ಬೆಂಗಳೂರು: ಸಿಲಿಕಾನ್ ಸಿಟಿ ಬೆಂಗಳೂರು ಎಂದಾಕ್ಷಣ ಎಲ್ಲರಿಗೂ ಇಲ್ಲಿನ ಟ್ರಾಫಿಕ್ ನೆನಪಾಗುತ್ತದೆ. ಇತ್ತೀಚೆಗೆ ಟ್ರಾಫಿಕ್ ಹೆಚ್ಚಾಗಿದ್ದು, ಇದಕ್ಕೆ ಮುಕ್ತಿ ನೀಡಲು ಪೊಲೀಸರು ಹೊಸ ಐಡಿಯಾ ಮಾಡಿದ್ದಾರೆ.
ನಗರದ ಹುಳಿಮಾವು ಸಂಚಾರ ಪೊಲೀಸ್ ಠಾಣೆಯ ಸರಹದ್ದಿನ ಬನ್ನೇರುಘಟ್ಟ ರಸ್ತೆಯ, ಗೊಟ್ಟಿಗೆರೆ ಜಂಕ್ಷನ್‍ನಲ್ಲಿ ಮ್ಯಾನಿಕ್ವೀನ್ ನಿಲ್ಲಿಸಲಾಗಿದೆ. ಈ ಟ್ರಾಫಿಕ್ ಪೊಲೀಸ್ ಪ್ರತಿಕೃತಿ ಗೊಂಬೆ ತಯಾರಿಗೆ 8 ಸಾವಿರ ರೂ. ತಗುಲಿದ್ದು, ಎಲ್ಲರನ್ನೂ ತನ್ನತ್ತ ಸೆಳೆಯುತ್ತಿದೆ.
ಈ ಗೊಂಬೆ ದೂರದಿಂದಲೇ ವಾಹನ ಸವಾರರಿಗೆ ಸಂಚಾರಿ ನಿಯಮಗಳನ್ನು ಪಾಲಿಸಲು ಸಿಗ್ನಲ್ ನೀಡುತ್ತದೆ. ಕೆಲವರು ಪೊಲೀಸರನ್ನು ನೋಡಿದ ತಕ್ಷಣ ಸಂಚಾರಿ ನಿಯಮವನ್ನು ಪಾಲಿಸುತ್ತಾರೆ. ಪೊಲೀಸರು ಇಲ್ಲದಿದ್ದರೆ ಅವರು ನಿಯಮಗಳನ್ನು ಪಾಲಿಸುವುದಿಲ್ಲ. ಹಾಗಾಗಿ ಪೊಲೀಸರು ಈ ಹೊಸ ಐಡಿಯಾ ಮಾಡಿದ್ದಾರೆ.
ನಗರದ ಎಲ್ಲೆಡೆ ಪ್ರತಿ ಸರ್ಕಲ್‍ನಲ್ಲೂ ಈ ಗೊಂಬೆಗಳನ್ನು ನಿಲ್ಲಿಸಲು ನಿರ್ಧರಿಸಲಾಗಿದೆ. ಒಂದು ಪೊಲೀಸ್ ಸ್ಟೇಷನ್‍ಗೆ 5 ಮ್ಯಾನಿಕ್ವೀನ್ ನೀಡಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.
