ಬಾಲಿವುಡ್ ಡ್ರಾಮಾ ಕ್ವೀನ್, ಹಾಸ್ಯ ಕಲಾವಿದೆ ಭಾರತಿ ಸಿಂಗ್ ಗಂಡು ಮಗುವಿನ ಜನ್ಮ ನೀಡಿದ್ದಾರೆ. ಭಾರತಿ ಸಿಂಗ್ ಮತ್ತು ಹರ್ಷ ಲಿಂಬಾಚಿಯಾ ದಂಪತಿ ಈ ಖುಷಿ ವಿಚಾರವನ್ನು ಸೋಶಿಯಲ್ ಮೀಡಿಯಾ ಮೂಲಕ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು. ಈಗ ಮತ್ತೆ ಅಭಿಮಾನಿಗಳಿಗೆ ತಮ್ಮ ಹೆರಿಗೆ ಸಮಯದಲ್ಲಿ ಆದ ಅನುಭವಗಳನ್ನು ಅವರು ಶೇರ್ ಮಾಡಿದ್ದಾರೆ.
ಭಾರತಿ ಸಿಂಗ್ ಮತ್ತು ಹರ್ಷ ಲಿಂಬಾಚಿಯಾ ದಂಪತಿ ಏಪ್ರಿಲ್ 3 ರಂದು ಗಂಡು ಮಗುವಿನ ಪೋಷಕರಾಗಿದ್ದಾರೆ. ದಂಪತಿ ಎಲ್ಒಎಲ್(ಲೈಫ್ ಆಫ್ ಲಿಂಬಾಚಿಯಾಸ್) ಹೆಸರಿನ ಯೂಟ್ಯೂಬ್ ಚಾನೆಲ್ ಹೊಂದಿದ್ದು, ಈ ಚಾನೆಲ್ನಲ್ಲೇ ತಮ್ಮ ಎಲ್ಲ ಅಪ್ಡೇಟ್ಗಳನ್ನು ಅಭಿಮಾನಿಗಳೊಂದಿಗೆ ಶೇರ್ ಮಾಡಿಕೊಂಡಿದ್ದಾರೆ. ಈ ಚಾನಲ್‌ನಲ್ಲಿಯೇ ಭಾರತಿ ತಾಯ್ತನದ ಪ್ರಯಾಣವನ್ನು ಹೇಳಿಕೊಂಡಿದ್ದಾರೆ. ಇದನ್ನೂ ಓದಿ: ಗರ್ಲ್‍ಫ್ರೆಂಡ್, ಮಾಜಿ ಪತ್ನಿ ಜೊತೆ ಗೋವಾದಲ್ಲಿ ಪಾರ್ಟಿ ಮಾಡಿದ ಹೃತಿಕ್ ರೋಷನ್
- Advertisement 2-
- Advertisement 3-
ವೀಡಿಯೋದಲ್ಲಿ ನನ್ನ ಮಗ ಕೊನೆಗೂ ನನ್ನ ಕೈಗೆ ಬಂದಿದ್ದಾನೆ. ಅವನು ಆರೋಗ್ಯವಾಗಿದ್ದಾನೆ. ನನಗೆ ಇದನ್ನು ನಂಬಲು ಸಾಧ್ಯವಾಗುತ್ತಿಲ್ಲ. ಇದೆಲ್ಲ ಕನಸಿನಂತಿದೆ. ಈ ಅನುಭವವು ತುಂಬಾ ಭಾವನಾತ್ಮಕವಾದ್ದು. ಇದು ನನಗೆ ತುಂಬಾ ಸಂತೋಷದ ಸಂಗತಿಯಾಗಿದೆ ಎಂದು ವೀಡಿಯೋದಲ್ಲಿ ತಿಳಿಸಿದ್ದಾರೆ.
- Advertisement 4-
ನನ್ನ ಮಗುವನ್ನು ಮೊದಲ ಬಾರಿಗೆ ಹಿಡಿದುಕೊಂಡಾಗ ನನಗೆ ಏನೋ ಒಂದು ರೀತಿ ಖುಷಿಯ ಅನುಭವವಾಯಿತು. ದಯವಿಟ್ಟು ನಿಮ್ಮ ಪ್ರೀತಿಯನ್ನು ನಮ್ಮ ಮಗುವಿನ ಮೇಲೂ ತೋರಿಸಿ ಎಂದು ಕೇಳಿದ್ದಾರೆ.
ಭಾರತಿ ಅವರು ಮೊದಲು ತಮ್ಮ ಬೆನ್ನುನೋವಿನ ಬಗ್ಗೆ ಮಾತನಾಡುವುದರೊಂದಿಗೆ ವೀಡಿಯೊ ಆರಂಭಿಸುತ್ತಾರೆ. ಈ ವೇಳೆ ಅವರು, ನಾನು ಕಾರಿನಲ್ಲಿ ಕುಳಿತಾಗ ಹೆರಿಗೆ ನೋವು ಆಗಿದೆಯೋ ಇಲ್ಲವೋ ಎಂದು ಖಚಿತವಾಗಿರಲಿಲ್ಲ. ನನಗೆ ಭಯವಾಗಿತ್ತು. ಆದರೂ ಉತ್ಸಾಹದಲ್ಲೇ ಇದ್ದೆ. ಇದಕ್ಕೂ ಮೊದಲು ನಾನು ಈ ಭಯವನ್ನು ಅನುಭವಿಸಿರಲಿಲ್ಲ ಎಂದು ವಿವರಿಸಿದ್ದಾರೆ.
ಇದೇ ವೇಳೆ ಹರ್ಷ್, ಇದು ನಿಮ್ಮ ಮೊದಲ ಗರ್ಭಧಾರಣೆ. ಅದಕ್ಕಾಗಿಯೇ ನೀವು ಭಯಪಡುತ್ತೀರಿ. ಮುಂದಿನ ಬಾರಿ ನಿಮಗೆ ಏನು ಆಗುವುದಿಲ್ಲ. ನನಗೆ ಇನ್ನೂ 6 ಮಕ್ಕಳು ಬೇಕು ಎಂದಿದ್ದಾರೆ. ಇದನ್ನೂ ಓದಿ: ಕಳುವಾದ ನವಜಾತ ಶಿಶು 21 ದಿನಗಳ ಬಳಿಕ ಪತ್ತೆ – ಆಸ್ಪತ್ರೆಯಲ್ಲಿ ಮಗು ಚಿಕಿತ್ಸೆ
ವಿಡಿಯೋ ಕೊನೆಯಲ್ಲಿ ಭಾರತಿ ಅವರು 4:30ಕ್ಕೆ ನನಗೆ ಹೆರಿಗೆ ನೋವು ಕಾಣಿಸಿಕೊಂಡಿತು. ಆ ಸಮಯದಲ್ಲಿ ನಾನು ನನ್ನ ತಾಯಿಯನ್ನು ತುಂಬಾ ಮಿಸ್ ಮಾಡಿಕೊಳ್ಳುತ್ತಿದೆ. ಈ ವೇಳೆಯೂ ನಾನು ನನ್ನ ತಾಯಿಯನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇನೆ ಎಂದು ಭಾವನಾತ್ಮಕವಾಗಿ ನುಡಿದಿದ್ದಾರೆ.
