಳ ಜೊತೆ ತುರ್ತು ಸಭೆ ನಡೆಸಲಿದ್ದಾರೆ.

ಈಗಾಗಲೇ ಸೋಂಕು ತಡೆಗಟ್ಟಲು ರಾಜ್ಯಾದ್ಯಂತ ಹೈ ಅಲರ್ಟ್ ಘೋಷಿಸಲಾಗಿದ್ದು, ಸಭೆ ಬಳಿಕ ಸುಧಾಕರ್ ಅವರು ಮತ್ತಷ್ಟು ಟಫ್ ರೂಲ್ಸ್ ಜಾರಿ ಮಾಡುವ ಸಾಧ್ಯತೆ ಇದೆ. ಈಗಾಗಲೇ ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಅವರು ಕೂಡ ರಾಜ್ಯದಲ್ಲಿ ಕಠಿಣ ಕ್ರಮ ಕೈಗೊಳ್ಳಲು ಸೂಚನೆ ನೀಡಿದ್ದಾರೆ. ಹೀಗಾಗಿ ರಾಜ್ಯದಲ್ಲಿ ಯಾವ ರೀತಿಯ ಟಫ್ ರೂಲ್ಸ್ ಜಾರಿಯಾಗಬಹುದು ಎಂಬುವುದಕ್ಕೆ ಈ ಕೆಳಗೆ ನೀಡಿರುವ ಪಟ್ಟಿಯನ್ನು ಕಾಣಬಹುದಾಗಿದೆ. ಇದನ್ನೂ ಓದಿ:  ಕರ್ನಾಟಕ ರತ್ನ ಅಪ್ಪು ಅಗಲಿ ನಾಳೆಗೆ 1 ತಿಂಗಳು- ಸಮಾಧಿಗೆ ಕುಟುಂಬಸ್ಥರಿಂದ ಪೂಜೆ

* ಕೇರಳ, ಮಹಾರಾಷ್ಟ್ರ ಗಡಿಜಿಲ್ಲೆಗಳಲ್ಲಿ ಕಟ್ಟೆಚ್ಚರ
* ಗಡಿಜಿಲ್ಲೆಗಳಲ್ಲಿ ನಿಗಾ ವಹಿಸಲು ವಿಶೇಷ ತಂಡ ರಚನೆ ಸಾಧ್ಯತೆ
* ಕೇರಳ, ಮಹಾರಾಷ್ಟ್ರದಿಂದ ಬರುವವರ ಮೇಲಿನ ನಿಗಾಕ್ಕೆ ವಿಶೇಷ ತಂಡ (ಆರ್‍ಟಿಪಿಸಿಆರ್ ರಿಪೋರ್ಟ್ ಪರಿಶೀಲನೆಗೆ)
* 2ನೇ ಡೋಸ್ ಪಡೆಯಲು ವಿಶೇಷ ಕಾರ್ಯ ರೂಪಿಸುವುದು
* ಗಡಿಭಾಗದ ಶಾಲಾ-ಕಾಲೇಜುಗಳಲ್ಲಿ ತೆಗೆದುಕೊಳ್ಳಬೇಕಾದ ಕ್ರಮದ ಬಗ್ಗೆ ಚರ್ಚೆ
* ಹಾಸ್ಟೆಲ್‍ಗಳಲ್ಲಿ ತೆಗೆದುಕೊಳ್ಳಬೇಕಾದ ಕ್ರಮಗಳ ಬಗ್ಗೆ ಚರ್ಚೆ
* ಮನೋರಂಜನಾ ಚಟುವಟಿಕೆಗಳಿಗೆ ಬಿಗಿಕ್ರಮ ಸಾಧ್ಯತೆ
* ಸಭೆ ಸಮಾರಂಭಗಳಿಗೆ ಮತ್ತಷ್ಟು ಬಿಗಿಕ್ರಮ ಸಾಧ್ಯತೆ
* ಜನಸಂದಣಿ ಪ್ರದೇಶಗಳಲ್ಲಿ ಟಫ್‍ರೂಲ್ಸ್
* ಜಿಮ್, ಥಿಯೇಟರ್, ಹೋಟೆಲ್‍ಗೆ ಕಠಿಣ ನಿಯಮ?
* ಮಾರುಕಟ್ಟೆ, ಕ್ರೀಡಾ ಚಟುವಟಿಕೆಗಳಿಗೆ ಬಿಗಿನಿಯಮ ಜಾರಿ
* ಎಲ್ಲಾ ಕಡೆ ಟೆಸ್ಟಿಂಗ್ ಹೆಚ್ಚಿಸುವುದು
* ಕೊರೋನಾ ಹೆಚ್ಚಿರುವ ಕಡೆ ಹೆಚ್ಚು ಟೆಸ್ಟ್‍ಗೆ ಸೂಚನೆ?
* ಸರ್ಕಾರಿ ಕಚೇರಿ, ಖಾಸಗಿ ಕಂಪನಿಗಳಲ್ಲಿ ಮತ್ತಷ್ಟು ಕಠಿಣ ನಿಯಮ ಸಾಧ್ಯತೆ
* ಕ್ರಿಸ್‍ಮಸ್, ಹೊಸವರ್ಷಕ್ಕೆ ಕಠಿಣ ನಿಯಮ ಜಾರಿ ಸಾಧ್ಯತೆ

ರಾಜ್ಯದಲ್ಲಿ ಮೂರನೇ ಅಲೆ ಬರುವ ಸಾಧ್ಯತೆ ಇದ್ದು, 3ನೇ ಅಲೆ ತಡೆಗೆ ಇನ್ನಷ್ಟು ಕಠಿಣ ರೂಲ್ಸ್ ಜಾರಿಗೊಳಿಸಲು ಸರ್ಕಾರಕ್ಕೆ ತಜ್ಞರು ಕೂಡ ಸೀಕ್ರೆಟ್ ರಿಪೋರ್ಟ್ ಸಲ್ಲಿಸಿದ್ದಾರೆ.
* ವಿದೇಶದಿಂದ ಬರೋ ಪ್ರಯಾಣಿಕರ ಮೇಲೆ ವಿಶೇಷ ನಿಗಾ
* ಕ್ವಾರಂಟೈನ್, ಟೆಸ್ಟ್ ರಿಸಲ್ಟ್ ಬಗ್ಗೆ ಕಟ್ಟುನಿಟ್ಟಿನ ಕ್ರಮ ವಹಿಸುವುದು
* ಕೋವಿಡ್ ಟೆಸ್ಟ್‍ಗಳ ಸಂಖ್ಯೆ ಹೆಚ್ಚಿಸುವುದು
* ವಿಶೇಷ ಗುಂಪುಗಳನ್ನ ಮಾಡಿ ದಿನಕ್ಕೆ 60 ಸಾವಿರದಿಂದ 80 ಸಾವಿರ ಟೆಸ್ಟ್
* ಕ್ಲಸ್ಟರ್‍ಗಳ ಬಗ್ಗೆ ಹೆಚ್ಚಿನ ನಿಗಾ ವಹಿಸುವುದು
* ದಕ್ಷಿಣ ಆಫ್ರಿಕಾ, ಬೋಟ್ಸಾವಾನಾ, ಹಾಂಕಾಂಗ್‍ನಿಂದ ಬರುವವರು ಕಟ್ಟುನಿಟ್ಟಾಗಿ ರೂಲ್ಸ್ ಪಾಲಿಸಬೇಕು
* ಕೊರೋನಾ ಲಸಿಕೆ ಕಡ್ಡಾಯಗೊಳಿಸೋದು
* ಸಾರ್ವಜನಿಕ ಸಭೆಗಳಿಗೆ ಜನರ ಮಿತಿ ಬಗ್ಗೆ ನಿರ್ಧರಿಸುವ ಸಾಧ್ಯತೆ

Leave a Reply

Your email address will not be published. Required fields are marked *

Back to top button