ಕೆಜಿಎಫ್ ನಲ್ಲಿ ಅಬ್ಬರಿಸಿ ಬೊಬ್ಬಿರಿಯುತ್ತಿದ್ದಾರೆ ಯಶ್ ವಿಲನ್‍ಗಳು!

ಬೆಂಗಳೂರು: ರಾಕಿಂಗ್ ಸ್ಟಾರ್ ಯಶ್ ಅಭಿನಯಿಸುತ್ತಿರುವ ಕೆಜಿಎಫ್ ಚಿತ್ರದ ಸೆಟ್‍ನಿಂದ ಹೊಸ ಸುದ್ದಿಯೊಂದು ಹೊರಬಿದ್ದಿದೆ. ಚಿತ್ರದಲ್ಲಿ ಯಶ್ ವಿಲನ್‍ಗಳ ದೊಡ್ಡ ಗುಂಪಿನ ಜೊತೆ ಸೆಣಸಾಡಿದೆ.

ಸಿನಿಮಾಗಳಲ್ಲಿ ನಾಯಕ ನಟರ ಜೊತೆ ಮೂರ್ನಾಲ್ಕು ಜನ ವಿಲನ್‍ಗಳು ಹೊಡೆದಾಡ್ತಾರೆ. ಆದರೆ ಕೆಜಿಎಫ್ ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ ಜೊತೆ ವಿಲನ್‍ಗಳ ದೊಡ್ಡ ಗುಂಪುವೊಂದು ಹೊಡೆದಾಡಿದೆ ಎಂಬ ಸುದ್ದಿ ಹರಿದಾಡುತ್ತಿದೆ.

ಕೆಜಿಎಫ್ ಸಿನಿಮಾ ಲಾರ್ಜ್ ಸ್ಕೇಲ್‍ನಲ್ಲಿ ಪಿರಿಯಾಡಿಕ್ ಕಾನ್ಸೆಪ್ಟ್ ನಲ್ಲಿ ತಯಾರಾಗುತ್ತಿದೆ. 70-80ರ ದಶಕದ ಚಿತ್ರದ ಹೀರೋ ಆಗಿ ಯಶ್ ಕಾಣಿಸಿಕೊಳ್ಳುತ್ತಿದ್ದಾರೆ. ಯಶ್ ಪವರ್ ಖದರ್ ಗೆ ಸರಿಹೊಂದುವ ಕಟ್ಟುಮಸ್ತಾದ ದೇಹ ಒಂದೇ ನೋಟಕ್ಕೆ ಸಿನಿಪ್ರಿಯರು ಥ್ರಿಲ್ಲಾಗುವಂತಹ ಖಳನಟರನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಹುಡುಕಿ ತಂದಿದ್ದಾರೆ.

ದೈತ್ಯದೇಹ, ಎಣ್ಣೆಗೆಂಪು ಬಣ್ಣದ ನೂರಾರು ಜನ ವಿಲನ್‍ಗಳು ಕೆಜಿಎಫ್‍ನಲ್ಲಿ ಅಬ್ಬರಿಸಿ ಬೊಬ್ಬಿರಿದಿದ್ದಾರೆ. ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಜಬರ್ದಸ್ತ್ ಆಗಿರುವ ಕೆಜಿಎಫ್ ವಿಲನ್‍ಗಳ ಫೋಟೋ ಸಖತ್ ವೈರಲ್ ಆಗುತ್ತಿದೆ. ವಿಶೇಷವೆನೆಂದರೆ ಯಶ್ ಜೊತೆ ಹೊಡೆದಾಡಿರುವ ಎಲ್ಲ ವಿಲನ್‍ಗಳು ಹೊಸ ಪ್ರತಿಭೆಗಳು ಎಂದು ಹೇಳಲಾಗಿದೆ.

ಹಳೆಯ ಕಲಾವಿದರ ಜೊತೆ ನೂರಾರು ಹೊಸ ಕಲಾವಿದರು ಚಿತ್ರದಲ್ಲಿ ಅಭಿನಯಿಸಿದ್ದಾರೆ. ಒಟ್ಟಿನಲ್ಲಿ ವಿಲನ್ ಗಳ ಸಂಖ್ಯೆ ಕೆಜಿಎಫ್ ಸಿನಿಮಾದಲ್ಲಿ ದೊಡ್ಡದಿದ್ದು, ರಾಖಿ ಭರ್ಜರಿಯಾಗಿಯೇ ಶತ್ರುಗಳ ಜೊತೆ ಹೊಡೆದಿದ್ದಾರೆ. ಭರಪೂರ ಮನರಂಜನೆ ಜೊತೆಗೆ ಕಿಕ್ ಕೊಡುವ ಸಾಹಸ ದೃಶ್ಯಗಳು ಈ ಸಿನಿಮಾದಲ್ಲಿದೆ ಎಂಬುದು ತಿಳಿದುಬಂದಿದೆ.