ಪ್ರೇಯಸಿ ಕುರಿತ ಸುಳ್ಳು ಸುದ್ದಿಗೆ ಪ್ರೇಮಿ ಬಲಿ

Public TV
1 Min Read
lovers

ನವದೆಹಲಿ: ಪ್ರೇಯಸಿ ಆತ್ಮಹತ್ಯೆ ಮಾಡಿಕೊಂಡಿರುವ ವಿಚಾರ ನಿಜವೆಂದು ನಂಬಿ ಯುವಕನೊಬ್ಬ ಆತ್ಮಹತ್ಯೆಗೆ ಶರಣಾದ ಘಟನೆ ದೆಹಲಿಯಲ್ಲಿ ನಡೆದಿದೆ.

ಮೃತ ಪ್ರೇಮಿಯನ್ನು ಓಲಾ ಕ್ಯಾಬ್ ಚಾಲಕ ದೀಪಕ್ ಎಂದು ಗುರುತಿಸಲಾಗಿದೆ. ದೀಪಕ್ ತನ್ನ ತಂದೆ-ತಾಯಿ ಹಾಗೂ ಮೂವರು ಸಹೋದರಿಯರ ಜೊತೆ ದೆಹಲಿಯಲ್ಲಿ ವಾಸವಾಗಿದ್ದನು. ಅಲ್ಲದೆ ಮಥುರಾದ ಯುವತಿಯೊಬ್ಬಳನ್ನು ದೀಪಕ್ ಮೂರು ವರ್ಷಗಳಿಂದ ಪ್ರೀತಿಸುತ್ತಿದ್ದನು. ಆದರೆ ಇಬ್ಬರ ಪ್ರೀತಿ ವಿಷಯ ತಿಳಿದ ಹುಡುಗಿ ಮನೆಯವರು ದೀಪಕ್‍ಗೆ ಎಚ್ಚರಿಕೆ ನೀಡಿದ್ದರು. ಅಲ್ಲದೆ ಯುವತಿಗೆ ದೀಪಕ್ ಜೊತೆ ಮಾತನಾಡದಂತೆ ಸೂಚನೆ ನೀಡಿದ್ದರು. ಹೀಗಾಗಿ ಮನೆಯವರ ಕಿರಿಕಿರಿಗೆ ಬೇಸತ್ತ ಯುವತಿ ದೀಪಕ್‍ಗೆ ಕರೆ, ಮೆಸೇಜ್ ಮಾಡುವುದನ್ನು ಬಿಟ್ಟಿದ್ದಳು.

PHONE

ಹೀಗೆ ಇಬ್ಬರು ತಮ್ಮ ಪಾಡಿಗಿದ್ದರು. ಆದರೆ ಸೋಮವಾರದಂದು ಯುವಕನ ಫೋನ್ ಗೆ ಕರೆಯೊಂದು ಬಂದಿದೆ. ಯಾರೋ ತಮಾಷೆಗಾಗಿ ನಿನ್ನ ಪ್ರೇಯಸಿ ಮನೆಯಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಹೇಳಿದ್ದಾರೆ. ಆದರೆ ಇದನ್ನೇ ನಿಜವೆಂದು ನಂಬಿದ ಯುವಕ ಮನನೊಂದು ಮನೆಯಲ್ಲಿ ನೇಣಿಗೆ ಶರಣಾಗಿದ್ದಾನೆ.

love complaint 1

ಈ ಸಂಬಂಧ ಯುವಕನ ಮನೆಯವರು ಯುವತಿ ಮನೆಯವರ ವಿರುದ್ಧ ದೂರು ನೀಡಿದ್ದಾರೆ. ಈಗ ಪೊಲೀಸರು ಯುವಕನ ಫೋನ್ ವಶಕ್ಕೆ ಪಡೆದು ತನಿಖೆ ಶುರು ಮಾಡಿದ್ದಾರೆ.

Share This Article
Leave a Comment

Leave a Reply

Your email address will not be published. Required fields are marked *