ಗದಗ: ಈ ಬಾರಿ ಬಹಳ ಅದ್ಧೂರಿಯಾಗಿ ಹೊಸವರ್ಷವನ್ನು ಆಚರಿಸಲಾಯಿತು. ಆದರೆ 2017 ಕಳೆದು 2018 ನೇ ವರ್ಷಕ್ಕೆ ಪಾದಾರ್ಪಣೆ ಮಾಡುವ ಸಂದರ್ಭದಲ್ಲಿ ಪಟಾಕಿ ಸಿಡಿಸಿ ಜನರಲ್ಲಿ ಭಯ ಮೂಡಿತ್ತು.
ನಗರದ ಶಿವರತ್ನ ಪ್ಯಾಲೇಸ್ ಹೋಟೆಲ್ ಒಂದರಲ್ಲಿ ನ್ಯೂ ಇಯರ್ ಆಚರಣೆ ಹಮ್ಮಿಕೊಳ್ಳಲಾಗಿತ್ತು. ವೈಭವದ ಹೊಸ ವರ್ಷ ಗಂಟೆ 12 ಆಗುತ್ತಿದ್ದಂತೆ ಪಟಾಕಿ ಸಿಡಿಸುವ ವೇಳೆ ಆ ಕಲರ್ 120 ರ ಸರದಿ ಪಟಾಕಿಗಳು ಮೇಲೆ ಸಿಡಿಯುವ ಬದಲು ಜನರ ಮಧ್ಯೆ ಸಿಡಿಯಲಾರಂಭಿಸಿದವು. ಇದರಿಂದ ಜನ ಕಂಗಾಲಾಗಿ ಅಲ್ಲಿಂದ ಚೆಲ್ಲಾಪಿಲ್ಲಿಯಾಗಿದ್ದಾರೆ.
ನೂರಾರು ಜನ ಎದ್ನೋ ಬಿದ್ನೋ ಅಂತ ಒಡಲಾರಂಭಿಸಿದ್ದು, ಹೊಸ ವರ್ಷದ ಆರಂಭದಲ್ಲೇ ಕೆಲವರು ಆತಂಕ, ಭಯಕ್ಕೆ ಒಳಗಾಗಿರುವುದು ಮರೆಯದ ನೆನಪಾಗಿದೆ. ಕೆಲವರಿಗೆ ವರ್ಷದ ಆರಂಭದ ಕ್ಷಣದಲ್ಲೇ ಹೀಗಾದರೆ ವರ್ಷದ ಪೂರ್ತಿ ಹೆಗಪ್ಪ ಎಂಬ ಚಿಂತೆ ಮನೆಮಾಡಿದೆ. ಮ್ಯೂಜಿಕ್ ಗೆ ತಕ್ಕಂತೆ ಸ್ಟೆಪ್ ಹಾಕುವವರ ಹೆಜ್ಜೆ ತಪ್ಪುವಂತೆ ಪಟಾಕಿ ಮಾಡಿರುವುದು ವಿಪರ್ಯಾಸ ಸಂಗತಿಯಾಗಿದೆ.
