ತಿರುವನಂತಪುರಂ: ಪ್ರೀತಿ ಮಾಡುವುದಕ್ಕೆ ವಯಸ್ಸು ಬೇಕಿಲ್ಲ ಎಂದು ಹೇಳುತ್ತಾರೆ. ಹಾಗೆಯೇ ಕೇರಳದ ವೃದ್ಧರು ಇದನ್ನು ಸಾಬೀತು ಮಾಡಿದ್ದಾರೆ. ವೃದ್ಧಾಶ್ರಮದಲ್ಲಿ ಭೇಟಿಯಾದ ವೃದ್ಧರು ಈಗ ಮದುವೆಯಾಗಲು ತಯಾರಿ ನಡೆಸುತ್ತಿದ್ದಾರೆ.
65 ವರ್ಷದ ಲಕ್ಷ್ಮಿ ಅಮ್ಮಾಲ್ ಹಾಗೂ 66 ವರ್ಷದ ಕೋಚಿಯಾನ್ ಸುಮಾರು 20 ವರ್ಷಗಳಿಂದ ಪರಿಚಯವಿದೆ. ಅಲ್ಲದೆ ಇಬ್ಬರು ಶೀಘ್ರದಲ್ಲೇ ಮದುವೆ ಕೂಡ ಆಗಲಿದ್ದಾರೆ. ವೃದ್ಧಾಶ್ರಮದ ಸಿಬ್ಬಂದಿಯೇ ಮದುವೆ ಮಾಡಿಸಲಿದ್ದಾರೆ.
21 ವರ್ಷಗಳ ಹಿಂದೆ ಲಕ್ಷ್ಮಿ ಪತಿ ನಿಧನರಾಗಿದ್ದರು. ಕೋಚಿಯಾನ್, ಲಕ್ಷ್ಮಿ ಪತಿಯ ಜೊತೆ ಕೆಲಸ ಮಾಡುತ್ತಿದ್ದರು. ಅಲ್ಲದೆ ಯಾವಾಗಲೂ ಲಕ್ಷ್ಮಿ ಜೊತೆ ಇರುವುದಾಗಿ ಕೋಚಿಯಾನ್, ಅವರ ಪತಿಗೆ ಮೊದಲು ಮಾತು ನೀಡಿದ್ದರು. ಹಾಗೆಯೇ ಅವರು ಈಗ ಲಕ್ಷ್ಮಿ ಅವರ ಜೊತೆಯೇ ಇದ್ದಾರೆ.
ಲವ್ ಆಗಿದ್ದು ಹೇಗೆ?
ಇಬ್ಬರು ಮೊದಲು ವೃದ್ಧಾಶ್ರಮದಲ್ಲಿ ಭೇಟಿಯಾಗಿದ್ದರು. ಇವರಿಬ್ಬರ ಸ್ನೇಹ, ಪ್ರೀತಿಗೆ ತಿರುಗಿತು. ವಿಜಿ ಜಯಾಕುಮಾರ್ ಜೋಕಿ ಈ ವೃದ್ಧಾಶ್ರಮದ ಅಧೀಕ್ಷಕರಾಗಿದ್ದು, ಲಕ್ಷ್ಮಿ ಹಾಗೂ ಕೋಚಿಯಾನ್ಗೆ ಮದುವೆ ಮಾಡಿಸಲು ನಿರ್ಧರಿಸಿದ್ದಾರೆ. ಡಿಸೆಂಬರ್ 31ರಂದು ಇಬ್ಬರ ಮದುವೆ ನಡೆಯಲಿದೆ.