ಭುವನೇಶ್ವರ: ತಾಯಿಯ ಪಕ್ಕ ಮಲಗಿದ್ದ 16 ದಿನಗಳ ಮಗುವನ್ನು ಕೋತಿಯೊಂದು ತೆಗೆದುಕೊಂಡು ಹೋಗಿರುವ ಘಟನೆ ಒರಿಸ್ಸಾದ ಕಟ್ಟಕ್ ಜಿಲ್ಲೆಯಲ್ಲಿ ಶನಿವಾರ ನಡೆದಿದೆ.
ಕಟ್ಟರ್ ಜಿಲ್ಲೆಯ ತಲಾಬಸ್ತ ಗ್ರಾಮದ ಮಹಿಳೆಯೊಬ್ಬರು ಶನಿವಾರ ತಮ್ಮ 16 ದಿನಗಳ ಮಗುವನ್ನು ಮನೆಯಲ್ಲಿ ಮಲಗಿಸಿಕೊಂಡಿದ್ದ ವೇಳೆ ಈ ಘಟನೆ ನಡೆದಿದೆ. ಘಟನೆಯ ಕುರಿತು ಗ್ರಾಮಸ್ಥರು ತಕ್ಷಣ ಅರಣ್ಯ ಇಲಾಖೆ ಹಾಗೂ ಪೊಲೀಸರಿಗೆ ಮಾಹಿತಿ ನೀಡಿದ್ದರು. ಮಗುವಿನ ರಕ್ಷಣಾ ಕಾರ್ಯಾಚರಣೆ ವೇಳೆ ಮಗುವಿನ ಮೃತ ದೇಹ ಬಾವಿಯೊಂದರಲ್ಲಿ ಪತ್ತೆಯಾಗಿದೆ.
- Advertisement 2
- Advertisement 3
ತಾಯಿ ತನ್ನ ಮಗುವಿನ ಪಕ್ಕ ಮಲಗಿದ್ದ ವೇಳೆ ಮನೆ ಒಳ ಪ್ರವೇಶಿಸಿದ್ದ ಕೋತಿಯೊಂದು ಕ್ಷಣ ಮಾತ್ರದಲ್ಲಿ ಮಗುವನ್ನು ತೆಗೆದುಕೊಂಡು ಹೋಗಿತ್ತು. ಇದನ್ನು ಕಂಡ ತಾಯಿ ಸ್ಥಳೀಯರ ಸಹಾಯ ಪಡೆಯಲು ಕಿರುಚಿಕೊಂಡಿದ್ದರು, ಬಳಿಕ ಮಗುವಿನ ಪತ್ತೆಗಾಗಿ ಪೊಲೀಸರು ಸತತ ಕಾರ್ಯಾಚರಣೆ ನಡೆಸಿದ್ದರು.
- Advertisement 4
ಕಳೆದ ಕೆಲ ದಿನಗಳ ಹಿಂದೆ ಇದೇ ಗ್ರಾಮದಲ್ಲಿ ಕೋತಿಗಳಿಂದ ದಾಳಿಗೆ ಒಳಗಾಗಿ ಕೆಲ ಗ್ರಾಮಸ್ಥರು ಗಾಯಗೊಂಡಿದ್ದರು. ಈ ಕುರಿತು ಅರಣ್ಯ ಇಲಾಖೆಗೆ ದೂರು ನೀಡಿದ್ದರು ಯಾವುದೇ ಕ್ರಮಕೈಗೊಂಡಿರಲಿಲ್ಲ. ಸದ್ಯ ಅರಣ್ಯ ಇಲಾಖೆ ವಿರುದ್ಧ ಸ್ಥಳೀಯರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
https://www.youtube.com/watch?v=pOPFHmQXcic