ಯಾರಿಗೆ ಯಾರುಂಟು: ಟ್ರೈಲರ್ ಮೂಲಕ ಮತ್ತೊಂದು ಸೀಕ್ರೆಟ್ ಬಯಲಾಯ್ತು!

ಬೆಂಗಳೂರು: ಟೀಸರ್ ಮೂಲಕ ಕುತೂಹಲ ಕೆರಳಿಸಿದ್ದ ಕಾರ್ಟೂನ್ ಕ್ಯಾರೆಕ್ಟರ್ ಮತ್ತೆ ಪ್ರತ್ಯಕ್ಷವಾಗಿದೆ. ಇದೀಗ ಟ್ರೈಲರ್ ಮೂಲಕ ಮತ್ತೊಂದು ಸೀಕ್ರೆಟ್ ಬಿಚ್ಚಿಡೋ ಮೂಲಕ ಯಾರಿಗೆ ಯಾರುಂಟು ಚಿತ್ರದ ಬಗ್ಗೆ ಮತ್ತಷ್ಟು ಕ್ಯೂರಿಯಾಸಿಟಿ ಹುಟ್ಟುವಂತೆ ಮಾಡಿದೆ.

ತಿಂಗಳುಗಳ ಹಿಂದೆ ಯಾರಿಗೆ ಯಾರುಂಟು ಸಿನಿಮಾದ ಹೊಸಾ ಥರದ ಟೀಸರ್ ಒಂದು ಬಿಡುಗಡೆಯಾಗಿತ್ತು. ಇದರಲ್ಲಿ ಆನಿಮೇಟೆಡ್ ಕಾರ್ಟೂನ್ ಪಾತ್ರವೊಂದರ ಮೂಲಕ ನಿರೂಪಣೆ ಮಾಡಿಸೋ ಮೂಲಕ ನಿರ್ದೇಶಕ ಕಿರಣ್ ಗೋವಿ ಮ್ಯಾಜಿಕ್ ಮಾಡಿದ್ದರು. ಇದೀಗ ಅದೇ ಕಾರ್ಟೂನ್ ಪಾತ್ರ ಟ್ರೈಲರನ್ನು ನಿರೂಪಣೆ ಮಾಡಿದೆ. ಮೂವರು ನಾಯಕಿಯರ ಜೊತೆ ಡ್ಯುಯೆಟ್ ಹಾಡೋ ನಾಯಕನ ಬಗ್ಗೆ ಭಯಾನಕ ಸೀಕ್ರೆಟ್ ಒಂದನ್ನು ಬಿಚ್ಚಿಟ್ಟಿದೆ.

ಇದುವರೆಗೆ ಹೊರಬಿದ್ದಿರೋ ಮಾಹಿತಿಗಳ ಪ್ರಕಾರವಾಗಿ ಯಾರಿಗೆ ಯಾರುಂಟು ಸಿನಿಮಾ ನಾಯಕ ಡಾಕ್ಟರ್ ಅಂತಲೇ ನಂಬಲಾಗಿತ್ತು. ಸ್ಟೆಥಸ್ಕೋಪು ಹಿಡಿದೇ ಮೂವರು ನಾಯಕಿಯರೊಂದಿಗೆ ರೊಮ್ಯಾನ್ಸ್ ಮಾಡೋ ನಾಯಕ, ಸುತ್ತಲಿರೋರೆಲ್ಲರ ಸಪೋರ್ಟು… ಆದ್ರೆ ನಾಯಕ ನಾವೆಲ್ಲ ಅಂದುಕೊಂಡಿರೋವಂತೆ ಡಾಕ್ಟರ್ ಅಲ್ಲ ಎಂಬ ವಿಚಾರವನ್ನು ಈ ಟ್ರೈಲರ್ ಜಾಹೀರು ಮಾಡಿದೆ.

ಹಾಗಾದರೆ ಆತ ಮೂವರು ನಾಯಕಿಯರ ಜೊತೆ ಯಾಕೆ ರೊಮ್ಯಾನ್ಸ್ ಮಾಡ್ತಾನೆ? ಅದು ಗೊತ್ತಿದ್ದು ಯಾಕೆ ಜನ ಆತನಿಗೇ ಸಪೋರ್ಟು ಮಾಡುತ್ತಾರೆ ಅನ್ನೋದು ಸೇರಿದಂತೆ ಯಾರಿಗೆ ಯಾರುಂಟು ಚಿತ್ರ ಟ್ರೈಲರ್ ಮೂಲಕವೇ ಕುತೂಹಲದ ಕೇಂದ್ರಕ್ಕೆ ಬಂದು ನಿಂತಿದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv